28 November 2017

အိုတယု နိုဘိုရိဘတ်စု၊ ဟော့ကိုင်းဒိုး (၅)

နောက်တနေ့ မနက်စောစောနိုးလာတော့ ဝယ်ထားတဲ့ အသီးအနှံတွေကို မနက်စာအဖြစ်စားကြတယ်။ ဒီအိမ်က မနက်စာ မစီစဉ်ပေးဘူးလေ။ ပြီးတာနဲ့ ကားငှားပြီး ဘူတာရုံကိုထွက်လာတယ်။ တကယ်က ဘူတာရုံနဲ့နီးနီးလေး ဆယ်မိနစ်လောက်လမ်းလျှောက်ရင် ရောက်ပါတယ်။ အထုတ်တွေနဲ့ဆိုတော့ ကားပဲ ငှားစီးလိုက်ကြတော့တယ်။

ဘူတာရုံမှာ အိုတယုသွားမယ့် အစောဆုံးရထားကို နေရာယူလိုက်ကြတယ်။ အမြန်ရထားတွေက မနက်ဆယ်နာရီမှဆိုတော့ ပုံမှန်ရထားကိုပဲရွေးလိုက်တယ်။ အရွေးမှန်သွားတယ်။ ရထားက ချောင်နေတဲ့အပြင် ခပ်မှန်မှန်လေးသွားတာကြောင့် ပင်လယ်နားက ဖြတ်သွားတဲ့အခါ ရှုခင်းကို ခံစားလို့ရတယ်လေ။
အိုတယုရောက်တဲ့အခါ ပထမဆုံးက ဘူတာရုံမှာ အိတ်တွေ ထားခြင်းပဲ။ အိတ်တွေထားဖို့ လော့ကာအကြီးကြီးတွေ ထားပေးတယ်။ အရမ်းအဆင်ပြေတယ်။ သွားလေရာ တွန်းသွားပြီး ဒုက္ခမတွေ့တော့ဘူးလေ။ ပြီးတာနဲ့ Double cheese cake ဝယ်တယ်။ ဆိုင်ကလည်း အခုခဲထားတာမို့ စားလို့မရသေးဘူးဆိုတာ ရှင်းပြ၊ကိုယ်တွေကလည်း အခုမစားနိုင်သေး။ ကိတ်ကို ဆွဲပြီး ဘူတာရုံကထွက်လာတော့ ဘယ်သွားကြမယ် မဆုံးဖြတ်ရသေးဘူး။ နာမည်ကျော် တူးမြောင်းရယ် နေ့လည်စာစားမယ် ဒါပဲ အစီအစဉ်ဆွဲထားတာ။ ကားမှတ်တုိုင်မှာ ကားစောင့်နေရင်း အဏ္ဏဝါပြတိုက်ဆိုတော့ စိတ်ဝင်စားသွားကြတယ်။ ဒါနဲ့ အဲ့ဒီကားပေါ်ပါသွားကြလေရဲ့။







နာရီဝက်၊ လေးဆယ့်ငါးမိနစ်လောက်ကြာမှ ပြတိုက်ကိုရောက်တယ်။ ပြတိုက်က တောင်ကုန်းထိပ်လေးမှာ ကောင်းကင်ပြာတဲ့နေမုို့ နေပူပြီး ရှုခင်းကလှနေတယ်။ ပြတိုက်အဝင်ဝကနေ မြေအောက်ထဲကို ဆင်းသွားရတယ်။ ရှားပါးတဲ့ ငါးမျိုးစိတ်တွေဆိုတော့ စိတ်ဝင်စားစရာပါပဲ။ အထဲကနေ အပြင်ထွက်လာတဲ့အခါ အပြင်မှာကမ်းခြေနားမှာ ပြတိုက်အခန်းတွေ ရှိနေသေးတယ်။ ကမ်းခြေအနားအထိဆင်းကြမယ်ဆိုပြီး ဆင်းကြတယ်။ နာရီဝက်လောက်ပဲဆိုပြီး လာတာ တနာရီလောက်ကြာပါတယ်။ ဒါတောင် ခပ်သွက်သွက်သွားကြလို့။ ဖျံတွေ ပင်ဂွင်းတွေ စင်ရော်တွေနဲ့ ကမ်းခြေနားမှာလည်း သာယာတယ်လေ။ 

