15 June 2008

အိပ္ရာ၀င္ ပံုျပင္မ်ားအေၾကာင္း


အမေ့အကြောင်းကိုတစေ့တစောင်းဖော်ပြပြီးတဲ့ နောက်မှာ အဖေအကြောင်းလည်းဖော်ပြဖို.လိုအပ်မယ်ထင်ပါတယ်။ ခလေးဘဝထဲမှာ နူးညံ့တဲ့ အသိဉာဏ်ထဲကို လိုရာပုံသွင်းဖို. ကြိုးစားခဲ့တဲ့ အဖေပါ။ အလုပ်တစ်ဖက်နဲ.စာတွေဘယ်အချိန်ဖတ်လဲမသိပင်မယ့် အဖေ့ရဲ့ပုံပြင်တွေက တညနဲ.တညမထပ်ခဲ့ပါဘူး။ ကိုယ်တိုင်အလုပ်ထဲဝင်ရမှ အလုပ်ရဲ့ပင်ပန်းဆင်းရဲမှုတွေ၊ လူတွေရဲ့အမျိုးမျိုးသော စိတ်ဒုက္ခပေးမှုတွေ ကြားမှာ နှစ်ရှည်လများ လုပ်ကိုင်နိုင်တဲ့ အဖေ့ရဲ့ရပ်တည်မှုကို အံ့သြဘနန်းဖြစ်ရသလို အဲဒီကြားထဲမှာ ကလေးတစ်ယောက်ကို စိတ်ရှည်လက်ရှည်ပုံပြောပြတတ်တဲ့ အဖေ့ကို လေးစားကြည်ညိုမဆုံးဖြစ်ရပါတယ်။
အမေ့ရဲ့ တစ်ပုဒ်ထဲသောပုံပြင်က လောဘမရှိတဲ့သူရယ်၊ ဒေါသမရှိတဲ့သူရယ်၊ မောဟမရှိတဲ့သူရယ်ဆိုတာပါပဲ။ အခုချိန်ထိလည်း သူအပိုင်ဆုံး ပုံပြင်တစ်ပုဒ်အဖြစ်ရပ်တည်ဆဲပေါ့။
ကျနော့အဖေကတော့ ငါးရာ့ငါးဆယ်ဇာတ်နိပါတ်တွေ၊ ဘုရားအလောင်းပုံတွေ၊ နိုင်ငံတကာပုံပြင်တွေ တိုင်းရင်းသားရိုးရာပုံပြင်တွေနဲ. ပျင်းသွားရတယ်ဆိုတာ မရှိစေရပါဘူး။ ပုံပြင်တွေနဲ. ကြီးပြင်းခဲ့ရတဲ့ ကျနော့အတွက် စာပေကိုချစ်မြတ်နိုးတတ်တယ်ဆိုတာ ဆန်းမယ်မထင်ပါဘူး။ မှတ်သားနာယူထိုက်တာကို
နာယူဖို. အတုယူသင့်တာကို အတုယူဖို. စံထားဖို.စတာတွေကတော့ အဖေ့ရဲ့ အဆုံးသတ်နိဂုံးချုပ်များပါပဲ။ အဖေအိမ်မှာကပ်ထားတဲ့ဆောင်ပုဒ်ကလည်း “စိတ်ထားကောင်းဖို.ပထမ” တဲ့။
ဖျားနာနေတိုင်းမှာ ကျနော့ကိုချွေးသုတ်ဖို. အဖျားတိုင်းဖို.ဘယ်တော့မှတာဝန်မပျက်ခဲ့။ ညတိုင်း အမြဲအအိပ်ကြီးတဲ့ အမေနဲ.ကျနော့ကို တံခါးပိတ်ပေးဖို. စောင်ခြုံပေးဖို.လည်းမလစ်လပ်ခဲ့။
လူတကာကိုကူညီတတ်တာတွေ စကားနဲတာတွေ အလုပ်အကိုင်တိကျတာ စေ့စပ်တာ အဖေ့မှာ အလုပ်နဲ.ပတ်သတ်လို. နေ.စဉ်မှတ်တမ်းလေးထားရှိတာတွေ လောဘနည်းတာတွွေ စည်းကမ်းကြီးတာတွေ အမေ့ကိုစိတ်ရှည်တာတွေ က တော့ ကျနော်ဘယ်တော့မှ လိုက်မမှီတဲ့ အရာတွေပါ။
တောကနေမြို.ကိုကျောင်းသွားတက်မယ်ဆိုတော့ အဖေပြောလိုက်တဲ့စကားလေးက “ငါ့သားတဲ့ လိုတာကိုမှာပါတဲ့ ဒါပေမယ့်အသုံးကိုအဖြုန်းမဖြစ်စေနဲ.တဲ့” အဲလိုမျိုးထိထိရောက်ရောက်ကိုပြောလိုက်တာ။ တကယ်ကို ကျနော်ပိုက်ဆံမှာတိုင်း မညီးမညူ ပို.ပေးခဲ့ပါတယ်။
ကျောင်းပြီးတော့လည်းကျနော့ပုခုံးကိုဖတ်ပြီး “ငါ့သားကြီးအောင်မြင်ပါစေကွာတဲ့” အဲဒီစကားတစ်ခွန်းထဲနဲ.တင် ခွန်အားတွေအများကြီးဖြစ်စေခဲ့ပါတယ်။
ရပ်ဝေမြေခြားရောက်ပြန်တော့ အဖေဘာမှာမလဲဆိုတော့ “ကျန်းမာရေးဂရုစိုက်ပါကွာတဲ့” ။ ကဲ ကျနော့အဖေကအဲလိုဗျ ဒီနေ.တော့ အဖေများနေ.ပီပီ အဖေ့ကိုသတိတရနဲ. တခွန်းလောက်ပြောချင်တာက “ အဖေကျနော့ကို အရင်တုန်းကလိုပုံပြင်ပြောပြ……”လို.ပါ………………..

