တိုက်မိခြင်းများအတွက်

ဒီနေ့ ရုံးကတံခါးကို ကမန်းကတန်း ဖွင့်ပြီး အထွက် လူတယောက်နဲ့ တိုက်မိမလိုဖြစ်သွားခဲ့တယ်။ အချိန်တွေ သိပ်မလောက်ဘူးလို့ ယူဆထားသူချင်း အတူတူ အကြည့်တချက်လောက်စီနဲ့ပဲ ကိုယ့်လမ်းကို ဆက်လျှောက်ဖြစ်သွားကြတယ်။ ဒီလိုတိုက်မိခြင်းတွေက ဘ၀မှာ ဘယ်လောက်ရှိနေခဲ့ပြီလဲ………

ကျနော့ရဲ့ အမှတ်မထင် တိုက်မိခဲ့တဲ့သူတွေ အင်း…ဘဝတလျှောက်လုံးစာဆို နည်းမှ မနည်းပဲ။ ခလေးဘဝတုန်းက ခုန်လိုက်ပေါက်လိုက် ပြေးလိုက်လွှားလိုက် ဝင်ဝင်တိုက်ဖြစ်တာတွေ။ သတိထားမိလား………တိုက်မိတာခြင်းတူပေမယ့် စိတ်အခြေခံတွေ မတူကြတော့တာကိုပါ။ ခလေးဘဝတုန်းက တိုက်မိခဲ့ရင် ဟာဒီခလေး ရှပ်တီးရှပ်ပြာနဲ့လို့ပဲ ဆူပြောလေး ပြောတတ်ကြတယ်။ ဒါပေမယ့် စိတ်ထဲမှာ ပေါ့ပေါ့ပါးပါးလေးနဲ့ ပြောသွားတဲ့ပုံစံတွေပါပဲ။

အရွယ်လေးရောက်လာတော့ တိုက်မိတဲ့ ဇာတ်လမ်းတွေကို သိရှိလာခဲ့ပြီ။ အမှတ်မထင်ကနေ အမှတ်ထင်ထင်တွေလည်း ရှိရှိလာခဲ့ပြီပေါ့။ အရွယ်ရောက်လာတာနဲ့ အကြောင်းအရာ တော်တော်များများ ပြောင်းလဲသွားခဲ့ပါကလား။

တိုက်မိတာခြင်းတူတာတောင် ဒေါသတွေ မာန်မာနတွေက အနောက်မှာ အပြည့်။ ဒါလေးတောင် မမြင်ဖူးလား၊ အဲ့လောက် နမော်နမဲ့နိုင်ရလား၊ ဆပ်ပြာသည် လင်ပျောက်နိုင်လှချည်လား စသည် စသည် မဆုံးနိုင်တဲ့ ဂမုန်းခိုင်တွေ တသီကြီး လွှတ်ချင်လွှတ်တတ်ကြပါဦးမယ်။ တဖက်က ငြိမ်မနေပဲ ပြန်ပြောရင် အကျယ်အကျယ် မ,ငြိမ်းဖွယ်တွေဖြစ်မယ်။ အခုဖတ်ပြီးသွားတဲ့ စာအုပ်ထဲက စစ်တွေဖြစ်ရခြင်းအကြောင်းအရင်းက ဒီလိုတိုက်မိတာလေးနဲ့လည်း စတင်နိုင်တယ် ဆိုတာကိုလည်း တွေးမိသွားပြန်တယ်။

ကျနော်တို့တွေ ဒီလို တိုက်မိခြင်းကို သာမာန်ရိုးရိုးလေး တွေးမပေးနိုင်ကြတော့ဘူးလား (ဒါကျနော့် တွေးနေတဲ့အဓိကအချက်ပါ)။ မတော်တဆ ဆိုတဲ့ အကြောင်းအရာကို မေ့ပျောက်ပြီး ကြိုတင်ကြံစည်မှုလိုလို လုပ်ကြံမှုကြီးတခုလို ဖြစ်စေခဲ့တာ ဘာကြောင့်များပါလိမ့်။ ကျနော်တို့ရဲ့ လူသားဆန်မှုတွေ ပျောက်ဆုံးကုန်လို့လား။ ပြုံးပြီး ခွင့်လွတ်ကြည့်နဲ့ တခါတလေ ကြည့်လိုက်စမ်းပါဗျာ။ ဟိုတခြမ်းကလူလဲ အားနာပြီး သူ့ရဲ့ မတော်တဆမှုအတွက် တောင်းပန်ပြုံးလေး ပြန်ရမှာပါ။

