ရင်လှိုက်ပိုး

ရင်ထဲ အသည်းထဲထိအောင်လှိုက်စားတတ်တဲ့ ပိုးမို့ ရင်လှိုက်ပိုးလို့ အမည်တပ်လိုက်ပါတယ်။ အဲဒီပိုးက တစ်ချိန်လုံးထကြွလေတဲ့ပိုး ပြန်လည်ဖျောက်ဖျက်ပစ်ဖို့ ခက်ခဲစေတဲ့ပိုးပါ။ အခုလည်း ကျနော့မှာ ရင်လှိုက်ပိုး ရှိနေခဲ့ပါပြီ။

ဒီနှစ်ရဲ့အစ မတ်လရဲ့နေ့တစ်နေ့မှာ ကျနော်တို့သူငယ်ချင်းတွေစုပြီး မုန့်ဟင်းခါးချက်စားကြတယ်။ သူငယ်ချင်းတစ်ယောက်ရဲ့ ကွန်ပြူတာကိုသုံးပြီး သင်တန်းတစ်ခုက ညီမငယ်တစ်ယောက်နဲ့စကားပြောဖြစ်တယ်။ သူစာဖတ်နေတယ်တဲ့။ ကျနော်သိတဲ့ ညီမငယ်တစ်ယောက် စာရေးနေတယ်ဆိုပါလား။ သူပေးထားတဲ့ လင့်လေးကနေ သွားကြည့်မိတယ်။ “ရွှေပြည်သူ” ပါတဲ့။ Mayonnaise ပုလင်းနဲ့ကော်ဖီ (၂)ခွက် ပို့စ်လေးက တော်တော်ကို ကောင်းပါတယ်။ မူရင်းအင်္ဂလ်ိပ်လိုကို မေးလ်မှာဖတ်ခဲ့ဖူးတယ်။ ဘာသာပြန်တော်တဲ့ညီမငယ်ရဲ့စာက ကျနော့ရင်ဘတ်ကို ထိရှခဲ့ပါတယ်။ ပြီးတော့ကျနော်တို့သူငယ်ချင်းတွေ စိတ်ဝင်စားပြီး အပြန်ပြန်အလှန်လှန်ကြည့်နေမိတာက စကားပြောတဲ့ ခွေးကလေး ဗီဒီယိုဖိုင်လေးပါ။ ညီမငယ်ရွှေပြည်သူဆီကို ဖုံးဆက်ပြီးစတော့ သူ့ခမျာထိတ်ထိတ်ပြာပြာဖြစ်ခဲ့ရှာတယ်။ ရွှေပြည်သူဆိုတာ သူပါလို့ သိတဲ့လူသိပ်မရှိခဲ့လို့ပါ။ ညီမငယ်ရေ ခုတော့ ၀ဋ်ဆိုတာ ၀ါမထပ်ဖူးတဲ့ နောက်တစ်နှစ်တောင်မကူးလိုက်ပါဘူးဗျာ။ အဲဒီကမှ ကျနော်စာရေးချင်တယ်ဆိုတဲ့ အကြောင်းပြောဖြစ်တယ်။ မူလဦးတည်ချက်ကတော့ ကျွန်းအိပ်မက်လိုစာတွေ ရေးပေးချင်လို့ပါ။ တွေ့သမျှလူတိုင်းရဲ့ ထပ်တူညီတဲ့ မေးခွန်းတွေရဲ့ အဖြေကို တစ်နေရာရာမှာ စုထားခဲ့ချင်မိတာ။ မအားမလပ်တဲ့ကြားကနေ သူဆောက်ပေးထားတဲ့ ဒီဘလော့လေးထဲမှာ အရင်နှစ်က ရေးဖူးခဲ့တဲ့ စာအဟောင်းလေးကိုပဲ အားမနာလျှာမကျိုး သူ့ကိုပဲစာရိုက်ဖို့အကူအညီတောင်းပြီး တင်စေခဲ့တယ်။ မညီးမညူကူညီတဲ့ အပြင်အားပေးမှုတွေပါပေးခဲ့တဲ့ ရွှေပြည်သူပါပဲ။

