နွမ်းကြွေမလွယ်တဲ့ ပန်းခရေငယ်ရဲ့ ရာဇ၀င်

ကျနော် အဲ့ဒီစာလေးကို ရပ်ပစ်ခဲ့တာကြာဆိုကြာလှပါပြီ။ ပထမအချက်က ကျနော် အဆုံးသတ်ဖို့ ကြိုးစားရင်း ခက်ခဲနေလို့၊ နောက်တစ်ချက်က ခံစားချက်တွေ ပျောက်ကွယ်သွားလို့ပါ (စာရေးတဲ့သူတစ်ယောက် ခံစားချက်တွေမပါပဲ စာရေးရင် ဘယ်လိုမှ ဖတ်လို့မကောင်းပါဘူး။ ကိုယ့်စာကိုပြန်ဖတ်ရတာကို အားမရသလိုပါပဲ။ အခုစာက လူတစ်ယောက်ရဲ့ တကယ့်ဘ၀အမှန်ကို ရေးပြရတဲ့အတွက် အမှားတွေ မရှိချင်သလို ဖတ်တဲ့သူတွေကိုလည်း တစ်ခုခုရသွားစေချင်လို့ပါ)။ နောက်တော့ ကျနော်ကိုယ်တိုင်လည်း အမေ့မေ့အလျော့လျော့။ တကယ်က ကိုယ်ချင်းစာစိတ်မဲ့ခဲ့တာပါ ကိုယ်တိုင် အခန်းဆက်တွေ ဖတ်ရတုံးကဆို နောက်တစ်ခန်းကို အရမ်းမျှော်ရတာလေ။ အခုလို စောင့်ဖတ်နေသေးတယ်ဆိုတာလည်း ကျနော်လုံးဝမျှော်လင့်မထားလို့ပါဗျာ

shan said...
ဘယ်တော့ ဆက်ရေးမှာလဲ ... စောင့်နေတယ် နော်... ။ အမြဲ ၀င်ဖတ်ဖြစ်ပေမယ့်.. ခုတော့ ရေးချင်စိတ်ပေါက်လာလို့ပါ..။
June 3, 2009 1:40 PM

စာဖတ်သူတစ်ယောက်က ဒီနေ့ အထက်ပါ ကော့မန့်ကိုပေးခဲ့တာပါ။ ယောင်္ကျားလေး မိန်းကလေး ဘယ်လိုမှ မပါလို့ စာဖတ်သူရှမ်းလို့ပဲ ခေါ်ပါရစေ။ ကျနော့အကျင့်က (ငယ်ငယ် ကြီးကြီး) ကို,တွေ မ,တွေထည့်ခေါ်တတ်လို့ပါ။ တစ်ချို့လည်း ကျနော်က ငယ်ချင်တယ်လို့ထင်ကြပါတယ်။ တကယ်က ကျနော်လေးစားသမှုနဲ့ ခေါ်တာပါခင်ဗျာ။ ကျနော်တို့ အွန်လိုင်းမှာကလည်း အဲ့ဒီ ယောင်္ကျားလေး မိန်းကလေး ခွဲလို့မရတာလည်း ပြဿနာတစ်ခုပါပဲ။ မနန်းညီက ကိုနန်းညီဖြစ် မမိုးခါးက ကိုမိုးခါးဖြစ် ကိုဂျူလိုင်က မဂျူလိုင်ဖြစ်တတ်တယ်လေ။

ကော့မန့်တွေကို မပေးကြဘူးတဲ့။ စာတွေပဲဝင်ဖတ်ကြတယ်လို့ပြောပါတယ်။ သူငယ်ချင်းတစ်ချို့ကလည်း ကော့မန့်ပေးရင် သူတို့မေးလ်တွေ ပေးရလို့ သဘောမကျဘူးလို့ဆိုပါတယ်။ တစ်ခုတော့သိစေချင်ပါတယ်။ ကော့မန့်ပေးလိုက်လို့ ကော့မန့်ပေးသူရဲ့ မေးလ်ကို ကျနော်တို့ မသိလိုက်ရပါဘူး။ ကျနော်တို့ မမြင်ရပါဘူးခင်ဗျာ။ မေးလ်မှာ ပေါ်စေချင်တဲ့ နာမည်တစ်ခုကိုပဲ ကျနော်တို့မြင်ရပါတယ်။ ဘလော့ဆောက်ထားတဲ့ သူတွေကလွဲရင်ပေ့ါဗျာ။ ဘလော့ဆောက်ထားတဲ့သူတွေကတော့ သူတို့ရဲ့ Profile ကို ကျနော်တို့ရောက်သွားမှာပါ။ အထက်ပါ စာဖတ်သူရှမ်းရဲ့လင့်ကိုလိုက်ကြည့်ရင် ဘာမှတွေ့ရမှာမဟုတ်ပါဘူး။ Error page တစ်ခုကိုပဲ မြင်ရမှာပါ။ သူ မေးလ်ကိုသုံးပြီး ကော့မန့်ပေးခဲ့လို့ပါ ပြီးတော့ သူဒီမေးလ်နဲ့ ဘလော့မဆောက်ထားလို့ပါ။ ကိုယ့်ရဲ့မေးလ်လေးပေါ်သွားမှာ စိုးရိမ်ပြီး ကော့မန့်မပေးချင်ဘူးဆိုတဲ့ စာဖတ်သူတွေ အတွက်ပါဗျာ။