အဖေနေကောင်းဖို. စိတ်ချမ်းသာဖို. အဖေနေချင်တဲ့အေးချမ်းတဲ့ဘဝလေးကိုပိုင်ဆိုင်နိုင်ဖို. ဆုတောင်းပေးပါတယ်အဖေ…….

5 comments:

ေရႊျပည္သူ (ShwePyiThu) said...

ဟုတ္တယ္ကိုရြာသားေလးေရ... ကိုယ္တိုင္ ဘ၀အေမာေတြၾကားမွာ အလုပ္ရဲ႕ပင္ပန္းမႈေတြ ကိုယ္ေတြ႕ၾကံဳရမွ ကိုယ့္မိဘေတြ ကိုယ့္အတြက္ အခ်ိန္ေတြ အမ်ားႀကီးေပးခဲ့ပံုကို အ့ံၾသဘနန္းျဖစ္ရပါတယ္။ ဘာပဲေျပာေျပာ ကိုရြာသားေလးလိုသားအတြက္ ကိုရြာသားေလးအေဖက အျမဲဂုဏ္ယူေက်နပ္ေနမွာပါ။

Anonymous said...

အစ္ကို ့ အေဖက ေတာ္လိုက္တာ မိဘတိုင္းရဲ့ သားသမီးေပၚထားတဲ့ ေမတၱာကေတာ့ ပံုစံကြဲေပမယ့္ နုညံ့မႈေတာ့ တူတူပါပဲ အစ္ကို ့အေဖကေတာ့ အစ္ကို ့အတြက္ အျမဲ ဂုဏ္ယူေနမွာပါ ။

Mogok Thar said...

စာေလးဖတ္ျပီး အေဖ့ကို ပို သတိရလိုက္ထာ။
လာ.. ညီရာ...
ကိုယ္တို႔ရဲ႔ အေဖေတြ ပံုေျပာမျပႏိုင္ေအာင္ အိုမင္းတဲ့ါအခါမွာလဲ အေဖေတြရဲပ အိပ္ယာ၀င္ ပံုျပင္ကို ဒ႔ို အေဖမ်ား ျငိမ္းခ်မ္းစြာ အိပ္စက္နားႏိုင္ေအာင္ ေျပာျပႏိုင္ဖို႔ ၾကိဳးစားစို႔။

Unknown said...

အေဖအေၾကာင္းကုိ ႏူးညံ့သိမ့္ေမြ ့စြာေရးဖဲြ ့တတ္တဲ့ အေရးအသားေလးကုိသေဘာက်မိတယ္ ကုိယ့္အတြက္ေတာ့ အေဖဆုိတာ အႏွိဳင္းမဲ့ လုိ ့ေျပာရင္ လြန္မယ္မထင္ဘူး

ၾကည္ျဖဴပိုင္ said...

ေဖေဖနဲ႔ဆံုးမတာျခင္းတူတာက အသံုးနဲ႔အျဖဳန္းကိုခဲြျခားသိပါေစ...
အသံုးကိုလဲမႏွေျမာနဲ႔
အျဖဳန္းကိုလဲမျဖစ္ေစနဲ႔တဲ့