ပိတ္ပင္ထားျခင္း ခံရေသာ ပံုျပင္ျဖင့္

သူငယ္စဥ္ကတည္းက ပိတ္ပင္မွဳမ်ား စတင္ခဲ့သည္ဆို ပို၍ မွန္မည္။ ညေန ေမွာင္လာရင္ ေလမခြ်န္ရ၊ သစ္ပင္ၾကီးမ်ား ေအာက္တြင္ အေပါ့အပါးကုိ မတ္တပ္မသြားရ၊ အကၤ်ီကိုေျပာင္းျပန္မဝတ္ရ၊ ထမင္းလံုးကို တက္မနင္းရ၊ စားေသာက္စဥ္ ဇြန္းသံပန္းကန္သံ မျမည္ရ၊ ေစ်းဆိုင္အေရွ႕ ေက်ာေပး မထိုင္ရ၊ အခ်ိဳ႕ေသာ ေနရာမ်ားတြင္ ဆဲဆိုျခင္း မျပဳရ၊ ေျပာင္ျပက္ျခင္း လံုးဝမလုပ္ရ စသည္ျဖင့္ စည္းမ်ဥ္းစည္းကမ္းမ်ားျဖင့္ ၾကီးျပင္းလာရသည္။ အမည္းေရာင္ မဝတ္ရဆိုတုန္းကလည္း သူအတိုက္အခံ လုပ္ခဲ့ဖူးသည္။ ခိုက္တတ္သည္၊ နတ္ကိုင္လိမ့္မည္ ဆိုေသာ စကားလံုးမ်ားျဖင့္ သူ႕အားပိတ္ပင္ၾကျမဲ။ ထိုအထဲကမွ ပံုျပင္ အခ်ိဳ႕သည္ ပိတ္ပင္ျခင္းခံရသည္ဆိုေသာအခါ….

မေျပာေကာင္းဆိုေသာ စကားကို သူ႕ဘဝမွာ ခါးသက္ မုန္းတီးေနမိသည္။ ကေလး အရာလားဆိုေသာ ကန္႕ကြက္သံမ်ားကိုလည္း နားခါးလွသည္။ က်ေနာ္ လူၾကီးျဖစ္ျပီဟု သူေျပာခ်င္လွသည္။ ၾကံဳေတြ႕ရသမွ် အေၾကာင္းအရာမ်ိဳးစံုမွာ ေမးခြန္းေတြ တသီခ်ည္း ရွိတတ္ေသာ သူ႕အတြက္ အဆိုပါ ပိတ္ပင္ထားေသာ ပတ္ဝန္းက်င္ျဖင့္ မဆီေလ်ာ္။ ၁၈ႏွစ္ျပည့္လွ်င္ ရုပ္ရွင္ထဲကလို စာခ်ဳပ္အတိုင္း သူ႕အားေပးသိမည့္ အေၾကာင္းအရာမ်ား ရွိလာမည္ဟု သူေမွ်ာ္လင့္လွ်က္ ၾကီးျပင္းခဲ့သည္။ တကယ္က သူထင္သလို မဟုတ္ခဲ့။

ထို႕ထက္ဆိုးဝါးစြာ သူကိုယ္တိုင္ ပင္ ပံုျပင္တပုဒ္ကို မထင္မွတ္ပဲပိတ္ပင္ပစ္လိုက္မိသည္။ အဆိုပါ ပံုျပင္ကို သူကိုယ္တိုင္ပင္ အစျပဳဖန္ဆင္းသည္။ လြန္ခဲ့ေသာ ေျခာက္ႏွစ္ေက်ာ္ ခုႏွစ္ႏွစ္ နီးပါးက ျဖစ္ပင္မယ့္ ပံုျပင္ရဲ့ အေသးစိတ္တိုင္းကို သူမွတ္မိသည္။ အလြန္သာယာေသာ ေန႕တေန႕မွာ စိတ္လက္ေပါ့ပါး ၾကည္လင္စြာ ထိုပံုျပင္ကို အစျပဳရန္ သူေျခလွမ္းခဲ့သည္။ 