ကျနော့မှာ ဓါတ်လှေခါး အတွေ့အကြုံလေးတခု ရှိခဲ့တယ်။ ဒီနေ့အထိ မေ့မရပါဘူး။ တရက်ကျနော် အသိအိမ်ကနေ အပြန်။ သူတို့အိမ်က ၈ထပ်မှာမို့ ပြီးတော့ သွားစရာလည်း အရေးတကြီးရှိနေပြန်၊ ဓါတ်လှေခါးကို သုံးခဲ့တယ်။ နံပါတ်၁ကို နှိပ်ပြီး နောက် စိတ်ထဲမှာ ဆက်လုပ်ရမယ့် အရာတွေကို တွေးနေမိတယ်။ ဓါတ်လှေခါးပွင့်သွားတော့ တက်သုတ်ရိုက်ထွက်တာပေါ့။ အရှေ့က ဝင်လာတဲ့လူကို အမှုမဲ့အမှတ်မဲ့ပဲ။ ဝင်တိုက်မိတယ်။ ဟာ ဆောရီးဆိုပြီး တောင်းပန်တယ်။ သူက ကျနော့ကို ကြည့်ပြီးရီနေတော့တာ။ ကျနော်လည်း ခပ်ရှက်ရှက်ပဲ ဘာလုပ်ရမှန်းမသိတော့ဘူး။ တကယ်ဆို သူက စိတ်ဆိုးရမှာလေ။ ကျနော်က အိုးတိုးအမ်းတန်းဖြစ်လေ သူက ဖိပြီးရယ်လေ။ ပြီးတော့ ဓါတ်လှေခါးအပေါ်ကိုလည်း လက်ညိုးထိုးပြီးရယ်။ တခုခုတော့ မှားပြီပေါ့။ သူက ကျနော့ကို ပြန်ဝင်ခဲ့ လို့ခေါ်တယ်။ ဟုတ်ပါတယ် တကယ်က သုံးထပ်ပဲရှိသေးတာ။ ကျနော်ဆင်းမှာက မြေညီထပ်အထိလေ။ ကြုံပလေ ဘုံဘွေပေါ့ဗျာ။ ဓါတ်လှေခါး မြေညီထပ်ရောက်တော့ ကျနော်တို့ နှစ်ယောက် တွေးမိပြီး နောက်တခေါက် ရယ်ဖြစ်ကြပြန်ရော။

တကယ်တမ်း ဖြစ်လေ့ဖြစ်ထရှိတတ်တဲ့ အဖြစ်လေးတွေပါပဲ။ ကျနော်တို့ စိတ်မှာ ဘယ်လိုခံယူသင့်သလဲ။ ကိုယ်က ပေါ့ပေါ့ပါးပါးလေးဆို တဖက်လူမှာလဲ ပေါ့ပေါ့ပါးပါးလေးဖြစ်သွားမှာ မဟုတ်လား။

ကျနော့ဘဝမှာ အမှတ်မထင်ရော အမှတ်ထင်ထင်ရော မတော်တဆ ဝင်တိုက်မိတဲ့သူတွေ ရှိပါတယ်။ နောက်ထပ်လည်း တိုက်မိကောင်း တိုက်မိပါလိမ့်မယ်။ အကယ်၍များ တိုက်မိဖြစ်ခဲ့ရင် ကျနော်တို့ ပြိုင်တူပြုံးပြီး သင်ပုန်းချေလိုက်ကြရင် မကောင်းဘူးလားလို့ပါ…………

(အရင်က တိုက်မိပြီး ကျနော်ဒေါသဖြစ်မိခဲ့တာတွေလည်း ရှိခဲ့မှာပါပဲ။ အဲ့ဒီအတွက် ပြန်တောင်းပန်လို့ မမှီတော့မယ့်အတူတူ အခုအချိန်မှာ နောက်ထပ်မဖြစ်စေရတော့ဘူးလို့ပဲ စိတ်ထဲမှာ ရည်ရွယ်ထားပါတယ်..)