ကြိုးပျောက်သွားသော ဖိနပ်တစ်ရံ

ထိုဖိနပ်တစ်ရံကို ရရှိလိုက်သည့် အချိန်မှစ၍ ကျနော်နှစ်ခြိုက်စွာ မြတ်နိုးစွာ ခုံခုံမင်မင်ပဲ စီးလေ့ရှိပါသည်။ ထိုဖိနပ်တစ်ရံသည် ကျနော့အတွက်တော့ ဖိနပ်တစ်ရံသက်သက်ဟု အနက်ပြန်လျှင် လုံလောက်မည်မထင်..

အရေပြားပါးသူ ပီသစွာ ကျနော် ဖိနပ်များများနှင့် အကျွမ်းတ၀င် မရှိတတ်ပါ။ ငယ်စဉ်က စီးရလေ့ရှိသော ဆင်ကြယ် ကြက်ပေါင်ဖိနပ်များနောက်တွင် သားရေဖိနပ်များသည် ကျနော့ကို အထူးပင် နာကျင်စေပါသည်။ ကတ္တီပါသား သည်းကြိုးပင်ဖြစ်သော်ငြား အသစ်ဖြစ်သည်ဆိုသောကြောင့် တင်းကျပ်မှုက ကျနော့ ခြေဖမိုးကို တိုက်စားလေ့ရှိတတ်ပါသည်။ မကြာခင်သည်းကြိုးရာ တလျှောက်တွင် ရေနွေးပူလောင်သကဲ့သို့ အရည်ကြည်ဖုများကြောင့် ခြေဗလာဖြင့်သာ အသင့်အလျော်ဆုံးဟု ဆုံးဖြတ်ရမလို ဖြစ်ခဲ့ဖူးသည်။ သို့ဖြစ်၍ စီးနေကျထက် တစ်ဆင့်ပိုကြီးသော နံပါတ် ၁၀ ကို စီးဖို့ကြိုးစားသော်လည်း ချောင်သည့်အလျောက် ကျွတ်ထွက်သွားသည်က များနေပြန်သည်။

ထို့အတွက် ဖိနပ်လှလှများသည် ကျနော်နှင့် ဆန့်ကျင်ဖက်ကိုသာ ဦးတည်နေတတ်ပါသည်။ သူငယ်ချင်းများ အဆန်းတကြယ် စီးလာလျင် ငေးမောအားကျခြင်းကလွဲ၍ တပ်မက်ခြင်းကို ဦးတည်မသွားသည်မှာတော့ သေချာပါသည်။

အိမ်မှာတော့ ကျနော့ကို မောင်နုဟု မေက စ,လေ့ရှိသလို သူ့သားအတွက် သင့်လျော်မည့်ဖိနပ်ကိုလည်း သူပဲရှာပေးတတ်ပြန်သည်။ အံဝင်ခွင်ကျ ဖြစ်သွားသော တံဆိပ်များကို မှတ်မှတ်သားသားထားလေ့ရှိပြီး ဈေးဝယ်သွားတိုင်း ဝယ်လာတတ်သူမှာလည်း သူပင်ဖြစ်သည်။ ထပ်တူညီနေသော ဖိနပ်များ စီးရခြင်းအတွက် ကျနော့ကို ငြီးငွေ့ပါသလားဟု မေးလာခဲ့ရင် ကျနော် အလိုက်သင့် ခေါင်းငြိမ့်မည် မဟုတ်ပါ။ ဖိနပ်အသစ်များ၏နာကျင်စေခြင်းက ကျနော့ကိုဟန့်တားထားသောကြောင့် ဖြစ်ပါလိမ့်မည်။

ယခုဖိနပ်ကို ကျနော်နှစ်ခြိုက်ခုံမင်ခြင်းမှာ ကျနော့ကို မနာကျင်စေသောကြောင့်ဟု အတ္တနှင့်ယှဉ်၍ ဆိုက ဆိုလိုက်နိုင်ပါသည်။ သူ့ကို ကျနော်နှစ်ခြိုက်ရသော အကြောင်းများလည်း ရှိနေပါသေးသည်။ သို့သော် ထိုအရာများသည် အပေါ်ယံ ရုပ်ဝတ္ထုဆန်မှုများသာ ဖြစ်ပါသည်။

