သူတို့ဆီက မြကျွန်းညိုညို

တကယ်တမ်း ဒီပို့စ်ကို ရေးဖို့လုပ်ရင်း (၂၀၁၅ကအဆက်ပါ၊ ၂၀၁၈မှပဲ အဆုံးသတ်တော့တယ် :P) တခြားခရီးသွားပို့စ်တွေရေးနေမိခဲ့တယ်။ မြကျွန်းညိုညို တက္ကသိုလ်အရိပ်အစစ်နဲ့ ဝေးခဲ့သူတယောက်မို့ ရေးဖို့လက်တွေနောက်တွန့်နေခဲ့တာပဲဖြစ်ပါတယ်။ ကျနော့သူငယ်ချင်း ခေါ်သွားတဲ့ ကျောင်းကတော့ Assumption University ဆိုတဲ့ Private university ပါပဲ.

ကျောင်းရဲ့ နောက်ခံကတော့ ခရစ်ယာန်ဘာသာရေးနဲ့ ဆက်နွယ်နေတာမို့ ကျောင်းမှာ ဘာသာရေး အရိပ်အယောင်တွေနဲ့ ပြည့်နေပါတယ်။ ကျောင်းရဲ့ နောက်ခံသမိုင်းကို ကျောင်းကလူတွေရေးရင် ပိုပြီးပြည့်စုံမှာဖြစ်လို့ကျနော် မရေးတော့ပါဘူး။

ပထမဆုံးသွားတဲ့နေရာက Hua Mak Campus ပါ။ ဒီကျောင်းကို ၁၉၈၅မတ်လမှာ ဖွင့်လှစ်ခဲ့တာဖြစ်ပါတယ်။ ကျောင်းပရဝုဏ်ကို လျှောက်ကြည့်ဖြစ်ပါတယ်။ ဘုရားကျောင်းဆောင်ကို ကောပေါ့. အကြိုက်ဆုံးကတော့ လျှောက်လမ်းပါပဲ။

ကျောင်းကို တပတ်ပြည့်တဲ့အခါ အသစ်ဖွင့်ထားတဲ့ Suvarnabhumi Campus ကိုသွားမလားလို့ သူငယ်ချင်းက မေးတယ်။ အနောက်နိုင်ငံပုံစံအတိုင်းဆောက်ထားတဲ့ အဆောက်အဦးတွေလို့ ပြောတဲ့အခါ ဓါတ်ပုံရိုက်ချင်စိတ်ကြောင့် သွားကြမယ်လို့ပြောဖြစ်တယ်။ ကျောင်းနှစ်ခုကြားဆွဲပေးတဲ့ ဘတ်စ်ကားတွေက ကျောင်းပိတ်ထားတဲ့အတွက် နည်းနည်းပဲဆွဲတယ်။ ဒါနဲ့ ကျနော်တို့လိုပဲ စောင့်နေတဲ့ကျောင်းသားတွေကို စပ်ပြီး တက္ကစီငှားစီးကြမယ် လုပ်ကြတယ်။ တကယ်တမ်း ကားခကို ကျနော်ပဲ ပေးခဲ့လိုက်ပါတယ်။

ကျောင်းအသစ်က အရှိန်အဝါကြီးလွန်းပါတယ်။ လမ်းကနေ ကျောင်းထဲကို ဝင်တဲ့လမ်းတလျှောက် ကျနော့မှာ ပါးစပ်အဟောင်းသားနဲ့.....

ကျောင်းရဲ့ ပင်မအဆောက်အအုံကို ကျောင်းသားမဟုတ်လို့ ဝင်ခွင့်မရခဲ့ပါဘူး။ အရပ်လေးမျက်နှာရှိတာမို့ဝင်ခွင့်ရတဲ့ အရပ်မျက်နှာတချို့မှာ ဓါတ်ပုံရိုက်ပါတယ်။ 