ခရေပန်းလေးရဲ့ ဘ၀ကို ပြန်ဆက်ပါမယ်။

သူ မန္တလေးကို ဒီတစ်ခေါက် ပြန်လာတော့ သူ့မှာ အတွေးတစ်စ ပါလာခဲ့ပါတယ်။ အဲ့ဒီအတွေးတစ်စကို သူမဆုံးဖြတ်နိုင်သေးဘူးပေါ့။ အတွေးတစ်စက သူ့မိသားစုကို ထောက်ပံ့ပေးနိုင်ဖို့ အဓိကပါ။ ချီတုံချတုံ လိပ်ခဲတည်းလည်း ဖြစ်စေတဲ့ ဆုံးဖြတ်ချက်ပါပဲ။

သူလက်ရှိ ဂေဟာမှာ ဆက်လက်နေထိုင်တုန်းပါပဲ။ ဂေဟာကနေ အိမ်ကိုထောက်ပံ့ဖို့ဆိုတာ တကယ်တမ်းတော့ ခက်ခဲလှပါတယ်။ သူ့ရဲ့ လှမ်းချင်တဲ့ခြေလှမ်းတိုင်းကိုလည်း လှမ်းခွင့်မသာပါဘူး။ ဒီတော့ ဂေဟာက ဘယ်လိုထွက်ခွင့်ရမလဲ။

ဂေဟာက ချမှတ်ထားတဲ့ စည်းမျဉ်းက ဒီလိုပါ။ မိန်းကလေးရဲ့ မိသားစုဝင်အစစ်အမှန်များမှ ခိုင်လုံတဲ့အထောက်ထားပြပြီး ပြန်လည်ခေါ်ယူခြင်း။ ဒါကတော့ ဘယ်လိုမှမဖြစ်နိုင်ပါဘူး။ သူ့မိသားစုက မြန်မာနိုင်ငံသားတွေ မဟုတ်ကြဘူးလေ။ ဒုတိယတစ်ချက်ကတော့ အဲ့ဒီမိန်းကလေး အတည်တကျ အိုးအိမ်ထူထောင်ခြင်း။ သူ့အတွက် ဒီလမ်းကလွဲရင် ရွေးချယ်ခွင့်မှမရှိတော့တာ…..

သူသွားလုပ်ပေးနေတဲ့ စားသောက်ဆိုင်ရဲ့ ရှေ့မှာ နာရီပြင်ဆိုင်တစ်ဆိုင်ရှိပါတယ်။ အိပ်ငိုက်နေတတ်တဲ့ တရုတ်ကလေးတစ်ယောက်အမြဲ ရှိနေတတ်တယ်။ အဲ့ဒီဆိုင်လေးက ဆိုင်မှာရှိတဲ့ စာဖိုမှူးရဲ့ တူတစ်ယောက်ဖွင့်ထားတာပါ။ ယောင်းမကိုတိုင်ပင်ရင်း အိုးအိမ်ထူထောင်ဖို့ကိစ္စ ပြောဖြစ်ပါတော့တယ်။ နောက်တော့ လူကြီးချင်းညှိနှိုင်းပြီး ခရေပန်းလေးနဲ့ နာရီပြင်ဆိုင်လေးတို့ ပေါင်းစည်းသွားတယ်ဆိုပါတော့။ (အမှားပြင်ဆင်ချက် - တကယ့်အဖြစ်မှန်က ခရေပန်းလေးရဲ့ ယောင်းမနဲ့ စားဖိုမှူးတို့ နားချမှုကြောင့် အိမ်ထောင်ပြုဖြစ်သွားတာပါ ကျနော်အမှတ်လွဲသွားတယ်ဗျာ)

နာရီပြင်ဆိုင်လေးက နောက်တော့ သူ့အဖွားဖွင့်ထားတဲ့ ဈေးထဲက ခေါက်ဆွဲဆိုင်လေးကို ပြောင်းကြတယ်။ ဒိုးတူဘောင်ဖက် မောင်တစ်ထမ်းမယ်တစ်ရွက်ပေါ့။ အခက်အခဲတွေကိုလည်း အမျိုးမျိုးပေါ့။ ဂေဟာမှာနေခဲ့ဖူးတဲ့ မိန်းကလေးဆို အထင်သေးလွယ်တတ်ကြတဲ့ ပတ်ဝန်းကျင်အမျိုးမျိုးမှာ ရင်ဆိုင်နိုင်အောင်ပေါ့။ ပြီးတော့ အိမ်ထောင်တစ်ဖက်နဲ့ မိဘတွေကိုထောက်ပံ့ဖို့ ရည်ရွယ်ရင်းကိုလည်း သူမအကောင်အထည်ဖော်နိုင်ခဲ့ပါတယ်။ ဒါ့အပြင် ခရေပန်းလေးဟာ နောက်ထပ်မျိုးဆက်သစ်သုံးယောက်ကိုမွေးဖွားပေးခဲ့နိုင်တယ်။

သူမ ပညာမတတ်ပါဘူး။ ဒါပေမယ့် အင်ဂျင်နီယာ သားသမီးနှစ်ယောက်နဲ့ ဘွဲ့ရပညာတတ်တစ်ယောက်ကို ပြုစုပျိုးထောင်နိုင်ခဲ့ပါတယ်။ မိဘရဲ့ ပြုစုပျိုးထောင်မှုကြောင့် သားသမီးဆိုတာ အညွန့်တလူလူတက်ကြတာမျိုးပါ။ သားကောင်းသမီးမွန်တွေမွေးဖွားပေးတဲ့ မိဘမျိုးမို့ ဂုဏ်ပြုထိုက်ပါတယ်။