အဏ္ဏဝါပြတိုက်ကနေ ပြန်တော့ ဘတ်စကားက နာရီဝက်လောက် စောင့်ရဦးမယ်တဲ့။ ဒါနဲ့ လမ်းမကိုထွက်ပြီး ကားငှားဖို့လိုက်တယ်။ တက္ကစီတစီးမှ မတွေ့ဘူး။ အနားမှာ စက်လှေစီးဖို့ လက်မှတ်ရောင်းနေတဲ့ ဂိတ်ကိုမေးတဲ့အခါ ဖုန်းဆက်ခေါ်ရမှာတဲ့။ ဖုန်းတွေလည်း မရှိကြဘူးဆိုတော့ သူခေါ်ပေးမယ်တဲ့။ စိတ်ရှည်လက်ရှည် တက္ကစီကို ခေါ်ပေးတယ်။ သွားမယ့်နေရာက အိုတယုတူးမြောင်းလို့ ပြောလိုက်တယ်။ တက္ကစီမလာမချင်း သူက ကျနော်တို့ကိုစကားလာပြောပေးသေးတယ်။ သဘောကောင်းချက်။ ဆယ့်ငါးမိနစ်လောက်ကြာတဲ့အခါ တက္ကစီသမားလာတယ်။ အိုတယုတူးမြောင်းကိုသွားမယ်ဆိုတာလေးပါ ကားသမားကို တခုတ်တရ လာပြောပေးသွားသေးတယ်။

ကားကို တူးမြောင်းနားမှာ ရပ်ပေးတယ်။ ရပ်ပေးတဲ့ နေရာမှာ စားသောက်ဆိုင် ဝင်ဖို့ တန်းစီနေကြတယ်။ ဗိုက်ဆာလာသလိုပဲ ဆိုပြီး တန်းစီကြမလား လုပ်နေတုန်းမှာ တံခါးက ပွင့်လာတယ်။ မထူးဘူးဆိုပြီး ရောယောင်ဝင်လိုက်ကြတယ်။ စားလို့ကောင်းမယ်ထင်တဲ့ ဆိုင်ကိုရွေးတယ်။ ဆိုင်ထဲမှာ ဂဏန်း ဂဏန်းဆိုပြီးရွတ်နေကြလေရဲ့။ ဂဏန်းဟင်းချို၊ ဂဏန်းလက်မမှာပြီး ပျော်ပျော်ကြီး စားသောက်ကြတယ်။ ပင်လယ်စာတွေ စားအပြီး ဝယ်ထားတဲ့ ချိစ်ကိတ်ကို စားကြတယ်။ အရသာသိပ်ကောင်းတဲ့ အစားအသောက်တွေပါပဲ။ ဈေးကလည်း ဆပိုရိုထက် တဝက်လောက်ကို ကွာပြီး ဈေးချိုပါတယ်။ ပင်လယ်စာစားမယ်ဆို ဆပိုရိုမှာ မစားပဲ အိုတယုမှ စားကြဖို့လက်တို့ချင်ပါတယ်။



ဗိုက်ဝပြီဆိုမှ တူးမြောင်းဘေးကို လမ်းသလားကြပြီပေါ့။ တူးမြောင်းတိုတိုလေးဟာ တချိန်က သမိုင်းဝင် နေရာပေါ့။ မြောင်းတဖက်ခြမ်းက ကုန်လှောင်ရုံတွေဟာ ဂျပန်ခေတ်ဦးစက်မှု ထွန်းကားချိန်တွေပေါ့။ အခုတော့ ကော်ဖီဆိုင်၊ စားသောက်ဆိုင်တွေနဲ့ ခရီးသည်တွေကို စွဲဆောင်နေတဲ့ နေရာတခုဖြစ်နေခဲ့ပြီ။ ဆောင်းတွင်း နှင်းတွေကြားမှာ ပိုလှတယ်လို့ပြောကြပါတယ်။ အခုနေရောင်အောက်မှာလည်း တမျိုးလေး လှနေတာပါပဲလေ။