ကျောင်းရဲ့ ဘုရားကျောင်းကိုလည်း တခုတ်တရဓါတ်ပုံရိုက်ခဲ့တယ်။

ကျောင်းကနေထွက်လာတဲ့အခါ တလောလေးက ကျနော့ကိုငယ်ငယ်က သင်္ချာသင်ပေးတဲ့ ဆရာလင်မယားနှစ်ယောက်ရဲ့ သမီးကိုအကြံဥာဏ်ပေးခဲ့တာလေး မှန်တယ်ဆိုတာ  ပိုသေချာလာခဲ့တယ်။ ဆရာမကတော့ သူ့သမီးကို မသွားစေချင်လို့တားခိုင်းခဲ့တာ။ AIT မှာ ကျောင်းရလို့ Master တက်မယ်ဆိုတဲ့ သမီးကို တားစေချင်တာတဲ့။ အိမ်လာပြီး မင်းညီမကို ပြောပေးပါဦးဆိုတော့ ဟုတ်ကဲ့ပေါ့..

တကယ်တမ်း ကျနော်က သမီးတက်သာတက် အားမငယ်နဲ့ ဒီအသက်အရွယ်ငယ်တုန်းမှာ ပညာရှာ အတွေ့အကြုံတွေဆည်းပူး နိုင်ငံတကာနဲ့ ရင်ဘောင်တန်းနိုင်မယ့် အင်ဂျင်နီယာလောင်းတွေ ဖြစ်အောင်လုပ်လို့ ပြောရင်း၊ အကယ်၍ ကျနော့အကူအညီများ လိုခဲ့ရင် ဆက်သွယ်နိုင်မယ့် ဖုန်းနံပါတ်၊ မေးလ်၊ လိပ်စာတွေပါ ပေးခဲ့တယ်။

ဆရာမကတော့ တဖြစ်တောက်တောက်နဲ့ပေါ့လေ။ သမီးအရွယ်ငယ်ငယ်ကို နိုင်ငံရပ်ခြားမှာ မလွှတ်ချင်ဘူး။ ကလေးတွေရဲ့ အတောင်အလက်ကို ဖြန့်ခွင့်ပေးလိုက်ပါ ဆရာမရယ်ဆိုတော့ ကျနော့ကိုပဲ မြှောက်ပေးသူအဖြစ် ဆူတာပေါ့လေ.

သူများနိုင်ငံရဲ့ မြကျွန်းညိုညိုမှာ တက်ခဲ့ရတဲ့ ကလေးတယောက်အတွက် ကျနော် အဆူခံရလည်း ဒီအပြုအမူအတွက် ကျေနပ်ခဲ့ပါတယ်လေ..........

ထားဝယ် သို့ ချစ်သောမြေ တောင်ပိုင်း (သိမ်း)

ငါးနာရီလောက်မှာ နေထွက်တာကြည့်ဖို့ နိုးလာတယ်။ မျက်နှာသစ်ပြင်ဆင်ပြီးတာနဲ့ သုံးထပ်တိုက်ခေါင်မိုးပေါ်ကိုတက်တယ်။ ခေါင်မိုးပေါ်ကနေ ထားဝယ်မြို့ကိုခြုံထားတဲ့ မြူပုဝါကို ခပ်ပါးပါးမြင်နေရတယ်။ အသိက မနက်စာသွားဝယ်ရင်း၊ ဈေးသွားမယ်ဆိုပြီး ဆင်းသွားကြတယ်။ ကျနော်ကတော့ နေထွက်တာကို စောင့်ပေါ့။ 

နေထွက်ရှုခင်း ဓါတ်ပုံရိုက်ပြီးတဲ့အခါ မနက်စာစား ရေမိုးချိုးကြတယ်။ ဒီနေ့တခါတည်း လေဆိပ်ဆင်းမှာမို့အထုတ်ကို ပြင်ထားပြီးပြီ။ ကားလာကြိုတာနဲ့ အထုတ်ဆွဲပြီးဆင်းသွားကြတယ်။ ဒီနေ့သွားမှာ ပကာရီတဲ့ ကချနဘူရီအသွား လမ်းပေါ်မှာရှိတဲ့ မြို့ငယ်လေးပေါ့။