ခရေပန်းလေး အခုအချိန်အထိ မန္တလေးမှာ နေထိုင်နေဆဲပါ။ ပြီးတော့ သူမရဲ့ ကျေးဇူးရှင်တွေကိုလည်း စောင့်မျှော်လက်ရှိနေဆဲပါ။ အခါအခွင့်သင့်ရင်ဖြင့် တွေ့ဆုံပြီး ကျေးဇူးတရားတွေကို ဆပ်ခွင့်ရသွားချင်ပါတယ်……

ဒီပို့စ်လေးကို ကျနော်ရေးရတဲ့အကြောင်းတွေက
လူတစ်ချို့က ဘ၀ကံဆိုးတယ်ဆိုပြီး ရေစုန်မျောတတ်ကြပါတယ်။ မိမိတတ်နိုင်သလောက်ကြိုးစားအားထုတ်မယ်လို့ စိတ်မကူးတတ်ကြပါဘူး။ နောက်ခံဘ၀မကောင်းခဲ့ရလို့ ဆင်းရဲလို့ ပညာမတတ်လို့ ဆိုတဲ့ အကြောင်းပြချက်တွေကို အသေဆုပ်ကိုင်ပြီး ကိုယ့်ရဲ့ ပျင်းရိမှု တွေကို ဖုံးကွယ်ထားတတ်ကြပါတယ်။ ခရေပန်းလေးလို အားနွဲ့တဲ့မိန်းကလေးတောင် သူ့ဘ၀ကို ခါချဉ်ကောင် ခါးမသန်ပေမယ့် မာန်တင်းနိုင်သေးတာပဲ။ ကျနော်တို့ဘာအတွက်ကြောင့်မှ လွယ်လွယ်လက်မလျော့သင့်ပါဘူး။

မိန်းကလေးငယ်ငယ်တွေအတွက် ပတ်ဝန်းကျင်ကြောင့် ပျက်စီးလွယ်တဲ့ အကြောင်းတွေအများကြီး ရှိပါတယ်။ ဒါပေမယ့် လူတွင်ပါမှ နွားကျားကိုက်တယ်ဆိုတာကိုလည်း သတိချပ်စေချင်ပါတယ်။ (မတရားအနိုင်ကျင့်ခံရခြင်းတွေကို မဆိုလိုပါ)။ မိမိတို့ထိန်းသိမ်းသင့်တဲ့ သိက္ခာကိုထိန်းသိမ်းရင်း တန်ဖိုးရှိတဲ့ မိခင်လောင်း မိခင်ကောင်းတွေ များပြားစေချင်ပါတယ်။

စာဖတ်သူရှမ်းနဲ့ စာဖတ်သူအားလုံးကို ကျနော့ရဲ့ တ၀က်တပျက်နဲ့ ရပ်တန့်နေတဲ့ ပျက်ကွက်မှုအတွက် အနူးအညွှတ်တောင်းပန်ပါတယ်။ နောင်ကို ပြောစရာ ဆိုစရာ ဆဲစရာ သွန်သင်စရာရှိရင် ဆုံးမသွားနိုင်ပါတယ်ဗျာ။

နွမ်းကြွေမလွယ်တဲ့ ပန်းခရေငယ်ရဲ့ရာဇ၀င် (၃)

အဲဒီဆေးခန်းမှာပဲ အလုပ်အကိုင်တွေပိုမိုတတ်ကျွမ်းခဲ့ရသလို။ အဲဒီဆေးခန်းမှာပဲ အလုပ်လုပ်ရင်း ငွေတွေစု။ ဆရာမ ဒေါ်စောမြသန်း ချေးတဲ့ ငွေလေးနဲ့ စက်ဘီးလေးတစ်စီးဝယ်နိုင်ခဲ့ပါတယ်။ ကျောင်းတစ်ကျောင်းလုံး ပြောစမှတ်ဖြစ်စေတဲ့ နောက်တစ်ချက်က မပြုံးကြည်ဆီက ငွေရဖို့ခဲယဉ်းပါသတဲ့။ သူဘာအတွက်ငွေစုနေသလဲဆိုတော့ သိပ်ဆင်းရဲတဲ့ သူ့မိသားစုအတွက်တဲ့။ ဘယ်လောက်သိတတ်လေတဲ့ ခရေပန်းငယ်လေးလဲ။

ခရေပန်းလေးငွားငွားစွင့် ပွင့်လာတဲ့နောက်မှာတော့ ပျားပိတုန်းတွေဝဲစမြဲပေါ့။ မပြုံးကြည်က ဘယ်သူ့ကိုမှ ရန်ထောင်မလွှတ်ခဲ့သလို ဘယ်သူ့ကိုမှ ရွှေပြည်အေးတရားမဟောခဲ့ပါဘူး။ ရှင်တို့မေတ္တာရှိရင် ကျမနေတဲ့အိမ်ကို လိုက်ခဲ့ပါဆိုပြီး ကျောင်းအရောက် ခေါ်ခဲ့တာချည်းပါ။ ကျောင်းရှေ့ရောက်လို့ ကျောင်းကိုလက်ညှိုးထိုးလိုက်ရင် အားလုံးနောက်ပြန်လှည့်တာချည်းပါပဲ။ အဲဒီခေတ်က ကျောင်းက နာမည်ဆိုးနဲ့ကျော်ခဲ့တာကိုး။

