ကျနော် စာအုပ် စာရွက်ခေါက်ခြင်း

တနေ့က ကျနော့အစ်ကိုကြီးကိုရုပ်ဆိုးက ကျနော်လိုချင်လို့တခုတ်တရမှာလိုက်တဲ့ စာအုပ်တွေ ကျနော်ချစ်တဲ့မြေကနေ တကူးတက လူကြုံနဲ့ ထည့်ပေးလိုက်ပါတယ်။ စာအုပ်တွေက

၁။ခင်ခင်ထူး အညာသူအညာသားဆွေမျိုးများ
၂။ခင်ခင်ထူး ပါးကွက်ကျား
၃၊ခင်ခင်ထူး လှည်းယဉ်ကျော့
၎။ခင်ခင်ထူး ကြာဆစ်ကြိုး
၅။ဂျူး ကံကြမ္မာကို မယုံကြည်ကြသူများ

တို့ပဲဖြစ်ပါတယ်။ စာအုပ်တွေတိုင်းမှာ စာမျက်နှာမှတ်ဖို့ဆေးကြော်ငြာစာရွက်ပိုင်းလေးတွေနဲ့။ တကယ်ကို ကောင်းမွန်တဲ့စာမှတ်လေးတွေ။

ငယ်ငယ်ကျောင်းသားဘ၀တုန်းကပေါ့။ မေက ကျောင်းပြန်လာရင်လွယ်အိတ်တွေကို စစ်တယ်။ အိမ်စာပြီးလား ဘာတွေမှားလာလဲ။ ဒါ့အပြင် စာအုပ်တွေဒေါင့်ကျိုးလာလား ညစ်ပတ်လာလားပေါ့။ အဖြစ်များဆုံးက ဒေါင့်ကျိုးတာ။ အိမ်ပြန်ချင်တာနဲ့စွတ်ရွတ်ထည့်တော့တာကိုး။ တစ်အုပ်နဲ့တစ်အုပ်တိုက်မိပြီး လွယ်အိတ်ထဲမှာဖြစ်ချင်တိုင်းဖြစ်နေတော့တာ။ အဲဒီစာအုပ်လေးတွေတိုင်းကို ဖေက နှစ်စဉ်ကျောင်းမဖွင့်မှီ ပြက္ခဒိန်လှလှလေးတွေနဲ့ဖုံးပေးနေကြ။ နှစ်လသုံးလအကြာမှာတော့ အဖုံးနဲ့စာအုပ်တွေက တခြားစီဖြစ်ဖြစ်သွားကြတာချည်း။ အဲဒီလောက်ဆိုးသွမ်းတော့ မေက နေ့တိုင်းစစ် နေ့တိုင်းဒဏ်ပေး။ သူ့ဒဏ်ပေးနည်းက အိမ်ရှေ့ကပြင်မှာထွက် ထိုင်ထ အခါတစ်ရာလုပ် ပါးစပ်ကလည်း နောက်မညစ်ပတ်တော့ပါဘူး နောက်မကျိုးစေရတော့ပါဘူးလို့ ရှက်လောက်အောင်အော်ရင်း။

စာဖတ်ခြင်းနဲ့အတူကျနော့ အလေ့အကျင့်က စာအုပ်တွေစုဆောင်းခြင်းဆိုတော့ ရသမျှမုန့်ဖိုးတွေ ကိုစာအုပ်တွေဝယ်ခြင်းပဲပေါ့။ စာအုပ်တွေဝယ်ပြီး ပုံးထဲမှာသိမ်းထားပြန်တော့လည်း သဘာဝမကျ သူငယ်ချင်းအပေါင်းအသင်းတွေကို ငှားချင်ပြန်ရော။ ငှားပြန်တော့ စောစောက ကျနော့ရဲ့ ငယ်ငယ်ကစွဲမြဲစေခဲ့တဲ့အကျင့်ကြောင့် စာမျက်နှာတွေမခေါက်ပါနဲ့လို့ (ခေါက်မယ်မခေါက်ဘူးဆိုတာ ဘယ်သူမှကြိုမသိနိုင်တာမို့) ပြောမိပြန်တော့ ကိုယ့်ပစ္စည်းနဲ့ကိုယ်လူမုန်းခံရပြန်ရော။ သူငယ်ချင်းတစ်ယောက်ဆို အခုထိပြောလို့မပြီးသေး။ စာရွက်ခေါက်မှာကြောက်လို့မငှားပဲတော့မနေမိပါဘူး။ သတိပေးစကားပြောရင်း စာအုပ်တွေလည်း ပျောက်ရင်း စုတ်ရင်းနဲ့လိပ်ပတ်လည်နေတော့တာပါပဲ။

အခုတော့စာမှတ်ကလေးတွေပါ ပါလာတဲ့စာအုပ်လေးတွေကို ဖတ်ရင်း အဲဒီအတွေးရယ် ငယ်ငယ်က ဒဏ်ပေးခံရတာကို တွေးရင်းနဲ့ စာအုပ်လေးတွေအတွက်ရော စာမှတ်လေးတွေအတွက်ရော ကျေးဇူးတွေတလှေကြီးတင်……..