သူသည္ အစျပဳသူသက္သက္သာ ျဖစ္သည္။ ထို႕ထက္ပို၍ ဆက္ရန္ သူ႕မွာ ခြန္အားမရွိ။ သို႕ေသာ္ သူထိုပံုျပင္ကို ေနာေက်ေအာင္ အလြတ္ရသည္။ သူလိုခ်င္ေသာ ဇာတ္ေကာင္ ဇာတ္ကြက္မ်ားျဖင့္ သူဖန္ဆင္းထားသည္ မဟုတ္ေလာ။ ၾကားဖူးၾကမည္ ထင္သည္ ဇာတ္ေကာင္ကို ဇာတ္လမ္းဆရာက မႏိုင္ေတာ့ေသာ ဇာတ္လမ္းမ်ားအေၾကာင္းကို။ သူသည္ ထိုသို႕ေသာ ဇာတ္လမ္းဆရာတေယာက္ပင္။ ဇာတ္ေကာင္မ်ားကို သနားလာလိုက္ရင္း ထုိပံုျပင္ကို ပိတ္ပင္လိုစိတ္သာ ၾကီးစိုးလာေတာ့သည္။

အပ်က္ပ်က္ႏွင့္ ႏွာေခါင္းေသြးထြက္ဆုိေသာ စကားလံုးႏွင့္ သူသည္ လိုက္ဖက္လြန္းလွသည္။ ဇာတ္ေကာင္တေကာင္၏ တုန္႕ျပန္မွဳတခုကို (တကယ္က သူေမွ်ာ္လင့္ထားျပီးျဖစ္ေသာ္လည္း ဘယ္လို ရင္ဆိုင္မလဲဆိုတာ အဆင္သင့္မျဖစ္ခင္) သူရလိုက္ေသာ ေန႕တြင္ သူအသက္ရွဴရပ္မတတ္ ခံစားသြားရသည္။ လုပ္ေနလက္စ အလုပ္မ်ား၊ ေျပာလက္စ စကားမ်ား အားလံုးကို ေမ့ေလ်ာ့သြားေစခဲ့သည္။ သူ႕ဘဝတြင္ ထိုအၾကိမ္သည္ ပထမဆံုးပင္။ ဇာတ္လမ္းဆရာပီပီ သူက ဟန္ေဆာင္ေကာင္းခဲ့ျပန္သည္။ သူ႕တုန္လွဳပ္မွဳကို တဖက္လူမသိေအာင္ သူျပႏုိင္ခဲ့သည္။ သူေကာင္းေကာင္းသိေနသည္မွာ တဖက္လူက အဲ့ဒီတုန္လွဳပ္မွဳကို အငိုက္ဖမ္းလိုျခင္းဆိုတာပင္။ မွန္းခ်က္ႏွင့္ ႏွမ္းထြက္မကိုက္ေသာအခါ ဇာတ္ေကာင္က မသိမသာ ငုပ္လွ်ိဳးသြားခဲ့သည္။

သို႕ရာတြင္ ဇာတ္ေကာင္သည္ ေခတၱ ျငိမ္ေနျခင္းလည္း ျဖစ္ႏုိင္သည္။ ေရွ႕တိုးမည့္ ဆင္ ေနာက္တလွမ္းဆုတ္ေနျခင္းလည္း ျဖစ္ႏိုင္သည္။ သူကလည္း ျငိမ္ေနလိုက္သည္။ ဇာတ္ေကာင္သြားလိုေသာ အသြားေနာက္ကို ေအးျငိမ့္ညင္သာစြာ သူလိုက္ေနခဲ့သည္။ 

ထင္သည့္အတိုင္းပင္။ ဇာတ္ေကာင္မွာ မၾကာမတင္မွာပင္ တစခန္းျပန္ထလာခဲ့ျပီ။ ဇာတ္ေကာင္၏ လိုအပ္ခ်က္ကို သူေကာင္းေကာင္းသိပါသည္။ သို႕ရာတြင္ ဇာတ္လမ္းက ခင္းက်င္းႏွင့္ျပီးျဖစ္ေနသည္။ ဇာတ္ကြက္ကို အဆုိပါဇာတ္ေကာင္အတြက္ ခ်ိဳးခ်လိုက္ဖုိ႕ သူ႕လိပ္ျပာ မလံုပါ။ တျခား ထိခုိက္ နစ္နာမည့္သူ ကို သူစာနာရမည္။ သူ႕စိတ္ခ်မ္းသာမွဳ အတြက္ တျခားသူမ်ား၏ စိတ္ဆင္းရဲမွဳမ်ားကို သူမလဲလို။ လံုးလံုးပစ္ခြာလိုက္ရန္ မျဖစ္ႏုိင္ေသာ ဇာတ္ေကာင္ကို ပူးတံုခြာတံုျဖင့္သာ သူၾကည့္ေနရသည္။