တစ်နေ့ အဲဒီနေ့ဟာ မပြုံးကြည်အတွက်တစ်ကယ့် အမှတ်တရနေ့ပါ။ တရုတ်မသားအမိနှစ်ယောက် ဆေးခန်းကို ဆေးလာကုပါတယ်။ သူတို့ကို မပြုံးကြည်လုံးဝမသိပါဘူး။ အမေလုပ်တဲ့သူကတော့ မပြုံးကြည်ကို ကွက်ကြည့်ကွက်ကြည့်လုပ်နေပါတယ်။ နောက်တော့ မပြုံးကြည်မျက်နှာမှာရှိနေတဲ့ မှဲ့တွေကို လက်ညှိုးထိုးပြီး မပြုံးကြည်ရဲ့တရုတ်နာမည် ကိုခေါ်ပါသတဲ့။ သူမှတ်မိတဲ့ တရုတ်စာဆိုလို့သူ့နာမည်လေးတစ်လုံးထဲကျန်တော့တယ်လေ။

အဲဒီတော့မှ နင်ငါ့ယောင်းမအငယ်လေးပဲဆိုပြီး ဖတ်ငိုပါတော့တယ်။ သူက မပြုံးကြည်ရဲ့ အစ်ကိုကြီးမိန်းမပါ။ တရုတ်လိုမတတ်တော့တဲ့ သူ့ကို မြန်မာလို တစ်လုံးစ နှစ်လုံးစနဲ့ ရှင်းပြခဲ့ရှာပါတယ်။ ဈေးထွက်ရောင်းတဲ့ သူတို့အစ်ကိုတော့ သောင်းကျန်းသူတွေ ပစ်တဲ့ လက်နက်ကြီးမှန်လို့ဆုံးရှာပြီတဲ့။ အခု ဒီယောင်းမက မန္တလေးမှာရှိတဲ့ စားသောက်ဆိုင်ပိုင်ရှင်နဲ့ နောက်အိမ်ထောင်ပြုတာပါ။ ဒီလောက်ဝေးလံတဲ့အရပ်ကို ဒီယောင်းမရောက်လာလို့သာပေါ့။ မဟုတ်ရင် မပြုံးကြည်ရဲ့ အဖြစ်ကို မိသားစုတွေ မသိခဲ့သလို မိသားစုတွေအဖြစ်ကိုလည်း မပြုံးကြည်မသိခဲ့နိုင်ဘူးလေ။ ရင်နင့်စရာ အဖြစ်တွေအတွက် ငိုခြင်းရှည်တွေ ချခဲ့ကြပါတယ်။

အလုပ်ချိန်အပြီးမှာတော့ စားသောက်ဆိုင်ကိုလိုက်သွားပါတော့တယ်။ အဲဒီနေ့ကစလို့ သူအလုပ်လုပ်တဲ့နေရာနှစ်ခုရှိသွားပါတယ်။ ဆေးခန်းပြီးရင် အဲဒီဆိုင်ပါပဲ။ ဆိုင်ပိုင်ရှင်နဲ့ အမျိုးစာလုံးချင်းတူတာမို့ သူ့ကိုလည်း တကောလို့ပဲခေါ်လိုက်ပါတယ်။

ဆွေမျိုးတွေနဲ့ပြန်တွေ့တာမို့ သူ့ရဲ့အိပ်မက်တွေ နီးကပ်လာပါပြီ။ မပြုံးရီကိုလည်း ပြန်လည်ဆက်သွယ်ပြီး အိမ်ပြန်ခရီးကို ပြောမိတယ်။ ကြောက်တတ်လေတဲ့ မပြုံးရီက နင်ပထမတစ်ခေါက်အရင်သွား။ နင်ဗုံးမထိရင် နောက်တစ်ခေါက်ငါလိုက်ခဲ့မယ်ဆိုတဲ့ စကားကိုပဲရလိုက်ပါတယ်။

တူမတစ်ယောက်ကို လက်ဆွဲပြီး အိမ်ပြန်ခရီးကိုစခဲ့မိတယ်။ ရင်တော့အခုန်သား။ ပြန်ဆုံမယ်ဆိုတာ ယုံကြည်နေပြီးသားဆိုပင်မယ့်လည်း ခွဲခွာခဲ့တဲ့နှစ်တွေများလှပါပကော။
ဒါနဲ့တောင်ပေါ်ကို တစ်ခေါက်ရောက်ပြန်ပါတယ်။

အရင်အတိုင်း အနှစ်နှစ်ဆယ်ဆိုသလို ရွာက အရင်လိုပါပဲ။ ထွက်လာတုန်းက တရှောင်ရှောင်ဖြစ်နေတဲ့ အဖေက ကျန်နေရစ်ပြီး နေကောင်းပါတယ်ဆိုတဲ့ အမေက ဆုံးသွားရှာပြီတဲ့လေ။ အရင်အတိုင်းဆင်းရဲမြဲ။ လာသမျှတွေ့သမျှ အမျိုးအဆွေတွေကတော့ သူ့ကို တွေ့တိုင်းဖက်ဖက်ပြီးငိုကြတော့တာ။ ပြောသမျှစကားတွေကိုလည်း တစ်လုံးမှနားမလည်။ ကိုယ်ပြောပြတာလည်း သူတို့နားမလည်။ တူမလေးက ဘာသာပြန်ပေးခဲ့ရတယ်။ နောက်တော့ အဖေက ဘယ်သူမှဘာသာပြန်စရာမလိုဘူးတဲ့။ သူမတတ်တာမဟုတ်ဘူး အခိုက်အတန့်လေးမေ့နေတာပါဆိုတဲ့စကားကို ဘယ်သူမှမလွန်ဆန်နိုင်ပါဘူး။