ထားဝယ်မြို့အထွက်က ထန်းပင်တန်းကို ဓါတ်ပုံရိုက်တယ်။ ပင်လယ်အထိ မြင်ရတဲ့ တောင်ကုန်းထိပ်က ဘုရားကို တက်သွားကြပေမယ့် မြူတွေဆိုင်းနေတာမို့ သေချာ မမြင်ရပါဘူး။

ပြီးတာနဲ့ လမ်းက အရောင်သုံးရောင်ဖြစ်နေတဲ့ ချောင်းရယ်၊ တံတားအဟောင်းတခုရယ်မှာ ဓါတ်ပုံဆင်းရိုက်ကြတယ်။

ပကာရီ မရောက်ခင်မှာ သင်္ကန်းတုံး ရေတံခွန်ကို ဝင်ကြတယ်။ ကြားရက်မုို့ထင်တယ် ခရီးသွားတယောက်မှ မရှိပဲ ကျနော်တို့ပဲ ရှိနေခဲ့တယ်။ ရေတံခွန်က ရေနည်းပေမယ့် အတော်လေး ရေကြည်ပါတယ်။ အပေါ်ထပ်တက်ရင် ရေတံခွန်ရှိသေးလားမသိပါဘူး။ ရေအားလျှပ်စစ်ထုတ်ယူထားတာကိုလည်း တွေ့ခဲ့ရတယ်။

ရေတံခွန်ကပြန်ထွက်ပြီး ပကာရီမှာ တောဝက်သားနဲ့ နေ့လည်စာ ထမင်းစားခဲ့တယ်။ ဗိုက်ကလည်းဆာဆာနဲ့ ဟင်းချက်လည်းကောင်းတာမို့ အတော်မြိန်မြိန်စားခဲ့ရပါတယ်။

ပကာရီကနေ ထားဝယ်ကို ပြန်တော့ အချိန်နည်းနည်း စောနေသေးတယ်။ ဒါနဲ့ ကမြောကြီးကို ခဏပြန်နားကြတယ်။ ကမြောကြီးကနေမှ လေဆိပ်ကိုဆင်းတယ်။ သန့်ရှင်းသပ်ရပ်နေတဲ့ ထားဝယ်မြို့နယ်ဟာ သဘာဝဓါတ်ငွေ့တွေ ထွက်ရှိနေပါလျက်၊ အစိုးရမီးမရပဲ သူတို့အခေါ် ယိုးဒယားမီ တမီတာကို ၁၂၀ကျပ်နဲ့ သုံးနေခဲ့တဲ့အဖြစ်ကို သိခဲ့ရပါတယ်။

မြန်မာပြည်တောင်ပိုင်း ထားဝယ်မြို့ကနေ ပြန်လာတဲ့အခါ သဘာဝရေမြေရဲ့ လှပမှုကြောင့်ရော နယ်မြေဒေသခံတွေရဲ့ ရိုးသားမှု အလုပ်ကြိုးစားမှုတွေကြောင့်ရော တနိုင်ငံလုံးအတိုင်းအတာနဲ့ အခုလိုသန့်ရှင်းသပ်ရပ်တဲ့ ဒေသတွေဖြစ်အောင် လုပ်လာကြရင်ဆိုတဲ့ အတွေးတခုကို အမြဲတွေးနေမိတော့တယ်......

ထားဝယ် သို့ ချစ်သောမြေ တောင်ပိုင်း (၄)

မနက်ငါးနာရီ မထိုးခင်မှာ နိုးလာတယ်။ ၂၀၁၈ နှစ်သစ်ရဲ့ ပထမဆုံး နေထွက်ရှုခင်းကို ဖိုးခေါင်းတောင် အစပ် ကုန်းမြင့်နားကနေ ကြည့်ကြမယ်။ မျက်နှာ ကပျာကယာသစ်ပြီး အိမ်ရဲ့ နောက်ကျောဖက်ကို တက်သွားကြတယ်။

အမြင့်တနေရာ တောင်တန်းတွေကို မြင်ရတဲ့ နေရာလွတ်တခုမှာ ခြေကုတ်ယူပြီး နေထွက်အလာကို စောင့်ကြတယ်။ နေမလာခင် ရောင်နီပျို့လာကတည်းက ဘယ်နေရာလောက်က နေထွက်မလဲဆိုတာ မှန်းကြရင်း ရင်ခုန်နေကြတယ်။

စောင့်တော့သာ ကြာပေမယ့် နေထွက်လာတဲ့အချိန်က ခဏလေးပဲ။ တောင်တခုနောက်ကနေ ဘွားကနဲတက်လာပြီး အပေါ်ကို တရှိန်ထိုးတက်သွားတော့တယ်။ တောင်တန်းတွေကြားက မြူတွေဟာ နေရောင်အောက်မှာ ကခုန်ကြတော့တာပေါ့....