တူးမြောင်းကနေ ဘူတာကို တက္ကစီနဲ့ ပြန်လာကြတယ်။ ရထားချိန်စောနေသေးတဲ့အပြင် ဘူတာရုံအပြင်ဖက် ဗုံတွေကို စိတ်ဝင်စားနေတယ်။ သွားမေးတဲ့အခါ ရိုးရာဗုံတီးပွဲ ဧည့်သည်တွေကို ဖျော်ဖြေဖို့ဆိုတော့ ရှေ့ဆုံးကနေ နေရာယူတော့တာပေါ့။ ဗုံတီးပွဲပြီးမှပဲ အထဲကိုဝင်ပြီး ချောကလက်ဘီစကစ်တွေ ဝယ်ကြတယ်။ အိုတယုကနေ နိုဘိုရီဘတ်စုကို ရထားနဲ့ သွားကြမယ်။









နိုဘိုရီဘတ်စုဘူတာကနေ ဟိုတယ်ကို တက္ကစီငှားသွားရတယ်။ အချိန်ကို အသုံးချချင်တာကြောင့် တက္ကစီကို စီးရတာ စရိတ်က ကြီးပါတယ်။ ဟိုတယ်ရောက်တဲ့အခါ အထုတ်တွေချပြီး ငရဲတောင်ကြားကို ချီတက်ဖို့ ဘတ်စ်ကားစောင့်တယ်။ ကားက မလာတာကြောင့် လမ်းပဲလျှောက်သွားလိုက်တော့တယ်။ ငရဲတောင်ကြားဆိုတာ သဘာဝရေပူစမ်း ဒီနိုဘိုရီဘတ်စုရဲ့ မူလဇစ်မြစ်ပေါ့။ ငရဲတောင်ကြားကနေ တောင်တက်ခရီးတိုလေး သွားကြတယ်။ ခြေထောက်စိမ်လို့ရတဲ့ သဘာဝရေပူစမ်းကို လျှောက်ရင်း တဖြည်းဖြည်း တောထဲကို စိမ့်ဝင်လာကြတယ်။ နည်းနည်းလည်း မှောင်လာတာမို့ ခရီးသည်သိပ်မတွေ့ဖြစ်ဘူး။ ရေပူစမ်းနေရာက စိမ်လို့ကောင်းတဲ့အပြင် အောက်က ကြမ်းပြင်ကလည်း သဲအမည်းရောင်တွေပါ။ နေရောင်မကျခင် ခပ်သွက်သွက်လျှောက်လာကြတယ်။ ဟိုတယ်ပြန်ရောက်တော့ ညစာစားချိန်ရောက်နေပြီ။



ရေပူစမ်းစိမ်မယ်ဆို ထမင်းစားချိန် နည်းနည်းပဲရမယ်ဆိုတော့ ရေမချိုးတော့ပဲ ထမင်းစားဖို့ အရင်သွားကြတယ်။ အခုတည်းတဲ့ အွန်စမ်ဟိုတယ်တွေက ညစာမနက်စာ စရိတ်ငြိမ်းပါ။ ညစာက ဘူးဖေးဆိုတော့ သာမန်ကာလျှံကာလောက်ပဲ ထင်ထားတာ တကယ်က ရှယ်ဖြစ်နေတယ်။ ပင်လယ်စာတွေ အလျှံပယ်၊ ဟင်းချက်ကလည်း ကောင်းဆိုတော့ ဗိုက်ခွေးနမ်းတော့တာပေါ့။ စားပြီးတော့ အခန်းကို ပြန်ပြီး ခဏနားကြတယ်။ အခန်းထဲမှာ အိပ်ရာခင်းပေးထားပြီး စောင်အောက်မှာ ခဏခွေနေမိတယ်။ ညမှ အွန်စမ်တက်စိမ်တော့မယ်။ အခန်းက ဂျပန်စတိုင်အခန်းမို့ တာတမိမြက်ဖျာလေးခင်းထားပြီး အနံ့ကလည်း မြက်ဖျာနံ့လေးသင်းနေတယ်။ ညဖက် ရေနွေးစိမ်ပြီး ပြန်အိပ်လိုက်တာ မနက်တော်တော်လေး နောက်ကျမှ နိုးပါတယ်....

