လေလှိုင်း ပုစ္ဆာ

သူပြောသမျှတွေ ပို့စ်လေးတွေအဖြစ် အသက်သွင်းခဲ့တာ ကြာပါပြီ။ အခုလည်း အဖြေသိပါလျက် စာဖတ်သူတွေရဲ့ အယူအဆတွေကို သူသိချင်ပါသတဲ့လေ….

လေသံတိုးသဲ့သဲ့ကြားမှာ သူစပြောတယ်

ကိုယ်ပြောလည်းပြောချင်တယ် ပြောလို့လည်းမထွက်ဘူး။ ဒါပေမယ့် သူတစ်ပါးတွေရဲ့ အမြင်ကိုလည်း သိချင်တယ်။ ပြောတတ်သလိုပဲ ပြောပါတော့မယ်လေ…

အဲ့ဒီကစပျိုးတာပါခင်ဗျ

ကိုယ် သူ့ကို စတွေ့တာ ထုံးစံအတိုင်း Date လုပ်တဲ့ website တစ်ခုမှာပေါ့။ သူ့ရဲ့ ဓါတ်ပုံ တစ်ခုအောက် မှာ ကိုယ်ပေးခဲ့တဲ့ comment တစ်ခုကနေ စခဲ့တာပါ။ ပြောရရင် ကိုယ်ကပဲ စခဲ့တယ်ဆိုရမှာ။

ဒီယုံမြင်လို့ ဒီချုံထွင်တယ်ပဲဆိုဆို comment နောက်ကနေ လိုက်လာတဲ့ သူ့ရဲ့ contact တစ်ခုကနေ ကိုယ်တို့ဆက်သွယ်ခဲ့ကြတယ်။ ကိုယ့်အထင် အဲဒီညက မနက်၂နာရီထိုးသွားခဲ့တယ်။ အဲ့အချိန်ထိ သူဟာ ကိုယ့်မိတ်ဆွေအဆင့်မှာပဲ။ သူက ပြောတယ် ကိုယ်နဲ့စကားပြောရတာ သိပ်ပျော်ဖို့ကောင်းတာပဲတဲ့။ သူကပုံပြောသူတစ်ယောက်လား ကိုယ်က ပုံပြောသူတစ်ယောက်လား ဘယ်လိုမှကို မဆန်းစစ်နိုင်တော့ဘူးလေ။ အမှတ်ရမိတာက အဲ့ဒီညဟာ မတ်လရဲ့ ပူအိုက်တဲ့ ညတစ်ညပါပဲ။

သိပ်မကြာခင်မှာပဲ ကိုယ်တို့ ဆုံတွေ့ခဲ့တယ်ဆို ဒီခေတ်အမြင်နဲ့ကြည့်ရင် မစောလွန်းလောက်ပါဘူးနော်။ သူ့ကို ကိုယ် MRT မှာသွားခေါ်လာခဲ့တယ်။ ပတ်ဝန်းကျင်တစ်ခုလုံးကို ငေးနေလိုက်တာများ ဒီအရပ်တွေအခုမှ ရောက်ဖူးတဲ့အရိုင်းအစိုင်းလေးလို။ မှေးမှေးမှိန်မှိန်လေးမို့ ဒါနဲ့ပဲ အကြင်နာပိုစေခဲ့လေသလား မစဉ်းစားတတ်ခဲ့ဘူး။

ကိုယ့်အိမ်ကိုရောက်တော့ သူက တရင်းတနှီးရှိလွန်းနေပြန်တယ်။ ချိုသက်ခြင်း ခါးသီးခြင်းတွေနဲ့ ညနေခင်းတစ်ခုကို ဖြတ်ကျော်ခဲ့ကြတယ်ဆိုပါတော့။ အဲ့အချိန်ထိ သူ့ဟာ ကိုယ့်အတွက် သာမာန်မိတ်ဆွေ တစ်ယောက်အဖြစ် စိတ်ထဲမှာ ရှိခဲ့သေးတယ်။

သူပြန်သွားပြီး မကြာမတင်မှာပဲ sms လေးတစ်ခု ၀င်လာတယ်။ သူကိုယ့်ကို ချစ်တယ်တဲ့။ ဟင့်အင်း မဖြစ်နိုင်ဘူး ဒီအချိန်တိုလေးတစ်ခုအတွင်းမှာ သူကိုယ့်ကို ချစ်တယ်ဆိုတဲ့ စကားပြောဖို့ မလွယ်ရဘူးလေ။ တစ်ကယ်ဆို သူကိုယ့်အကြောင်း သိသေးတာမှ မဟုတ်တာနော်။ ပြီးတော့ ကိုယ်လည်း သူ့အကြောင်းမသိသေးဘူးလေ။