နောက်တော့ သူတစ်လုံးစနှစ်လုံးစကနေ တော်တော်လေး ပြန်ပြောနိုင်လာပါတယ်။ ပါလာသမျှပိုက်ဆံတွေရယ် ရွှေတွေရယ်ကို မိသားစုအတွက် အကုန်ပေးပစ်ခဲ့ပါတယ်။ ပြီးတော့မှ မန္တလေးကို ပြန်တက်ခဲ့တယ်။


လောကကြီးမှာ ဆရာဖေမြင့်ရဲ့ စာအုပ်တစ်အုပ်လို မဖြစ်နိုင်ဘူးဆိုတာသေချာပြီလားဆိုတဲ့ အဖြစ်တွေအများကြီးပါ။ စိတ်ဇွဲနဲ့ ယုံကြည်ချက်ကို ခိုင်ခိုင်မာမာချမှတ်ထားရင် တစ်နေ့တော့ဖြစ်မှာပါ။ ခရေပန်းလေးလို မိန်းကလေးကတောင် ကြမ်းတမ်းတဲ့ ဘ၀ကိုဖြတ် ဆူးတောကိုတိုးရဲရင် ဘာကြောင့်စိတ်ဓါတ်ကျနေသင့်သလဲ။ ကိုယ့်ရည်မှန်းချက်အတွက် မမှိတ်မသုံကြိုးစားသင့်တယ် မဟုတ်ပါလား…..



ဆက်ပါဦးမယ်…

နွမ်းကြွေမလွယ်တဲ့ ပန်းခရေငယ်ရဲ့ရာဇ၀င် (2)

တစ်ရာသီကနေ တစ်ရာသီ တစ်နယ်ကနေ တစ်နယ်ပြောင်းရင်း ရွှေ့ရင်းပေါ့။ မပြုံးရီမရှိတော့ ပေမယ့် မပြုံးကြည်တစ်ယောက်တည်း ဘ၀ကိုအရှုံးမပေး မညီးမညူ အလုပ်တွေလုပ်ရင်းပါ။

ဘ၀တစ်ဆစ်ချိုးကို ကြုံစေခဲ့တာ မန္တလေးဆိုတဲ့ ရတနာပုံနေပြည်တော်မှာပါ။ အစ်မငယ်မရှိတော့တဲ့နောက်မှာ ဘေးပတ်ဝန်းကျင်ကိုအဆက်အသွယ်ဖြတ်ခဲ့ပါတယ်။ စကားကိုဟဟမပြော အလုပ်ကိုသာတွင်တွင်လုပ်ခဲ့တာပါ။ အသက်ငယ်ရွယ်ပင်မယ့် ပင်ပန်းတယ်ဆိုတဲ့ စကားကို တစ်ခွန်းတောင် မပြောခဲ့ဘူးတဲ့ အံသြစရာ ခရေပန်းလေးပါပဲ။

အဲဒီလို အလုပ်နဲ့လက် ဇယ်ဆက်သလို လုပ်နေလို့ထင်ပါရဲ့ ပတ်ဝန်းကျင်က ဂရုစိုက်စပြုလာပါတယ်။ အမှိုက်သွားလွှင့်ပစ်တုန်း ဘေးအိမ်နီးချင်း ဗိုလ်ကြီး ကတော်နှစ်ယောက်က စကားစပြောလာပါတော့တယ်။ မပြုံးကြည်ဘယ်ပြန်ပြောရဲပါ့မလဲ။ ဒီလောက မှာ ဘယ်သူ့ကို ယုံကြည်ရမယ်ဆိုတာ သူဘယ်လိုသိနိုင်မှာတဲ့လဲ။

အဲဒီဗိုလ်ကြီးကတော်တွေကလည်း ကြည့်ရင်းကြည့်ရင်း သနားစိတ်ဝင်လာလို့ထင်ပါရဲ့။ တမေးတည်းကိုမေးနေကြတော့တာ။ ယုံကြည်စိတ်ချရလောက်ပြီဆိုတဲ့ တစ်နေ့မှာတော့ သူတို့သိချင်တဲ့ ခရေပန်းလေးရဲ့ ဘ၀ဇာတ်ကြောင်းကို ခင်းပြလိုက်မိတယ်။ တစ်ခါတည်း ပြောလိုက်မိတာက နောက်တစ်ခေါက် ဘယ်သူ့အိမ်မှာမှ ဒီလိုဘ၀မျိုးဆက်မနေချင်ဘူးဆိုတာကိုပါ။ စိတ်ရင်းစေတနာကောင်းရှိသူတွေမို့ သူတို့ကလည်း ခရေပန်းလေးကို ဘယ်အိမ်မှပို့ဖို့မဟုတ်ပါဘူးတဲ့။ မန္တလေးက မိန်းကလေး ဂေဟာတစ်ခုကိုပို့ပေးဖို့ပါတဲ့။ အဲဒီမှာ ကျွန်မအတွက်လုံခြုံမှာလားဆိုတော့ စိတ်ချပါတဲ့။ နိုင်ငံတော်ရဲ့ အုပ်ချုပ်မှုအောက်မှာ နေထိုင်ရမှာပါတဲ့။ အဲလိုနဲ့ ကြမ်းတမ်းတဲ့ ဘ၀တစ်ခုကို အဆုံးသတ်ဖို့ လမ်းစတွေ့လာရပါတယ်။

တစ်နေ့ အဆင်ပြေတဲ့ တစ်နေ့မှာ ထိန်းနေတဲ့ကလေး အိပ်ပျော်ပြီဆိုတော့မှ ခြင်ထောင်ကို အသာချပြီး ဟိုဘက်အိမ်ကို ပြေးလာခဲ့မိတယ်။ ဒီနေ့ ဂေဟာကို လိုက်ပို့ကြတော့မယ်လေ။ အ၀တ်အစားအနည်းငယ်နဲ့ ဆင်ထားတဲ့ ရွှေစအနည်းငယ်ကို ယူဆောင်ခဲ့ပါတယ်။