နေထွက်ရှုခင်းကြည့်ပြီးတာနဲ့ အထုပ်တွေသိမ်း တောင်အောက်ရွာကို ပြန်ဆင်းကြတယ်။ ရွာကထမင်းဆိုင်မှာ ထမင်းကြော်စားရင်း ကော်ဖီသောက်တယ်။ အဲ့ဒီအချိန်မှာပဲ ဒီနှစ်ဆန်းတရက်နေ့မှာ မင်္ဂလာဆောင်မယ့် ရိုးရာမင်္ဂလာပွဲနဲ့ ဆုံတယ်။ ခွင့်တောင်းရင်း တိုးဝှေ့ပြီး ဓါတ်ပုံဝင်ရိုက်တယ်။ သူတို့ရိုးရာက သတို့သားဖခင်နဲ့ သတို့သမီးဖခင်တို့ ပန်းအိုးချင်းလဲကြတယ်။ သတို့သားမိခင်နဲ့ သတို့သမီး မိခင်တို့ကွမ်းအစ်ချင်းလဲကြတယ်။ ပြီးမှ သတို့သား သတို့သမီးတို့ မင်္ဂလာပွဲဆီကို ဝင်ကြရတယ်။ တမိသားနဲ့ တမိသားဖလှယ်ကြတာကို နှစ်ဖက်မိဖ ကြည်ကြည်ဖြူဖြူဖြစ်ဟန်ကို ဆိုလိုတာထင်ပါတယ်။

ပြီးတာနဲ့ အဲကွန်းလမ်းဆိုတဲ့ ရွာတွေကြားက လျှိုမြောင်လမ်းကလေးကို တောက်လျှောက်မောင်းကြတယ်။ သဲလမ်းတွေမို့ သတိထားပြီး ဆိုင်ကယ်ကို မောင်းရပါတယ်။ နောက်ရွာတရွာမှာလည်း မင်္ဂလာပွဲနဲ့ ဆုံပြန်တယ်။ ဒါလည်း အမှတ်တရအနေနဲ့ ဆင်းရိုက်ကြပြန်ရော။ လွန်ဘော့တုန်းကလည်း ဒီလို နှစ်ဆန်းတရက်မှာ မင်္ဂလာဆောင်ဝင်ပြီး ဓါတ်ပုံရိုက်ကြတာ သတိရသွားမိတယ်။

ဒီနေ့ပထမဆုံးသွားတဲ့နေရာက မယင်းကြီးကမ်းခြေပါ။ မယင်းကြီးကမ်းခြေကတော့ ရေကူးလို့မရပါဘူး။ ရေနက်ဆိပ်ကမ်းလုပ်ငန်းနေရာပါ။ ကမ်းခြေအထိဆင်းပြီး ဓါတ်ပုံရိုက်တဲ့အခါ ဒီရေလှိုင်းကဆွဲပြီး ရေစူးနက်တာရယ် ကျောက်ဆောင်တွေရယ်ကြာင့် ကိုမောင်လေးက တားပါတယ်။ ကျနော်တို့လည်း ခပ်မြန်မြန်ဓါတ်ပုံရိုက်ပြီးတာနဲ့  အပေါ်ပြန်တက်လာကြတယ်။ 