နောက်ပိုင်းမှာတော့ သူတဖွဖွ ပြောတဲ့စကားက ကိုယ့်ကို ချစ်တယ်ဆိုတဲ့အကြောင်း။ ကိုယ်အမြဲပြန်ပြောဖြစ်တာက တကယ်ချစ်တာမဟုတ်နိုင်ဘူး။ ကိုယ်လည်း မင်းကိုမချစ်ဘူးဆိုတဲ့ အကြောင်းပါ။ ဒါပေမယ့် သူက မနားတမ်းဆက်ပြောနေတာပါပဲ။

နောက်တစ်ခေါက်ကိုတော့ အပြင်ဘက် တစ်နေရာမှာ တွေ့ဖြစ်ကြတယ်။ သူနဲ့ကိုယ်နဲ့ တော်တော်လေး ရင်းနီးသွားကြတယ်(ဒီ့ထက်ပိုပြီး ပြောစရာလိုမယ်မထင်ဘူးနော်)။ မနက်စာကို သူ့အတွက် Starbuck ဆိုင်မှာ ပဲ လိုက်ကျွေးဖြစ်တယ်။ သူ့ကိုတိုက်တဲ့ ကော်ဖီတစ်ခွက်က ချစ်ခြင်းတွေပါတယ်တဲ့။ ဒါသူ့အပြောပေါ့။ သူ့ကို ကိုယ်ရိုက်ပေးတဲ့ ဓါတ်ပုံလေးကို သူ့မှာ ကြိုက်လှချည်ရဲ့ဆိုပြီး ထုတ်ထားလိုက်တာ ပုံတွေမှ အများကြီး။ သူ့မျက်နှာတစ်ခုပဲကြည်ပြီး နောက်ခံတွေ ၀ါးနေလို့တဲ့လေ။

နောက်တော့ သူ့အလုပ်က ရုံးပိတ်ရက်တွေပါ ဆင်းရတာမို့ ကိုယ်တို့မတွေ့ဖြစ်ကြဘူး။ ဒါပေမယ့် ညတိုင်းဖုံးပြောဖြစ်ပါတယ်။ သူရဲ့ မရိုးနိုင်တဲ့ ဓါတ်ပြားအဟောင်းကြီးကိုလည်း ဖွင့်နေလျက်ပေါ့။

အဲ့ဒီကြားထဲမှာ ကိုယ်အရင်တွဲနေလက်စ လူတစ်ယောက်နဲ့ တစ်ခေါက်လောက်တော့ တွေ့ဖြစ်ပါသေးတယ်။

မေလရဲ့ ပထမအပတ်နားမှာတော့ သူ့ဆီကို ကိုယ်ဖုံးခေါ်မိတယ်။ မကိုင်ပါလားလို့ နှစ်ကြိမ်သုံးကြိမ် ကိုယ်ဆက်တော့ ကိုယ်မကြားဘူးတဲ့အသံတစ်ခုကို ကြားလိုက်ရတယ်။ ကိုယ်ဘယ်သူလဲတဲ့ သူကများ။ ကိုယ်ကမေးတယ် သူဘယ်ရောက်နေလဲဆိုတော့ သူ့သူငယ်ချင်းပါတဲ့ မင်းဘယ်သူလဲ ပြောပြပါလို့မေးလာတယ်။ ကိုယ်ဒေါသတွေထွက်နေမိတယ်။ ကိုယ့်ကို ဒီမေးခွန်းမေးရလောက်အောင် မင်းတို့နှစ်ယောက်ရဲ့ ရင်းနှီးမှုကဘာတဲ့လဲ။ ကိုယ့်ဒေါသကိုယ် ထိန်းပင်မယ့် မရတော့ဘူး။