တထိတ်ထိတ်ခုန်နေတဲ့ ရင်အစုံနဲ့ မိန်းကလေးဂေဟာတစ်ခုကို ရောက်ရှိခဲ့ပါတယ်။ ဘ၀တစ်ဆစ်ချိုးခဲ့ပြီထင်ပါရဲ့။ လွတ်မြောက်စေတဲ့လမ်းတစ်ခုကို ညွှန်ပြပေးတဲ့ ကျေးဇူးရှင် နှစ်ယောက်ကိုတော့ နှလုံးသားထဲသံမှိုစွဲအောင်မှတ်ခဲ့ပါတယ်။ အခုချိန်ထိ ပြန်လည်မတွေ့နိုင်သေးတာမို့ ကျေးဇူးဆပ်ခွင့်ရချင်ပါသေးတယ်။ သူတို့ကတော့ ဗိုလ်ကြီးခင်မောင်ရဲ့ ဇနီး ဒေါ်နုနုနဲ့ ဗိုလ်ကြီးကြည်ရဲ့ ဇနီး ဒေါ်လှလှတို့ပါပဲ။ သူတို့ရဲ့ အဆက်အနွယ်တွေများ အသိမိတ်ဆွေများ ဖတ်မိခဲ့ရင် ခရေပန်းလေးကို ဆက်သွယ်ပေးစေချင်ပါတယ်။

မိန်းကလေးဂေဟာကို မိခင်ကြီးတစ်ယောက်လို အုပ်ချုပ်တဲ့သူကတော့ အမေ ဒေါ်စောမြသန်းပါပဲ။ အမှန်တရားနဲ့ ဘက်မလိုက်ပဲအုပ်ချုပ်ခဲ့တဲ့ ဆရာမကိုတကယ့်ကို လေးစားစွာမှတ်တမ်းတင်အပ်ပါတယ်။ တစ်ချက်မညည်းပဲ ရှိသမျှအလုပ်တွေကို တန်းစီလုပ်တတ်တဲ့ မပြုံးကြည်ကို သတိထားမိကြပါတယ်။

ဂေဟာကို ဗိုလ်မှူးကတော်က လာခေါ်ပါသေးတယ်။ ပထမအကြိမ်လာခေါ်တော့ သူဆင်ထားတဲ့ ရွှေတိုရွှေစလေးတွေအတွက် စကားပြောလာပါတယ်။ ဘ၀ကသင်ပေးတဲ့ အသိနဲ့ မပြုံးကြည်က ခေါင်းမော့ရင်ကော့ပြီး ပြန်ပြောမိတာက အဲဒါကျမလုပ်အားခတွေလေအမေရဲ့ ဆိုတာပါပဲ။ တစ်ခေါက်လက်လျှော့ပြီးပြန်သွားပင်မယ့် ထပ်ကြိုးစားဦးမယ်ထင်ပါတယ်။

ထင်တဲ့အတိုင်းနောက်တစ်ခေါက်မှာတော့ နောက်ထပ်နည်းလမ်းတစ်ခုနဲ့ပေါ့။ မပြုံးကြည်ထိန်းခဲ့ဘူးတဲ့ ကလေးငယ်ကို ပိုက်ပြီး ကလေးကငိုနေလို့ သမီးမရှိရင်မောင်လေးက မဖြစ်ပါဘူးဆိုတဲ့ အလိမ်အညာအချွဲတွေနဲ့ပါ။ ဘယ်ဖြစ်မလဲနော် အမေက ကလေးကို ဂရုမှမစိုက်တာကိုး။ ဒါလောက်နဲ့ပဲလားဆိုတော့ နောက်တစ်ခေါက်ရှိပါသေးတယ်။

နောက်ဆုံးတစ်ခေါက်ကိုတော့ ဗိုလ်မှူးကြီးကိုပါခေါ်လာခဲ့တာပါ။ သူုတို့လင်မယားနှစ်ယောက် လာခေါ်ကြပေမယ့်။ ခိုင်ကြည်တဲ့စိတ်နဲ့ ဆုံးဖြတ်ထားတဲ့သူကို ဘယ်အရာမှ တုန်လှုပ်မစွမ်းနိုင်တဲ့အဆုံးမှာတော့ အေးငြိမ်းတဲ့ ဘ၀လေးကို ရလိုက်ပါတော့တယ်။

ကျောင်းကသင်ပေးတဲ့ အတတ်ပညာတွေကို အားသွန်ခွန်စိုက်တတ်မြောက်အောင် သင်ယူရင်း ဆရာမဒေါ်စောမြသန်းရဲ့ လက်စွဲတစ်ယောက်ဖြစ်မှန်းမသိဖြစ်လာခဲ့ပါတယ်။ ဒါကြောင့်လည်း နောက်ထပ်ဘ၀တစ်ဆစ်ချိုးကို ရောက်ရှိနိုင်ခဲ့တာပါ။

ဒေသန္တရဆေးခန်းတစ်ခုက သူနာပြုအကူခေါ်တာပါ။ အစိုးအရအလုပ်ဖြစ်တာမို့ အသက်ဆယ့်ရှစ်နှစ်ပြည့်မှ အလုပ်လုပ်ခွင့်ရှိပါတယ်။ သူ့အသက်က ဆယ့်ရှစ်နှစ်မပြည့်တတ်သေးပါဘူး။ ဒါပေမယ့် ဆရာမကြီးရဲ့ ထောက်ခံချက်နဲ့ အဲဒီအလုပ်ကို ရလိုက်ပါတယ်။ အဲဒီဆေးခန်းမှာပဲ အဲဒီဆေးခန်းမှာပဲ…………