မယင်းကြီးကနေ ထွက်ဝကိုသွားတယ်။ ထွက်ဝသွားတဲ့လမ်းမှာ လျော်ကြေးပေးထားတဲ့ လူမနေတဲ့အိမ်ရာတွေကိုလည်းတွေ့ပါတယ်။ လမ်းတလျှောက်က ခြံတွေကို လုပ်ငန်းအတွက် လျော်ကြေးပေးထားပြီးသားလို့ သိရတယ်။ ဒါပေမယ့် လုပ်ငန်းကလည်း မစတော့ ခြံရှင်တွေက ဆက်ပြီး လုပ်ရင်း နှစ်သီးစားတွေလုပ်နေကြတယ်လို့ ရှင်းပြတယ်။ ထွက်ဝရောက်တော့ ကိုမောင်လေး အသိအိမ်မှာ ညက ကျန်တဲ့ ကြက်သားကင်တွေသုပ်ပြီး ထမင်းပူပူချက်ထားပေးဖို့ မှာခဲ့တယ်။

ပြီးတာနဲ့ ထွက်ဝကမ်းခြေကို ဆင်းတယ်။ ထွက်ဝကမ်းခြေက ကိုယ်ပိုင်ကမ်းခြေပါ။ ခြံပိုင်ရှင်တွေရဲ့ အကွက်လိုက် ပင်လယ်အထိတောက်လျှောက်ပိုင်တဲ့ ကမ်းခြေပေါ့။ ခရီးသည်မရှိသလို ခရီးသွားတွေလည်း မသိသေးတဲ့ ကမ်းခြေပါပဲ။ ကျနော်တို့တွေပဲ ရှိတဲ့ကမ်းခြေမှာ အေးအေးလူလူ ရေကူးကြတယ်။ ဆင်ထောက်တုန်းကလို လှိုင်းဆွဲတာမရှိပဲ တော်တော်ပြေတဲ့ ကမ်းခြေလျောမို့ ရေကူးလို့ကောင်းပါတယ်။ 

ရေကူးပြီးတာနဲ့ ဘေးနားက ချောင်းရေကြည်ကြည်ထဲမှာ ရေချိုအေးဆေး ချိုးရုံပဲ။ ရေချိုးနေတုန်း လာတွတ်တဲ့ ငါးလေးတွေကို ဗီဒီယိုရိုက်ထားသေးတယ်။ 

ရေကူးပြီးပြီဆိုတော့ ဗိုက်ကဆာကြပြီပေါ့။ ရွာကအသိအိမ်မှာ ထမင်းပူပူနဲ့လွေးရင်း မုန့်လက်ဆောင်းလေးပါ ဆွဲကြတယ်။ ပင်လည်းပင်ပန်း ဗိုက်ကလည်းပြည့်ဆိုတော့ ဧည့်ခန်းမှာကျောချလိုက်တာနဲ့ အိပ်ပျော်သွားပါတော့တယ်။

နိုးတာနဲ့ ပြန်ကြဖို့ ပြင်ဆင်နေကြပြီ။ ညနေမောင်းမကန်မှာတွေ့ကြမယ်လို့ ချိန်းတဲ့သူတွေလည်း ချိန်းပေါ့။ ထွက်ဝကနေ ရှမ်းလမ်းပေါ်ကိုပြန်တက်၊ ရှမ်းလမ်းကနေ မောင်းမကန်ကို တော်တော်လေး မောင်းရသေးတယ်။

မောင်းမကန်ရောက်တော့ နေကျတော့မယ်။ သူများချက်ပြုတ်လာတဲ့ ပင်လယ်စာတွေနဲ့ အုန်းရည်သောက်ရင်း နေဝင်ချိန်ကို ကြည့်မိတယ်။ မောင်းမကန် နေဝင်ချိန်ကတော့ လှမြဲလှနေဆဲပေါ့။

မောင်းမကန်ကနေ ထားဝယ်အိမ်ကိုရောက်တော့ အတော်လေးမှောင်နေပြီ။ မနက်ထားဝယ်မြို့နေထွက်တာကို ခေါင်းမုိုးပေါ်တက်ကြည့်မယ် ပြီးတော့ မရောက်သေးတဲ့ နောက်တနေရာကို သွားကြမယ်လို့ ပြောရင်း ၂၀၁၈ရဲ့ ပထမဆုံးရက်ကို အေးအေးဆေးဆေး ဖြတ်ကျော်လိုက်ကြတော့တယ်......