25 November 2017

ဆပိုရို၊ ဟော့ကိုင်းဒိုး (၄)

မနက်မိုးလင်းတဲ့အခါ ညက မိုးရွာထားလို့ အဆဟိကာဝါမြို့ဟာ စိုစွတ်နေခဲ့တယ်။ လမ်းထလျှောက်ရင်း တောင်သူတွေ ဈေးရောင်းနေတာကို ဝင်စပ်စုကြတယ်။ သူတို့ကလည်း ကိုယ်တွေဘယ်နိုင်ငံကလာသလဲ စိတ်ဝင်တစားမေးကြတယ်။ ကိုယ်တွေကလည်း သူတို့တွေ ကျွေးတဲ့အမြည်းတွေကို စိတ်ဝင်စားကြတယ်။ ဘယ်လောက် သဟာဇာတဖြစ်သလဲဆိုတာ။ လမ်းလျှောက်ကပြန်တော့ ဟိုတယ်ကကျွေးတဲ့ မနက်စာကို စားပြီး ဆပိုရိုကို ကူးဖို့ ဘူတာရုံကိုဆင်းကြတယ်။

ဆပိုရိုရောက်တော့ အချိန်က စောနေတာမို့ အိမ်ရှင်လာကြိုမယ့်ကားကို စောင့်ရင်း ဈေးပတ်ကြတယ်။ အိမ်ရှင်က ၁၅မိနစ်လောက်နေမှ ရောက်ပါတယ်။ တကာဆန်အိမ်လောက်မကျယ်ပေမယ့် ဟိုတယ်ထက် အများကြီးကျယ်တယ်။ အိမ်ကို သန့်ရှင်းရေးလုပ်နေတုန်းမို့ အထုတ်တွေချပြီး အပြင်ထွက်ဖို့လုပ်ကြတယ်။ အိမ်ရှင်က သွားချင်တဲ့နေရာကို သူလိုက်ပို့ပေးမယ်ဆိုတော့ အနီးနားက ဟော့ကိုင်းဒိုးတက္ကသိုလ်ကို စိတ်ဝင်တစားရွေးကြတယ်။



တက္ကသိုလ်ဆိုတဲ့ အရိပ်အာဝါသကို ဝင်ကတည်းကပေးပါတယ်။ သစ်ပင်ကြီးတွေရဲ့ ရပ်တည်မှုဟာ နှစ်ကာလကြာရှည်နေတဲ့ ဒီတက္ကသိုလ်ရဲ့ ပြယုဂ်ပဲပေါ့။ ကျောင်းသားလူငယ်တွေ ၊ ဧည့်သည်တွေနဲ့ ကျောင်းက သက်ဝင်လှုပ်ရှားနေတယ်။ ကိုယ်မတက်ဖူးခဲ့တဲ့ ရန်ကုန်တက္ကသိုလ် ဆိုတဲ့အကြောင်းကို တွေးမိရင်း တိတ်ဆိတ်ငြိမ်သက်သွားတယ်။ကျောင်းဝန်းထဲမှာပဲ နေ့လည်စာစားကြတယ်။ ပြီးတာနဲ့ တောင်တက်ဖို့ ချီတက်ကြတယ်။