ဆက်ပါဦးမယ်…

နွမ်းကြွေမလွယ်တဲ့ ပန်းခရေငယ်ရဲ့ရာဇ၀င် (၁)

ခရေပန်းဆိုတာ မွှေးတယ်။ ဒါပေမယ့် အကြွေလွယ်သတဲ့။ တဖွဲဖွဲကျနေတတ်တဲ့ ဒီခရေတွေကြားထဲမှာ မဟုတ်ဘူးလို့ဘယ်လိုငြင်းမလဲ ဘယ်သူငြင်းမလဲ။ ဒါပေမယ့် အကြွေလွယ် အနွမ်းလွယ်တဲ့ အခြေအနေရောက်ခဲ့ပေမယ့် မကြွေခဲ့တဲ့ ပန်းခရေငယ်တစ်ပွင့်ရဲ့ ရာဇ၀င်ကို ဘယ်သူမှ မသိနိုင်ဘူးလေ………

ဟိုးဝေးလံခေါင်သီတဲ့ ယူနန်ဆိုတဲ့ အရပ်မှာ ဒီခရေပန်းငယ်လေးစတင်ဖူးငုံခဲ့တာပါ။ ရွာငယ်တစ်ခုက မြေပိုင်ရှင်တစ်ဦးရဲ့ သမီးငယ်အဖြစ်အေးငြိမ်းတဲ့ဘ၀ကနေ သစ်ငုတ်မြင့်တုံ မြက်မြင့်တုံ ဆိုတဲ့အတိုင်း ဘ၀အလှည့်အပြောင်းမှာ ကိုယ့်နိုင်ငံနဲ့ထိစပ်တဲ့ နယ်စပ်တောင်တန်းတစ်ခု ပေါ်မှာ ပင်ပန်းဆင်းရဲတဲ့ ဘ၀ကိုနေ့ခြင်းညခြင်း ရောက်သွားတာကတော့ တကယ့် အိပ်မက်ဆိုးတစ်ခုလိုပါပဲ။

အိမ်လေး ဆယ်အိမ်တောင်မပြည့်တဲ့ ဒီတောင်ပေါ်မှာ ဘာစိုက်ပျိုးရေးတွေလုပ်ဖြစ်တယ်ထင်လဲဟင်။ ဘိန်းတွေ သိပ်ကိုအောင်မြင်အောင် စိုက်တာပါ။ တစ်ခြားသီးပင်စားပင်တွေ စိုက်လို့မဖြစ်ပါ။ ဆန်တွေ ဆီတွေ စားစရာတွေ အသုံးအဆောင်တွေအားလုံးကို ဒီဘိန်းနဲ့ပဲလဲလှယ်နေရတာ။ တစ်ခြားသီးပင်စိုက်လို့ကတော့ ငုတ်တုတ်မေ့သွားမှာ။ ကြမ်းတမ်းတဲ့ ဒီအရပ်မှာ စာသင်ကျောင်းဆိုတာ ဝေလာဝေး။ စားနေရတဲ့ ပြောင်းဆန်လေး ဘယ်အချိန်ရပ်မလဲ တွေးပူနေရတာ။ လည်ချောင်းမှာနင်ပြီး တစ်နေတဲ့ ဒီပြောင်းဆန်ကလွဲရင် ရွေးချယ်စရာလည်း မရှိ။တစ်နေကုန်တစ်နေခန်း အလုပ်နဲ့လက်နဲ့ မပြတ်စေခဲ့။ ခြေဖ၀ါးတွေ ကြိမ်းစပ်အောင်လမ်းလျှောက်ရတိုင်း ဒီမြေပြင်က ဆိုးဝါးလိုက်တာဆိုတဲ့ အသိကိုမြဲစေခဲ့တာ။ ဒီမြေပြင်က ခွာချင်ခဲ့တာ ဒီစိတ်လည်းပါမယ်ထင်ပါတယ်။ တစ်ခြားမောင်နှမတွေနဲ့ မတူတဲ့ နူးညံ့တဲ့ ခြေဖ၀ါးတွေကို တစ်ခါတစ်ခါ စိတ်နာမိတယ်။ အစ်ကိုအကြီးဆုံး ပြီးရင် ညီအမသုံးယောက်ရှိတဲ့ အထဲ ဒိုးတူဘောင်ဘက်မလုပ်နိုင်ကောင်းလားဆိုပြီးပါ။