သူတတ္ႏိုင္ေသာ နည္းလမ္းတခုကို သူ႕ငယ္ဘဝ အေတြ႕အၾကံဳျဖင့္ ေျဖရွင္းပစ္လိုက္သည္။ ထုိနည္းမွာ ပိတ္ပင္ပစ္လိုက္ျခင္းကလြဲ၍ တျခားမရွိ။ ဇာတ္ေကာင္မ်ားကို တျဖည္းျဖည္းႏွင့္ အနည္ထိုင္ေအးခဲသြားေစျခင္းျဖင့္ သူကိုယ္တုိင္ပဲ ေအးစက္ေမ့ေလ်ာ့သြားေစခဲ့သည္။ မည္သူ႕ကိုမွ ျပန္ေျပာျပမည္ မဟုတ္ေတာ့ေသာ ပံုျပင္တပုဒ္အျဖစ္ အတိတ္မွာ ထားရစ္ခဲ့သည္။ 

ထိုအခါတြင္ သူငယ္စဥ္ လူၾကီးမ်ား ပိတ္ပင္ခဲ့သည္ကို သြားသတိရသည္။ ငယ္ဘဝတုန္းက ပိတ္ပင္စရာ မရွိပဲ ပြင့္လင္းႏိုင္ခဲ့သေလာက္ ၾကီးျပင္းလာေသာအခါ စည္းမ်ားစြာျဖင့္ ခ်ည္ေႏွာင္လ်က္ ပိတ္ပင္စရာမ်ားစြာတို႕ကို သူေတြ႕လာရသည္။ သူ႕ကိုယ္သူၾကည့္ရင္း ပိတ္ပင္မွဳမ်ားကို မုန္းတီးသူျဖစ္လ်က္ သူကိုယ္တိုင္ကပင္ ပိတ္ပင္သူတေယာက္ျဖစ္မွန္းမသိ ျဖစ္လာေနသည္။ မွန္ထဲက အရိပ္ကို သူမဟုတ္သလို ျပန္ၾကည့္ေနမိသည္။ က်ေနာ္ လူၾကီးျဖစ္ျပီဟု ေျပာခ်င္သည့္ ကာလကို ျပန္ေတြးကာ ေနာင္တေတြ အေထြးလိုက္ရေနျပန္သည္။ အဲ့ဒီကာလကို မေရာက္ခဲ့ရင္ ငါဟာ ပံုျပင္ေတြကို လက္လြတ္စပယ္ ေျပာႏိုင္ဆိုႏုိင္ခြင့္ ရွိေနဦးမွာပါလားလို႕ ေတြးေစခဲ့သည္။

ငယ္ငယ္က ၾကားနားခဲ့ဖူးေသာ စဥ့္အိုးမ်ားအား သူ႕လွ်ိဳ႕၀ွက္ခ်က္မ်ား ဖြင့္အံေလ့ရွိေသာ ဘုရင္ၾကီးကဲ့သို႕ ဘယ္ေနရာမွာမွ လံုျခံဳမွဳ အျပည့္မရွိေသာေလာကကို အရွိအတိုင္းျမင္၍ ပိတ္ပင္ထားေသာ ပံုျပင္ကို မည္သူ႕ကိုမွ် ဘယ္အေၾကာင္းေၾကာင့္ျဖင့္ ေျပာျဖစ္ေတာ့မည္ မဟုတ္ေတာ့။ 

အဆိုပါ ပိတ္ပင္ထားျခင္း ခံရေသာ ပံုျပင္ႏွင့္ သူသည္ ရာသက္ပန္ မိတ္ေဆြျပဳကာ သူသြားရာ ေနာက္သို႕ အပါေခၚေဆာင္သြားေတာ့မည္ပင္ျဖစ္သည္။ ၾကားနာျခင္း မရွိလိုက္ရသူတို႕သည္လည္း ဝမ္းနည္းျခင္း မရွိၾကေလကုန္။ သူ႕ရင္ကိုခြဲသည့္တုိင္ မည္သို႕မွ် ျမင္ရမည္ မဟုတ္ေသာ ပံုျပင္တပုဒ္ကို အေႏွးနဲ႕ အျမန္ ေမ့လိုက္ၾကရံုသာ ရွိေတာ့သည္ မဟုတ္ပါလား။