ကျောင်းအရှေ့မှာ ရှိတဲ့ တက္ကစီကားကို ငှားသွားကြတယ်။ ဘယ်သွားမလဲဆိုတော့ တတ်သလောက်မှတ်သလောက် ယာမ ယာမဆိုတော့ သြော်ဆိုပြီး သူသိသွားတယ်။ ကေဘယ်ကားဆိုတော့ သူ တခုခုကို အသည်းအသန်ရှာတော့တယ်။ သူများမသိတာလား ဆိုပြီးစိတ်တထင့်ထင့်နဲ့ ။ နောက်တော့မှ စာရွက်တရွက်လှမ်းပေးတယ် ဒီကောင့်ကဒ်လေ။ ကေဘယ်ကားစီးရင် ဒီကောင့်ကဒ်နဲ့ဆို ယန်းနှစ်ရာလောက် သက်သာမယ်တဲ့။ ဘယ်လောက်ချစ်ဖို့ကောင်းလိုက်သလဲ။ သူမပေးရင် သိလိုက်မှာတောင် မဟုတ်ဘူး။ 

မိုအီဝါကိုတက်တဲ့အခါ မြို့ရှုခင်းကို အတိုင်းသားမြင်ရတယ်။ ဝန်ထမ်းမိန်းမပျိုက မြို့အကြောင်း တောင်အကြောင်းကို လမ်းတလျှောက်ရှင်းပြတယ်။ ကျနော်တို့ကတော့ တောင်ပေါ်ရှုခင်းကို ရိုက်လိုက်၊ မြို့ရှုခင်းကို ရိုက်လိုက်နဲ့အလုပ်တွေရှုပ်နေခဲ့တယ်။ တောင်ပေါ်ရောက်တဲ့အခါ မြို့ရဲ့ အစွန်းတဖက် ပင်လယ်ကို အတိုင်းသားမြင်နေရတယ်။ တိုက်လာတဲ့ လတ်ဆက်တဲ့ လေနဲ့အတူ မိုအီဝါတောင်က ခပ်စိမ်းစိမ်း ငုံ့ကြည့်နေတယ်။





တောင်ပေါ်မှာ အားရအောင် ဓါတ်ပုံရိုက်ပြီးတဲ့အခါ ပြန်ဆင်းလာကြတယ်။ တက္ကစီတစီးမှ မရှိတာမို့ ကားဂိတ်ကို လိုက်ပို့ပေးမယ့် Shuttle bus နဲ့ပဲ စီးလာကြတယ်။ တောင်အောက်ရောက်တာနဲ့ ဂိတ်ဆုံးပြီဆိုတော့ အူကြောင်ကြောင်လေးတွေ ဖြစ်သွားကြတယ်။ ဒီဆပိုရိုခရီးစဉ်အတွက် ဘာမှ စီစဉ်ထားတာမရှိဘူးလေ။ ကားရပ်ပေးတဲ့ အနီးအနားမှာ Street car ဆိုတာကို မျက်စိကျသွားကြတယ်။ ဘယ်ကိုသွားမလဲ ကားခဘယ်လောက်ပေးရမလဲ သေချာမသိပဲ ကားပေါ်တက်လိုက်ကြတယ်။ ဖိုးသူတော် မျက်စိလည်လေ ဆွမ်းဆန်ရလေဆိုတဲ့ ထုံးကို နှလုံးမူကြတယ်။ တကယ်လည်း လမ်းကြောင်းကို ပြောင်းပြန်စီးလာကြတာ။



မြို့ထဲလူတွေအများကြီးကို တွေ့တဲ့နေရာမှာ ဆင်းကြမယ်ဆိုပြီး ဘာမှ စဉ်းစားမနေပဲ ဆင်းလိုက်ကြတယ်။ လက်သည်းညှပ် ပရောဂျက်ကို အောင်မြင်အောင်လည်း လုပ်ကြသေးတာ။ ဈေးဆိုင်တန်းတွေလျှောက်ကြည့်ပြီး မပြန်ခင်မှာ ညစာစားကြမယ့်ဆိုင်လိုက်ရှာတယ်။ အဓိက ပင်လယ်စာစားမယ်။ လူနည်းနည်း များတဲ့ စားသောက်ဆိုင်ကို ရွေးပြီးသွားကြတယ်။ စားသောက်ဆိုင်မို့ ဈေးနည်းနည်းကြီးတယ်။ အဲ့ဒီကနေမှ တည်းတဲ့အိမ်ကို တက္ကစီနဲ့ ပြန်လာကြတယ်။