တစ်နေ့ အဲဒီနေ့က နေသာပါတယ်။ စစ်ဆင်ရေးတပ်ရင်းတစ်ခုနဲ့ အတူ ဗိုလ်မှူးဆိုတဲ့ လူတစ်ယောက်ပါ ရွာကိုရောက်လာခဲ့တယ်။ သားသုံးယောက်ပဲရှိလို့ သမီးမွေးစားချင်တယ်ဆိုတဲ့ ဗိုလ်မှူးပေါ့။ တစ်ရွာလုံးက မိန်းမငယ်တွေ ဆုံးဖြတ်ကြရမယ်လေ။ အပါးက သမီးတွေကိုတန်းစီမေးတော့တာပဲ။ ပထမ ဒုတိယ မေးပြီးတော့ အပါးဆီက စိတ်ဓါတ်ကျစကားထွက်လာတယ်။ အနေဆင်းရဲ အစားဆင်းရဲ ဒီဘ၀ထဲမှာ တစ်ယောက်စာလောက် ၀န်ပေါ့သွားရင် ဘယ်လောက်ကောင်းလိုက်မလဲတဲ့။ တတိယမေးမယ်ဆိုတော့ နောက်လူတစ်ယောက်ထည့်ရင် ငေါ (တရုတ်လို ကျနော်ကျမလို့ဆိုလိုပါတယ်) လိုက်မယ်ဆိုတဲ့စကားကို ပြောဖြစ်တဲ့ အထိတွန်းအားပေးစေခဲ့တယ်။ ခရေပန်းလေးငယ်ပေမယ့် သိတတ်လွန်းတယ်။ ကိုယ့်အမျိုးအဆွေမဟုတ်တဲ့ တစ်ခြားလူတစ်ယောက်ရဲ့ နောက်ကို လိုက်သွားဖို့အထိလေ။ သူနဲ့အတူလိုက်ဖို့ ရဲဝံ့စွာ ဆုံးဖြတ်ခဲ့တာက အစ်မတစ်ဝမ်းကွဲပါ။ ငယ်ငယ်ကတည်းက သွားအတူလာအတူမို့ အေးအတူပူအမျှ လက်ကိုဆွဲလို့ သူလိုက်လာခဲ့တယ်။

ဗိုလ်မှူးက စာချုပ်စာတန်းနဲ့ တရားဝင်သမီး အဖြစ်မွေးမယ်တဲ့။ ကျောင်းထားပေးမယ်တဲ့။ ဒါပေမယ့် တံလျှပ်ကို ရေထင် ရွှေသမင်အလိုက်မှားတယ်ဆိုတာ ခရေပန်းလေးနောက်မှသိခဲ့တာပါ။ မရောက်ဘူးတဲ့ အရပ် မမြင်ဘူးတဲ့ သူတစိမ်းတွေကြားမှာ မပြုံးရီနဲ့ မပြုံးကြည်ဆိုတဲ့ ပန်းလေးနှစ်ပွင့်လွင့်လာခဲ့တာပေါ့။

ရှေ့တန်းထွက်လေတဲ့ ဗိုလ်မှူးကတော့ ဒီအဖြစ်တွေကို သိခဲ့လေသလား မသိချင်ယောင်ပဲဆောင်ခဲ့လေသလား မသိနိုင်ခဲ့။ သူတို့ညီအစ်မနှစ်ယောက်ကတော့ သမီးမဖြစ်ခဲ့ပဲ ငွေဝယ်ကျွန်တွေလို။ မေမေလို့ခေါ်တဲ့ ဗိုလ်မှူးကတော်ရဲ့ အပြောအဆို အခိုင်းတွေကြားမှာ မိုးလင်းကနေမိုးချုပ်ခဲ့တာပါ။

မနက်ငါးနာရီမထရင် အပြောအဆိုတွေ မညှာတာခဲ့ပါဘူး။ အလုပ်အကိုင်မှားရင် တစ်သက်စာ မှတ်စရာတွေ ဖြစ်အောင်ပြောထွက်ရက်ခဲ့သူပေါ့။ ခရေပန်းလေးကတော့ တစ်ခါမှားပြီး နောက်ထပ်မမှားရအောင် နောက်တစ်ခေါက်ထပ်ပြောရတယ်ဆိုတာ မရှိအောင် ကျင့်ကြံနေထိုင်ခဲ့တာပါ။ ကျောင်းစာဖတ်ဖို့ဆိုတာ ဝေလာဝေး ဒါပေမယ့် ဘ၀အသိတွေ ပြည့်ညှပ်နေအောင် အောက်ခြေကနေ စခဲ့ရတာဆိုတော့ ကျေနပ်ပါတယ်လေ။ မြန်မာလိုမတတ်တဲ့ ညီအစ်မနှစ်ယောက် နောက်တော့ တရုတ်စကားကိုမေ့သွားပြီး မြန်မာလိုသာပြောတတ်ခဲ့ပြီဆိုမှတော့ သန်းခေါင်ထက်ညဥ့်မနက်တော့ပြီပေါ့။

တနေ့ထက်တနေ့ ဆိုးဝါးတဲ့ရက်တွေကို ခါးစည်းဖြတ်ကျော်ရင်း အစ်မငယ်ရဲ့ လွတ်မြောက်လမ်းကိုရှာကြရအောင်ဆိုတဲ့ စကားကို ကြားလာရတယ်။ ဒီလိုဘ၀မျိုးနဲ့ ငါတို့ဆက်နေဖို့မဖြစ်နိုင်ဘူးတဲ့။ အင်းဟုတ်တယ် ဒီလိုဘ၀မျိုးတော့ ဆက်နေလို့မဖြစ်ဘူး။ ဒါပေမယ့် အချိန်မကျသေးဘူးဆိုတဲ့ စိတ်ကလည်းလွန်ဆွဲနေသေးတယ်။ ထွက်ပေါက်တစ်ခုကို လွယ်လွယ်ကူကူရှာသွားလေတဲ့ အစ်မငယ်ကတော့ ဗိုလ်မှူးအိမ်က ဒရိုင်ဘာတစ်ယောက်ရဲ့နောက်ကို ကောက်ကောက်ပါအောင်လိုက်ရင်း ဘ၀အသစ်ကို စတင်သွားခဲ့တယ်။ အပြစ်မတင်ရက်ပါဘူးလေ….

ဆက်ပါဦးမယ်…