ကစားပွဲတခုအတွက်

အခုလတ်တလောမှာ ရေပန်းအစားဆုံးက ကမ္ဘာ့ဖလား ဖြစ်နေတယ်။ မိမိအားပေးတဲ့ အသင်းတွေ အလျှိုလျှို ထွက်သွားပြီးတဲ့နောက် အားပေးတဲ့ လူကိုယ်တိုင်ရော ထွက်နေသင့်ပါလား။ ၀င်ခွင့်ဆိုတာ မရလိုက်တဲ့ အသင်းတွေကရော မကောင်းဖူးလို့ တထစ်ချ ပြောနိုင်ပါသလား…..

ဘောလုံးဆိုတာ လုံးနေတာမို့ဆိုတဲ့ အကြောင်းပြချက်တခုနဲ့ ကျနော်တို့ လက်ပိုက်ကြည့်နေခဲ့ကြလိမ့်မယ်ထင်တယ်။ ဘောလုံးရဲ့ နောက်ကွယ်က အကြောင်းအရာတွေကိုကော စာဖတ်သူတို့ တွေးတောကြည့်မိလေ့ ရှိဟန်မတူ။ နည်းဗျူဟာဆိုတာ စစ်ပွဲတခုတည်းအတွက် မလုံလောက်တော့ပါဘူး။ အဆုံးသတ် ပိရိသေသပ်လှပဖို့က အနိုင်ဂိုးနဲ့ ဆက်စပ်နေတတ်ပါတယ်။ စိတ်ဓါတ်ဆိုတဲ့စကားလုံးကို ဘယ်အရာနဲ့ အနက်ဖွင့်မလဲ။ အသင်းအဖွဲ့ဆိုတာ တယောက်တပေါက် ဖြစ်လေ့ဖြစ်ထရှိပါတယ်။ ခွဲထွက်ကုန်ကြတယ်ဆိုတဲ့ စကားလုံးကို အသင်းအဖွဲ့တခုရဲ့ နောက်ဆုံးအချိန်အဖြစ် လက်သင့်ခံလိုက်ကြရတယ်။

ကစားပွဲတခုရဲ့ အချိန်အတိုင်းအတာ အတိုလေးအတွင်းမှာ အရှုံးအနိုင် အဆုံးအဖြတ်က ဘယ်အရာတွေကို သတ္ထုကျနေသလဲ တွေးနေမိတယ်။ ငယ်ငယ်က စာမေးပွဲဖြေချိန်နာရီပိုင်းအတွင်းမှာ ကျောင်းသားတယောက်အတွက် အရည်အချင်းတွေ အကုန်ချပြနိုင်ဖို့ဆိုတာ အတော်လေး လက်မခံနိုင်ဖြစ်ခဲ့ဖူးတယ်။ မှားယွင်းမှုတခုလုပ်ခဲ့မိရင် စာသင်နှစ်တခုစာ အရင်းအနှီးက အများကြီးလေ။ ပြီးတော့ အခွင့်အရေးမပေးခဲ့ရင် ဆိုတဲ့ အကြောင်းအရာ...

ကံကြမ္မာနဲ့ ယတြာဆိုတာတွေကို အကြွင်းမဲ့ ယုံလွယ်သူတွေ ရှိကောင်းရှိနိုင်ပါတယ်။ ဘယ်အရာကို တထစ်ချ ဖက်တွယ်ထားရမလဲ။ ဘယ်အသင်းကိုကော ယုံကြည်ပြီး ပုံအပ်သင့်သလဲ။

ကျနော်ကြည့်နေဖြစ်တာ ကမ္ဘာ့ဖလားပွဲတခုတည်း မဟုတ်ပါဘူး။ နောက်တပွဲကိုလည်း ကျနော်ရင်ခုန်စွာ စောင့်ကြည့်နေပါတယ်။

ဒိုင်လူကြီး လက်ထဲက ချလိုက်တာနဲ့..

အမြန်ဆိုတာကို သုံးမလား၊ ခွန်အားကို သုံးမလား၊ ငွေအားကိုသုံးမလား…

ဂုဏ်သိက္ခာတွေ ချနင်းချင်လည်း နင်းကြပါလိမ့်မယ်။ နာမည်တွေ အတွက် ထည့်တွက်စရာမှ မလိုတော့ပဲ။ ရိုးသားမှုဆိုတာကိုတော့ ဘုရားသခင်ကိုယ်တော်မှ လွဲပြီး တခြားသူ မသိနိုင်တာ ကြာခဲ့ပါပြီ။ သမ္မာသမတ်ရှိပြီး မျှတမှုကိုတော့ အသင်းတိုင်းက ဆန္ဒရှိမယ် ထင်ပါတယ်။

ကျနော်စောင့်ကြည့်နေပါတယ်။ ပြီးတော့ ၀င်ခွင့်မရလိုက်တဲ့အသင်းအတွက် ကျနော်လည်း ဘေးထွက်ထိုင်နေသင့်လား စဉ်းစားနေပါတယ်။ ဒီကစားပွဲ လောင်းကြေးက သိပ်အလျော်အစားကြီးတာမို့ပါ။

ခင်ဗျားတို့ရော ဘယ်သူနိုင်မယ်ထင်ပါသလဲ…