ဆပုိုရိုက မီးထွန်းထားတဲ့ နာရီစင်ကြီးကို ရိုက်မယ်ဆိုပြီး ထရိုင်ပေါ့လွယ်ပြီး ပြန်ထွက်လာတယ်။ အနားရောက်မှ သေချာရိုက်တော့မယ်ဆိုပြီး ကြိုးစားပမ်းစား လျှောက်လာလိုက်တာ အနားလည်း ရောက်ရော ဖြတ်ခနဲ မီးတွေ ပိတ်သွားပါရော။ အဲ့လို ကံကောင်းတာ။ အရှုံးတော့ မပေးခဲ့ဘူး ဂုံးကျော်တံတား တခုကနေ ဓါတ်ပုံနည်းနည်း ရအောင် ရိုက်ခဲ့သေးတာ။ ပင်ပင်ပန်းပန်း လမ်းပြန်လျှောက်လာရတယ်။ နောက်နေ့ကို ပင်လယ်နဲ့ နီးတဲ့မြို့ကို သွားကြဦးမယ်လေ....

19 November 2017

တောင်ကုန်းများ၊ ဟော့ကိုင်းဒိုး (၃)

မနက်တော့ နောက်ကျမှ နိုးပါတယ်။ မနက်စာစားပြီးတာနဲ့ အထုတ်တွေသိမ်းတယ်။  တောင်ကုန်းတွေလည်ပြီးရင် ညနေမှာ ရထားနဲ့ ကာမီဖူရာနိုးကနေ အဆာဟိကာဝါမြို့ကို တန်းသွားမှာ ဖြစ်လို့  အိတ်တွေပါ တခါတည်း ယူလာခဲ့တယ်။

တောင်ကုန်းတွေသွားပြီးရင် အွန်ဆမ်ရေပူစမ်းစိမ်ကြမယ်လေဆိုပြီး တာကာဆန်က တဘက်တွေပါသယ်လာဖို့ သေချာမှာတယ်။ ဘီအဲအိက တောင်ကုန်းတွေကို မြင်ဖူးချင်လှပြီ။


လမ်းမှာ တာကာဆန်ရဲ့ လျှို့ဝှက်ရှုခင်းကို ကြည့်ခွင့်ရပါတယ်။ ပထမဆုံး ပန်းခင်းနဲ့အစပြုတဲ့ စိုက်ခင်းတွေအလယ် တောင်တန်းတွေအဆုံးသတ်ထားတဲ့ ရှုခင်းပါ။ ပြီးတာနဲ့ နာမည်ကျော် ရိုလာကိုစတာလမ်းကို ပို့ပါတယ်။ နှစ်ကီလိုမီတာရှည်တဲ့ ဒီလမ်းဟာ နာမည်ကျော်လောက်ပါပေတယ်။ လမ်းတဖက်တချက်က စိုက်ခင်းတွေကလည်း တမျှော်တခေါ်....

ရိုလာကိုစတာလမ်းကနေ နောက်ထပ် နာမည်ကျော် ခရစ္စမတ်သစ်ပင်ကို သွားကြည့်ကြတယ်။ နှင်းတွေဖုံးနေတဲ့ ရှုခင်းနဲ့ ဒီသစ်ပင်ရဲ့ ဓါတ်ပုံကိုမြင်ဖူးထားခဲ့ပေမယ့် အခုမျက်မြင်တွေ့နေရတဲ့ စိမ်းဝါရောင် ရှုခင်းဟာလည်း တမျိုးဆန်းသစ်စွဲငြိစေတာပါပဲ။ ရင်မှည့်နေတဲ့ ဂျုံခင်းနဲ့ စိမ်းစိုနေဆဲ စိုက်ခင်းနှစ်ခုဟာ စိတ်ထဲမှာ တလမ်းဆီသွားနေတဲ့ သူနှစ်ယောက် ဒါမှမဟုတ် ကျောချင်းကပ်ထားတဲ့ သုံးနဲ့လေးလိုပါ။
ခရစ္စမတ်သစ်ပင်ပြီးတာနဲ့ မိသားစုဆုိုတဲ့ သစ်ပင်တန်းလေးကို သွားကြတယ်။ အပင်အမြင့်ဆုံးက အဖေ၊ ဒုတိယက အမေ၊အငယ်ဆုံးကတော့ ကလေးငယ်လေးတဲ့လေ.

