မြို့တစ်မြို့ အလွမ်း

အဲဒီမြို့လေးက ကျနော့မြို့လေးမဟုတ်ခဲ့ပါဘူး။ ဒါပေမယ့် အဲဒီမြို့လေးကို ကျနော်ချစ်ခဲ့တယ်။ မြို့ကလေးကိုယ်တိုင်ကိုက ချစ်စရာကောင်းနေခဲ့တာ။ တကယ်…

အဲဒီမြို့လေးကို အမှတ်ထင်ထင်ရှိသွားတာ ကိုးတန်းအောင် ဆယ်တန်းမတက်ခင်ပေါ့။ ချစ်ရတဲ့ သူငယ်ချင်းတစ်ယောက်ကို အိမ်ပြန်ပို့ရင်းနဲ့ ဒီမြို့လေး ကျနော့်ရင်ဘတ်ထဲ တိတ်တိတ်လေး ၀င်နေခဲ့တာ။ မြို့အ၀င်လေးမှာ ဘုရားလေးတစ်ဆူရှိတယ်။ ဘုရားအောက်ခြေနားက စက်ကန်တွေကလည်း လွမ်းဆွတ်ဖွယ်။ ဒီဘုရားလေးနဲ့ ဒီစက်ကန်တွေမှာ ပုံပြင်တွေရှိတယ်လေ။ ဘုရားလေးပေါ်ကနေ ရှုခင်းတွေကို မျှော်ကြည့်မိရင်း နာမည်ကျော်ကြားလှတဲ့ အဲဒီချစ်ဇာတ်လမ်းကို စိတ်ကူးယဉ်ကြည့်မိတတ်တယ်။

လမ်းကလေးတွေကလည်း တကယ့်ကို မြတ်နိုးဖွယ်။ သစ်ပင်သစ်ရွက်တွေနဲ့ ဝေလွင်နေလေရဲ့။ ကျနော်ကြိုက်နှစ်သက်တဲ့ ပထမဆုံးဖတ်ဖူးခဲ့တဲ့ ၀တ္ထုစာအုပ်ထဲက မြို့လေးကို အပြင်မှာ ရင်းရင်းနှီးနှီးတွေ့လိုက်ရတာလေ။ ရွက်ကြွေတွေ တွေ့တိုင်း ဇာတ်လမ်းထဲက ဇာတ်ကောင်တွေ ကျနော့အနားရောက်လာသလို ခံစားရတတ်တယ်။ ဒါပေမယ့် ရွက်ဝါကြွေတွေကို ဖယောင်းတိုက်ပြီး ကျနော်မသိမ်းခဲ့ပါဘူး။

ကျနော်တို့နေတဲ့ ရေနံဝင်းထဲက အထွက်ပေါက်မှာ နေ့လည်တိုင်း ငှက်ပျောသီးကောက်ညှင်းထုတ်သွားစားရတာကိုလည်း ကျနော်ကြိုက်ပါတယ်။ ရေနံဝင်းထဲက အိမ်ကြီးတွေကလည်း ပုံပြင်ထဲက အိမ်ကြီးတွေလို ရှိနေတတ်တယ်။ အခန်းတွေ အများကြီး ဖွဲ့စည်းမထားတဲ့ အိမ်အကြီးကြီးတွေနဲ့ အိမ်ဝန်းကျင်က စားပင်သစ်ပင်တွေက တကယ့်ကိုလိုက်ဖက်နေပြန်တယ်။ ဒီပတ်ဝန်းကျင်ကို ပြောင်းဖို့ ဖေ့ကို ပြောတိုင်း အကြောင်းအမျိုးမျိုးနဲ့ ပျက်သွားရတတ်တယ်။ ဒီမြို့လေးက ကျနော်နဲ့ အဝေးမှာပဲနေချင်ဟန် တူပါရဲ့။

သူငယ်ချင်းက ဆယ်တန်းအတွက် ကျူရှင်တွေတက်နေတဲ့ အချိန်မှာ ကျနော်က ခက်ဆစ်လေးတွေ ကျက်ရင်း မြို့လေးနဲ့ ရင်းနှီးဖို့ ကြိုးစားမိတယ်။ သူမနက်စောစော သွားရတဲ့ အချိန်တိုင်း မြို့လေးက လမ်းတွေကို လမ်းလျှောက်ရင်းပေါ့။ ဆယ်တန်းမှာ မက်တဲ့ အိပ်မက်ထဲမှာ ဒီမြို့လေးလည်း ပါနေတတ်တယ်လေ။ အိပ်မက်ဆိုတာ မပီပြင်ဝိုးတ၀ါးပါပဲ။

ညနေဖက် သူငယ်ချင်းကျူရှင်က ပြန်လာရင် ကျနော်တို့နှစ်ယောက် စက်ဘီးတစ်စင်းနဲ့ ပတ်နေမိပြန်ရော။ လမ်းထိပ်က ရေခဲသုပ်ရယ် ကြံရည်ရယ်တစ်လှည့်စီ နဲ့ မြို့ကလေးက အချောအလှတွေကို ငေးရင်း သံစဉ်တွေ တိုးတိတ်ဖွဲ့ဆိုတတ်တယ်။ အပြန်လမ်းကတော့ ပြန်နေကြ ကောင်စီလမ်းကပဲပေါ့။ ကောင်စီလမ်းထဲမှာ ကျနော့သူငယ်ချင်းရဲ့ နှလုံးသားရှိတယ်ဆိုပဲ။ တစ်ခါမှ မတွေ့ရတတ်ပင်မယ့် တစ်ရက်မှ လမ်းထဲက ဖြတ်ပြန်ဖို့ကို မပျက်ကွက်ခဲ့ဘူးလေ။

ဆယ်တန်းတက်ဖို့အချိန်ကျလာတော့ ခဏတဖြုတ်သွားခဲ့တဲ့ မြို့လေးကနေ ကျနော်ခွဲခွာလာရတယ်။ ဧည့်သည်ဆိုတော့ အချိန်တန်ရင် ပြန်ရပြီပေါ့။

နောက်ပိုင်းကာလတွေမှာ မကြာခဏ မြို့ကလေးဆီကို ရောက်ဖြစ်တယ်။ အရင်လို ရက်ကြာရှည်နေဖို့ တစ်ခါမှ မကြုံခဲ့ဘူး။ အခေါက်တိုင်း သုတ်သီးသုတ်ပြာနဲ့ ပြန်ခဲ့တာချည်းပဲ။ တခါတလေလည်း မိုးကြီးချုပ်မှ အစ်ကို့ကို ဂျီကျပြီးလိုက်ပို့ခိုင်းတတ်တယ်။ တစ်ညသား ကားပျက်ပြီး လမ်းတ၀က်နေ ကားကြုံနဲ့ အိမ်ကို ပြန်ခဲ့ရဖူးတယ်။

မြို့ကလေးက ကျနော့ဇာတိမြို့လေးလည်း မဟုတ်ပါဘဲ ဘယ့်နဲ့ကြောင့် စိတ်ထဲစွဲနေရတာပါလိမ့်။ ပဉ္စလက်ဆန်တဲ့ အတတ်တွေနဲ့ များ ဖမ်းစားထားလေသလား။ တစ်ခုခုတော့ ဆက်စပ်နေမယ်ထင်တယ်။ ဘာဖြစ်လို့လည်းဆိုတော့ အဲဒီမြို့လေးကို ယနေ့ထက်ထိ ကျနော်မေ့လို့မရသေးလို့ပါ………………………