ထိုဖိနပ်စီး၍ လမ်းလျှောက်တိုင်း ဘေးနားမှ လူငယ်တချို့ အားကျငေးမောသွားခြင်းကို ကျနော် သဘောကျပါသည်။ တခါတရံ ကြည့်သူမရှိသောအခါ ဖိနပ်ကို ကျောက်ပြားကြမ်းပြင်နှင့် ပွတ်တိုက်ခြင်းဖြင့် အသံထွက်လာကာ လူစိတ်ဝင်စားအောင် ပြုလုပ်ဖို့ကိုလည်း ကျနော် ၀န်မလေးပါ။ သြော် သူ့ဖိနပ်ကလေးက အသံထွက်နေတာကိုးလို့ အံသြမှတ်ချက်ပြုသွားသော မျက်နှာများကို ကြည့်ရသည်ကိုလည်း ပီတိဖြစ်တတ်ပြန်သည်။

သို့သော် ထိုဖိနပ် ဘယ်လောက်ပေးရသလဲဟု မေးလာသူများကိုမူ ကျနော် ငြိုငြင်တတ်ပါသည်။ တန်ရာတန်ဖိုးတခုထိ ရှိသော်လည်း ဖိနပ်၏တန်ဖိုးကို ကိန်းဂဏန်းများဖြင့် သတ်မှတ်ထားခြင်းကို ကန့်ကွက်ချင်ပါသည်။ ဘောင်ကန့်သတ်ထားခြင်းကို သက်ရှိအရာဆိုလျှင် လက်ခံမည် မဟုတ်ဟု တထစ်ချ ယူဆထားသောကြောင့် ဖြစ်ကောင်းဖြစ်နိုင်ပါသည်။ ကျနော့အတွက် ဖိနပ်ကပေးသော သန္တရသများသည် ဖိနပ်တန်ဖိုးကို အဖိုးမဖြတ်စေနိုင်ခြင်းပင်။

နေသားတကျရှိလှသော ဖိနပ်တစ်ရံနှင့် ကျနော် ထာဝရရှိလိုလှသည်။ သင်္ခါ ရဆိုသော သဘောကိုလည်းကောင်း၊ အနိစ္စဟူသော သဘောကိုလည်းကောင်း၊ အနတ္တဟူသော သဘောကို လည်းကောင်း ကျနော်ကောင်းကောင်းနားမလည်နိုင်သေးခင် အဆိုပါဖိနပ်မှ ဖိနပ်ကြိုးများ ပျောက်ဆုံးသွားပါတော့သည်။

ပျောက်ဆုံးသွားသော ဖိနပ်ကြိုးများကို အစားထိုးဖို့ အများက တိုက်တွန်းကြသည်။ ထိုအခါ ကျနော်က ကျနော် နားမလည်ပါးမလည်ရှိသော သစ္စာဟူသော စကားလုံးကို တွင်တွင်သုံးပြီးငြင်းပစ်ခဲ့သည်။ ခေါင်းမာလှသည်ဟူသော စွပ်စွဲချက်ဖြင့် ကျနော့ကို နားချစေခြင်းမှ ကျနော်လွတ်မြောက်စေခဲ့သည်။

ဒီအတိုင်း ဘူးထဲတွင် သိမ်းထားမည်လားဟု အကြိမ်ကြိမ်မေးသည်ကိုလည်း လျစ်လျူရှုပစ်ခဲ့ပါသည်။ ကိုယ် အသုံးမတည့်လျှင် တခြားအသုံးတည့်သူတွေ အတွက်………စသော ပရဆန်ဆန် စကားလုံးများကိုလည်း ပြောတတ်ကြပါသည်။

အစကပြောခဲ့ဖူးသလို ကြိုးပျောက်သွားသော ဖိနပ်တစ်ရံသည် ကျနော့အတွက် ဖိနပ်တစ်ရံသက်သက် မဟုတ်ခဲ့ပါ။ သူ့တွင် ခြေလက်များမရှိတော့သောကြောင့် အင်္ဂါမစုံလင်မှုဟူသော ပြစ်မှုတခုဖြင့် ကျနော်နှင့် ဝေးလွင့်အောင်လုပ်ခြင်း ပုဒ်မသည် တကယ်တော့ မတရားပါ။ ရဲဘော်ရဲဘက်စိတ် အပြည့်ဖြင့် ကျနော်နှင့်အတူ ထားခြင်းကို မည်သူကမျှ လက်မခံသော်လည်း ကျနော့်ဖာသာ လက်ခံလိုက်ပါသည်။

ကြိုးပျောက်သွားသော ဖိနပ်တရံကြောင့် ကျနော့ကို စိတ္တဇ ဆန်သည်ဟု သတ်မှတ်နိုင်ပါသလား....ကျနော်မသိပါ။