မိသားစုသစ်ပင်တန်းကနေ ကြယ်ခုနှစ်လုံး စီးကရက်ဗူးရဲ့ မော်ဒယ်အဖြစ်နာမည်ကျော်ခဲ့တဲ့ သစ်ပင်ကိုသွားကြပြန်တယ်။ တောင်ကုန်းထိပ်မှာဆိုတော့ လေက ဟူးဟူးရားရားတိုက်နေတယ်။ ဦးထုပ်လွင့်သွားလိုက်ပြန်ကောက်လိုက်နဲ့ အတော်လေးအလုပ်ရှုပ်စေတဲ့တောင်ကုန်းပါ။

ကြယ်ခုနှစ်လုံးသစ်ပင်က အပြန် ကာမီဖူရာနိုမှာ curry pork noodle ဆိုင်မှာ သွားတန်းစီကြတယ်။ ဆိုင်အဝင်ဝမှာ ဖုံးနံပါတ်နဲ့ ဧည့်သည်အရေအတွက်ရေးပြီး အလှည့်ကျစောင့်ကြရတယ်။ အရသာအတော်ရှိပြီး မြန်မာပါးစပ်နဲ့ အစပ်အဟပ်တည့်ပါတယ်။

စားသောက်ပြီးတဲ့အခါ ရေပြာကန်ကို ဦးတည်ကြပြန်တယ်။ ရေပြာကန်ဟာ သဘာဝအတိုင်းဖြစ်လာတဲ့ကန်မဟုတ်ပေမယ့် ခရီးသွားတိုင်းရဲ့ စိတ်ဝင်စားမှုကို ရစေတဲ့နေရာတခုပါ။ Window Background အနေနဲ့ တခုတ်တရ ရွေးချယ်ခြင်းခံရတဲ့ ရေပြာကန်ဟာ တကယ်လည်းအပြင်မှာ လှပါပေတယ်။ ရောက်ကတည်းက ထရိုင်ပေါ့ချပြီး ဓါတ်ပုံရိုက်လိုက်တာ နာရီဝက်ကျော်တဲ့အထိ အဲ့ဒီနေရာမှာ မရွှေ့တဲ့ ကျနော့ကို တာကာဆန်က ရယ်ကျဲကျဲလုပ်ပြီးကြည့်နေလေရဲ့။