မကြာခင်မှာ သူဖုံးပြန်ဆက်တယ် ကိုယ်သူ့ကိုမေးတော့ သူငယ်ချင်းပါတဲ့။ ဒါဆို သူငယ်ချင်းဆို ကိုယ့်ကို ဒီမေးခွန်းမေးစရာလားဆိုတော့ သူက ရိုးရိုးသားသားသူငယ်ချင်းပါတဲ့။ အဲ့မှာ ကိုယ့်ဒေါသ ပိုဆိုးသွားတယ်။ ဒေါသနောက်တရားပါ ဘာတွေ ပြောနေမိမှန်းမသိအောင် ပြောပစ်ခဲ့တာ။

နောက်တော့ သူခေါ်တဲ့ ဖုံးတွေကို မကိုင်ခဲ့ဘူး။ ဆယ်ကြိမ်မကအောင် သူခေါ်ခဲ့ပင်မယ့် ကိုယ်မကိုင်ခဲ့တော့ဘူး။ ကိုယ့်စိတ်ထဲမှာ သူမရှိအောင် အလုပ်တွေ ဖိလုပ်နေခဲ့တာ။

တွဲနေလက်စလူလည်း ဒီကို အလည်လာရင်း ကိုယ်နဲ့ဆုံဖြစ်တော့ ကိုယ်သူ့ကို မေးခွန်းတစ်ခုမေးဖြစ်တယ်။ လူတစ်ယောက်က ငါ့ကို ညာရင် ဘာလုပ်သင့်သလဲ။ ဖြေရှင်းခွင့်ပေးသင့်သလားဆိုတော့ လူတစ်ယောက်မှာ second chance ရှိသင့်တယ်တဲ့လေ။

ဒါနဲ့သူခေါ်တဲ့ ဖုံးတစ်ခုကို ကိုယ်လက်ခံခဲ့တယ်။ နောက်တော့ ဒီတစ်ပတ်ရုံးပိတ်ရက် ရုံးမပိတ်ပင်မယ့် သူကိုယ့်ဆီရောက်အောင်လာမတဲ့။ အဲ့ဒီညနေတစ်ခုကတော့ စိတ်ထဲစွဲထင်စေခဲ့တယ်။ ညနေစာမစားရသေးတဲ့ သူ့ကို ကိုယ်ညနေစာလိုက်ကျွေးရင် ကိုယ်တို့ တံတားတစ်ခုဆီကို ဦးတည်ခဲ့ကြတာပေါ့။ ညနေကပဲ လှသလား တံတားကပဲလှသလား ကိုယ့်အတွက် လှပခဲ့တာသေချာနေခဲ့တယ်။ ကိုယ်တို့ ဓါတ်ပုံတွေတွဲရိုက်ခဲ့ကြတယ်။

ပြီးတော့ ကိုယ်သူ့အတွက် အမှတ်တရလက်ဆောင် အင်္ကျီတစ်ထည်ကိုပေးရင်း ကိုယ်သူ့ကိုယ်ချစ်မိသွားပြီလို့ ပြန်ပြောခဲ့မိတယ်။ ကိုယ့်အတွက်တော့ သူ့ကို ချစ်တယ်ဆိုတဲ့ စကားပြောဖို့ တော်တော်လေး စဉ်းစားခဲ့ရတာပါ။ သူ့ကိုချစ်တယ်လို့ပြောပြီးတဲ့နောက် ကိုယ်ဘယ်သူနဲ့မှလည်း အဆက်အသွယ်မလုပ်ခဲ့ဘူး။ ဒီစကားလုံးတွေနောက်ကို ကိုယ်ထိန်းသိမ်းခဲ့ပါတယ်။

ဒါပေမယ့် မေလရဲ့ နောက်ဆုံးအပတ်နားမှာတော့ သူကိုယ့်အိမ်ကို လာမယ်ပြောရင်း ရောက်မလာခဲ့ဘူး။ သူသုံးနာရီလောက်ရောက်မယ်ပြောလို့ ကိုယ့်စောင့်ရင်း အဲ့ဒီညနေဟာ သိပ်ရှည်လျားလွန်းခဲ့တယ်။ မစောင့်နိုင်တဲ့အဆုံးမှာ Musical school ရဲ့ ဒေါင့်တစ်နေရာမှာ ကိုယ်ဟာ တစ်စုံတစ်ရာကို မျှော်လင့်စောင့်စားခဲ့ရတာ။ အသံမမြည်တဲ့ဖုံးလေးတစ်ခုက လက်ထဲမှာ အသက်မဲ့စွာ။ ဖုံးဘေးနားက ကြိုးတွေ ပြတ်သွားအောင် ရမ်းခါရင်း ဖုံးကိုပဲ မဲနေမိတော့တာ။