ျမန္မာစာသတ္ပံုႏွင့္ ေခတ္လူငယ္တို႕

ျမန္မာစာကုိ စသင္သည္မွာ သူငယ္တန္းမွပင္ျဖစ္သည္။ ကၾကီးေရးက ကေန အ, အေမ တို႕တိုင္းျပည္ အထိ။ အ,အေမ တို႕တုိင္းျပည္ ငါတို႕ခ်စ္တဲ့ေျမ ဆိုခဲ့သည္မွာ ၾကာျပီ။ ခ်စ္သည္ဆိုသည္မွာ အမ်ိဳးကိုခ်စ္ေသာ ၀ံသာႏုရကၡိတ တရားျဖင့္ ယွဥ္ရာ၏။ အမ်ိဳးကိုေစာင့္ေရွာက္ျခင္း၊ စာေပယဥ္ေက်းမွဳကို ေစာင့္ေရွာက္ျခင္းျဖင့္ က်ေနာ္တုိ႕ လူမ်ိဳးကို မေပ်ာက္ပ်က္ေစျခင္းငွာ လူတိုင္းမွာပင္ တာ၀န္ရွိသည္။ ေခတ္လူငယ္တို႕ဆိုသည္မွာ လူၾကီးတို႕၏ တာ၀န္မ်ားကို ပုခံုးေျပာင္းယူရစျမဲ ျဖစ္ရာ အမ်ိဳးကိုေစာင့္ေရွာက္ေသာ လူငယ္မ်ား သာပင္ ျဖစ္သင့္သည္ မဟုတ္ေလာ။


အကၡရာကူးေျပာင္းပံုမွ စ၍ က်ေနာ္တို႕ ေလ့လာမွတ္သားဖူးျပီးျဖစ္သည္။ ျမန္မာစာသည္ သူ႕ေနရာ သူ႕စည္း သူ႕ကမ္းႏွင့္ပင္ရွိပါသည္။ တျခားဘာသာစကားမ်ားျဖင့္ ႏွိဳင္းယွဥ္လွ်င္ စကားလံုးၾကြယ္ပိုးၾကြယ္၀ႏိုင္ျခင္းကပင္ အေတာ္ေလး အားသာလွသည္။ သတ္ပံုသတ္ရာမ်ားကိုလည္း ေရွးလူတို႕ ျပဌာန္းထားၾကသည္။ ျမန္မာသဒၵါကိုလည္း ပဥၥမတန္းမွ စ၍ပင္ သင္ၾကားခဲ့ရသည္။ နာမ္ျဖစ္သည္ ၾကိယာျဖစ္သည္ နာမ၀ိေသသနျဖစ္သည္မွအစ ပုဒ္အထားအသို အဆံုး သင္ခဲ့ဖူးသည္။

သို႕ပါေသာ္လည္း လမ္းလြယ္၍လား၊ သင္ၾကားမွဳစနစ္မ်ားေၾကာင့္လား ေခတ္လူငယ္တို႕၏ သတ္ပံုမ်ားမွာ မွားသည္ထက္မွားေနသည္ကို ေတြ႕ေနရသည္။ အသို႕ဆိုလွ်င္ က်ေနာ္ေကာ မမွားဘူးလားလို႕ ေမးစရာရွိပါသည္။ က်ေနာ္လည္း မွားပါသည္ မွားတတ္၍ ပိုမမွားေအာင္ ဂရုစိုက္ရင္း အမွားနည္းဖို႕ အားထုတ္ေနပါသည္ဟု ေျဖလိုသည္။ ဆရာၾကီးလုပ္ခ်င္၍လည္းေကာင္း၊ လူေပၚလူေဇာ္ လုပ္ခ်င္၍လည္းေကာင္း ေရးျခင္း မဟုတ္ေၾကာင္းသိေစလိုသည္။

အမ်ားအားျဖင့္ တသတ္ႏွင့္ ကသတ္ အသံုးကို မကြဲသူမ်ား ေတြ႕ရဖန္မ်ားလာေသာအခါ ယခုစာကို ေရးမိသည္။ ေက်ာင္းတက္ ႏွင့္ ေက်ာင္းတတ္၊ စာတက္ႏွင့္ စာတတ္၊ စာဖတ္ႏွင့္ စာဖက္ အသံသာတူ၍ စာလံုးေပါင္း မတူေၾကာင္းကို သတိမမူမိေသာ ေခတ္လူငယ္တို႕ကို ျပဳျပင္ေစလိုပါသည္။ တက္ကို အျမင့္တက္ေသာ ေနရာမ်ိဳးမွာ သံုး၍၊ တတ္ကို တတ္ေျမာက္ျခင္းဆိုေသာ ေနရာမ်ိဳးမွာ သံုးပါသည္။