ရေပြာကန်မှာ စိတ်ကြိုက်ရိုက်ပြီးတဲ့အခါ ရေတံခွန်ကို ပို့မယ်ဆိုတော့ သိပ်စိတ်မဝင်စားခဲ့ကြဘူး။ တကယ်တမ်း တံတားပေါ်ကနေ ရေတံခွန်ကို မြင်ရတဲ့အခါမှာတော့ ခုန်ချချင်စိတ်တောင်ပေါက်ပါတယ်။ ရေဟာ ကြည်ပြာလဲ့နေတာကြောင့် အသည်းထဲကို တန်းခနဲငြိသွားပါတော့တယ်.
 ရေတံခွန်ကနေ မီးတောင်ရှင်ဖြစ်တဲ့ တိုကချိတောင်ခြေကိုသွားတယ်။ တောင်ခြေမှာ တောင်တက်ဖို့လုပ်တဲ့သူတွေကို တွေ့ရတော့ တောင်တက်ချင်စိတ်ဖြစ်မိတယ်။ တိုကချိတောင်ရဲ့ အမြင့်ဆုံးထိပ်ပိုင်းတွေမှာ ရေခဲတွေရှိနေတုန်းပဲ။ နှင်းကို အပြင်မှာ မမြင်ဖူးသေးတဲ့ ကျနော်တို့ဟာ နှင်းတွေနဲ့ ဝေးနေတုန်းပဲ။ တိုကချိတောင်ခြေနားမှာ နာရီဝက်လောက် လမ်းလျှောက်ဓါတ်ပုံရိုက်ပြီးပြန်ခဲ့ကြတယ်။ တကယ်က ရေပူစမ်းဝင်ကြဖို့ အားသန်နေကြပြီ။ ရေပူစမ်းက သဘာဝအတိုင်းဖြစ်ပြီး အပြင်ဖက် တောင်တန်းတွေကိုမြင်ရတဲ့ နေရာမှာ စိမ်လို့သိပ်ကောင်းပါတယ်။ ရေပူစမ်းစိမ်ရင်း တာကာဆန်နဲ့ စကားစမြည်ပြောကြတယ်။ တာကာဆန်ရဲ့ ဘဝတစေ့တစောင်းကို မြင်ရတဲ့အခါ မြန်မာပြည်က လူတွေကို ပြန်မြင်ယောင်မိပြီး စိတ်မကောင်းဖြစ်မိသေးတယ်။
၄၅မိနစ်လောက်စိမ်ပြီးတဲ့အခါ နွားနို့ပုလင်းလေးတွေကိုင်ပြီး ကာမီဖူယာနိုးကို ရထားစီးဖို့ ပြန်လာကြတယ်။ လမ်းမှာ မြေခွေးတွေ့လို့ ဓါတ်ပုံရိုက်ကြသေးတယ်။ ဘူတာရုံမှာ တာကာဆန်ကို နှုတ်ဆက်တော့ ရက်ပိုင်းလေးခင်ကြပေမယ့် အချိန်အကြာကြီးသိခဲ့ကြသူတွေလို ခံစားမိတာကြောင့် စိတ်မကောင်းကြဘူး။

ကာမီဖူရာနိုးဘူတာမှာ ဒီရာသီမှာပဲ ဆွဲပေးတဲ့ ပန်းကြည့်တဲ့ရထားလက်မှတ်ကို ယူလိုက်တယ်။ ပုံမှန်ရထားတွေလို မဟုတ်ပဲ ထိုင်ခုံတွေကို ပြတင်းပေါက်ဖက် လှည့်ထားတာမို့ လမ်းတလျှောက်မြင်ကွင်းဟာ အတိုင်းသား. 



ဒီညတော့ အဆာဟိကာဝါဆိုတဲ့မြို့လေးမှာ ခဏနားမယ်။ ဘူတာရုံနားက Business Hotel လေးကိုပဲ ရွေးထားတယ်။ ဘူတာရုံအရှေ့က ကားလမ်းမကို ဖြတ်ကူးလိုက်တာနဲ့ ဟိုတယ်ကို ရောက်ပြီလေ။  ဟိုတယ်ရောက်တဲ့အခါ တာကာဆန်အိမ်က အခန်းကျယ်ကျယ်ကို လွမ်းသွားကြတယ်။ အထုတ်တွေချပြီးတာနဲ့ ဘူတာနားက ကွင်းပြင်ကျယ် ဈေးရောင်းပွဲမှာ ညစာသွားစားကြတယ်။ ဈေးနှုန်းချိုသာပြီး လတ်ဆတ်တဲ့ ပင်လယ်စာတွေပါ။ ပြီးတာနဲ့ ကော်ဖီဆိုင်ထိုင် အေရွန်မောထဲက ဈေးဆိုင်တွေ ပတ်ကြည့်ကြတယ်။ ဒီနေ့ ခရီးစဉ်များသွားတာကြောင့် ပင်ပန်းပြီး စောစောအိပ်ရာဝင်လိုက်ကြတော့တယ်...