ဆောက်ပြီးတဲ့ ဘလော့အသစ်ကလေးကို အစ်ကိုရုပ်ဆိုးကို ပြကြည့်မိတယ်။ ရောဂါပိုးကို တစ်ယောက်တည်း မခံစားပဲ ဖြန့်ကျက်ခံစားခဲ့မိတယ်။ အချိန်တွေကို အလဟဿကုန်မှာထက်စာရင် ၀ါသနာပါတဲ့ စာရေးခြင်းနဲ့ကုန်ဆုံးချင်မိတယ်။ ပျင်းရိညီးငြွေ့ဖွယ်ကောင်းတဲ့ ညနေတွေကို အသက်ဝင်အောင်ကြိုးစားနေခဲ့တာပါ။ တကယ်တန်းတော့ ကျနော်က စာရေးဆရာတစ်ယောက်မဟုတ်ခဲ့သလို ဘလော်ဂါတစ်ယောက်လို့လည်း မဆိုနိုင်ပါဘူး။ အမှန်က ကျနောဟာ စာရေးသူတစ်ယောက်သက်သက်ရယ်ပါ။ ဒါပေမယ့် ကျနော်ရေးခဲ့တဲ့ စာတွေတိုင်းမှာ ကျနော်အားတွေထည့်ခဲ့ပါတယ်။ တစ်နေ့တစ်ပုဒ်တင်ရမယ်ဆိုပြီး ပြီးစလွယ်ပေါ့ပျက်ပျက် မတင်ရက်ခဲ့ပါဘူး။ အကြိုက်မတူ အတွေးမတူ အယူအဆမတူခဲ့ရင် လွတ်လပ်စွာ ကွဲလွဲပိုင်ခွင့် ဝေဖန်ပိုင်ခွင့် ရှိပါတယ်။ သို့ပေမယ့် လှောင်ပြောင်ပြက်ရယ်ပြုခြင်းကိုတော့ ကျနော့ စိတ်ကလက်မခံနိုင်ပြန်ပါဘူး။ စာရေးနေတဲ့ စာရေးသူတစ်ယောက်ဆိုရင် ဒီခံစားချက်ကို နားလည်ပေးနိုင်မယ်ထင်ပါတယ်။ စာမရေးတတ်ဘူး ပေါက်ကရတွေရေးနေတယ် ဘာတွေရေးမှန်းမသိဘူးဆိုရင်တော့ တကယ့်ကို အရည်အချင်းမပြည့်ဝတဲ့ လိုအပ်ချက်တော်တော်များများနဲ့ စာရေးသူတစ်ယောက်ဟာ ကျနော်ပါပဲလို့ အမှန်အတိုင်းဝန်ခံပါတယ်ဗျာ။

စာရေးခြင်းဆိုတဲ့ ဟောဒီရင်လှိုက်ပိုးကို အူလှိုက်သည်းလှိုက်အကိုက်ခံရပြီးပါပြီ။ တစ်နေ့တစ်နေ့ဝင်မကြည့်ရ မဖတ်ရရင်မနေနိုင်တဲ့ အရှေ့အရှေ့က စီနီယာတွေလို ဘလော့ရောဂါက တော်တော်ကို ကျွမ်းနေခဲ့ပြီ။ ကုသလိုမရနိုင်တော့တဲ့ တစ်ချိန်လုံး တလှုပ်လှုပ်တရွတရွဖြစ်စေတဲ့ အဲဒီရင်လှိုက်ပိုးက အခုအချိန်မှာ အမြစ်တွယ်တာ မှတော်တော်နဲ့ကို ခွာချလို့မရနိုင်တော့အထိ……………………………….