သူအဲ့ဒီတစ်ညလုံး ရောက်မလာခဲ့ဖူး။ နောက်နေ့မနက်ရောက်တော့ သူ သူငယ်ချင်းတစ်ယောက်အိမ်မှာ အိပ်ဖြစ်ခဲ့တယ်တဲ့။ အချိန်မတိကျလိုက်တာလို့ မလာနိုင်လည်း မလာနိုင်ကြောင်းပြောပါတော့လား။ ကိုယ့်ကို မလေးမစားဆက်ဆံတယ်ပြောရင်းက နောက်မှ ပြန်ဆက်မယ်ဆိုပြီး ဖုံးကိုချသွားခဲ့တယ်။ ရက်စက်လိုက်တာလို့ အော်မြည်ရင်း ရင်ဘတ်ကို ဖိမိတယ်။ နာကျင်လှချည်လို့ ငိုကြွေးနေမိတာပေါ့။

ဖုံးဆက်နိုးနဲ့ မျှော်မိလည်းအလကားပါပဲ။ နောက်တပတ်အင်္ဂါနေ့တစ်ရက်မှာတော့ ကိုယ်သူ့ကို ဖုံးဆက်တော့ သူက သူ့မှာ ချစ်သူတစ်ယောက်ရှိနေပြီတဲ့။ မြန်လှချည်လား။ အဲ့ဒီချစ်သူနဲ့ အဝေးတစ်မြေကိုသွားတော့မှာတဲ့။ သူ့ကို ကြိုးစားပြီးမေ့လိုက်ပါတဲ့။ ကိုယ်က သူ့အပေါ် အမြဲတမ်း အထက်စီးက အနိုင်ကျင့်ဆက်ဆံသတဲ့လေ။

သူရဲ့ချစ်သူဆိုတာ ဟိုတစ်လောက ကိုယ့်ကို ဘယ်သူလဲဆိုတာ ဖုံးထဲမှာ မေးတဲ့သူတစ်ယောက်ပေါ့။ ကိုယ့်ကိုချစ်တယ် ချစ်တယ် တဖွဖွပြောတဲ့သူတစ်ယောက်က ကိုယ့်နောက်ကွယ်မှာ နောက်ထပ်ချစ်သူတစ်ယောက်နဲ့ လျှောက်သွားနေတော့တာကိုး။ ကိုယ်ဘယ်လို နှလုံးသားနဲ့လက်ခံရမှာလဲ။ ဒါဆို သူကိုယ့်ကို ချစ်တယ်ဆိုတာကကော….

လက်လွတ်စပယ် မဆုံးဖြတ်ပဲ တကယ့်ချစ်ခြင်းကို နှလုံးသွင်းမိတဲ့ ကိုယ်။ အရူးတစ်ပိုင်းပါပဲ။ သေမတတ် အနေခက်လွန်းလို့ ဒီဘ၀ကိုဇွတ်သိမ်းပစ်မယ်လည်း ကြံမိပြန်တယ်။ ပစ်ပြေးသူက မေ့နိုင်ပေမယ့် ဒီတစ်ဖက်မှာတော့ မမေ့ရက်နိုင်သေးဘူးလေ။
ဝေဒနာတွေအပြည့်နဲ့ ဒီဘ၀မှာ ကိုယ်မပျော်နိုင်တော့ဘူး။

မေ့ပစ်ပါဆိုပေမယ့် ကိုယ်က ဒီအိပ်မက်မှာ ပျော်ပိုက်နေမိပြီလေ။ သူပြန်လာမယ်ဆို လက်ကမ်းလို့ကြိုချင်နေမိတယ်။

ဒီ ပုစ္ဆာမှာ အဖြေက မေ့ပစ်သင့်သတဲ့လား။ ကိုယ်ရော မှားခဲ့မိသလား။ ပြန်လာချိန်ကို မျှော်နေမိတဲ့ ကိုယ့်မှာ အပြစ်ရှိသတဲ့လား။

ကျနော့ စာဖတ်သူများ ဆွေးနွေးပေးကြပါဦးခင်ဗျာ။ အပြုသဘောဆောင်သော အကြံပြုချက်များ ပေးကြပါရန်မေတ္တာရပ်ခံပါတယ်။