အျခားေသာ သတ္ပံုအမွားမ်ား၊ ပုဒ္အထားအသို အမွားမ်ားကိုလည္း ေတြ႕ေနဆဲျဖစ္သည္။ အမွားမ်ားကို ျမင္ဖန္မ်ားလာေသာ အခါ အမွန္ထင္ျပီး ေနာက္ပိုင္း အမွန္ေတြ အမွားျဖစ္လာမွာကို ေၾကာက္ပါသည္။ အမွားကို သိသူသည္ အမွန္ျပင္ဖို႕၊ အမွားကိုျမင္လွ်က္ ေထာက္ျပေပးရဲသူမ်ားျဖစ္ဖုိ႕ က်ေနာ္တို႕ လိုအပ္ေနသည္။

ျမန္မာျပည္ခ်စ္ေၾကာင္းကို Facebook ေပၚမွာ စာတေၾကာင္း ခ်ေရးမယ့္အစား၊ ထုတ္ေဖာ္ေျပာျပစရာ မလိုပဲ တကယ့္ ရင္ထဲက ခ်စ္ျခင္းေမတၱာကို တည္ေဆာက္ဖို႕လိုပါသည္။ အမ်ိဳးကိုခ်စ္သူ အမ်ိဳးကို ေစာင့္ထိန္းသူ ေခတ္လူငယ္မ်ား တုိးတက္မ်ားျပားေစျခင္းငွာ ဒီစာျဖင့္ ႏွိဳးေဆာ္လိုက္ရပါေတာ့သည္။

သတ္ပံုမ်ားအေၾကာင္း လိုက္ရွာေသာအခါ စိတ္၀င္စားစရာ စာေလးတပုဒ္ကိုေတြ႕ခဲ့ရပါသည္။ ေအာက္မွာ မူရင္းလင့္နဲ႕တကြ က်ေနာ္ ေဖာ္ျပေပးထားပါတယ္။ အားလံုးပဲ ျမန္မာမွန္ၾကပါေစ…

မမွားေစလို သတ္ပံုကို ရြတ္ဆို မွတ္သားလိုက္နာမည္

- ဂ ငယ္သံပါ က႐ုဏာ ကႀကီး နဲ႔ပဲ ေရးရသည္။

- သစ္ပင္ ခ်ဳံႏြယ္၊ ခ်င့္ခ်ိန္တြယ္၊ ခ်ီးက်ဴးကိုလည္း ပင့္ရသည္။

- ေစာင္ျခံဳေကြးတယ္၊ ျခယ္မႈန္းတယ္၊ ျခယ္လွယ္ကိုလည္း ရစ္ရသည္။

- င ရရစ္မွာ ဟထိုးမပါ၊ ရန္ၿငိဳးတစ္ေခ်ာင္းငင္ ေရးရသည္။

- မၾကာမီမွာ ဟထိုးမပါ၊ မွီခိုမွာေတာ့ ေရးရသည္။

- မ ရရစ္မွာ ဟထုိးမပါ၊ မွ်ားကို ျမားလို႔ ေရးရသည္။

- ေလျပည္ညင္းမွာ ဟထိုးမပါ ေျပကို ျပည္လို႔ ေရးရသည္။

- ညည္းညဴ ညည္းတြား အေရးအသား ညမ်ားနဲ႔ပဲ ေရးရသည္။

- ေယာက်္ား ေရးရာ ငသတ္မပါ ကႀကီးမွာပဲ အသတ္တင္သည္။

- ပစ္လႊတ္၊ ပစ္ခြာ၊ အမႈိက္ပစ္ရာ၊ ရ ရစ္မပါဘဲ ေရးရသည္။

- ဟထိုး ဘယ္မွာ တစ္ေခ်ာင္းငင္ညာ လွည့္ကာဆြဲလို႔ ေရးရသည္။

- အဆို အမွာ ေနာက္၀ွိက္မွာ အဆံနဲ႔လည္း ေရးရသည္။

- ရ ဆို အဆံနဲ႔ပဲ ရစ္ကာဆြဲ ရႏွင့္ ၇ (ခုႏွစ္) ကြဲရမည္။

- ‘မ’ ပါလွ်င္ ဘဲ၊ မပါပဲ၊ ပဲႏွင့္ဘဲတို႔ ကြဲျပားသည္။

- လူအခ်င္းခ်င္း ခ်စ္ခင္ျခင္း၊ ခ်င္းႏွင့္ျခင္း တို႔ ကြဲျပားသည္။

- ေတာေတာင္ စိမ္းလန္း၊ စိတ္စြဲလမ္း၊ စိမ္းလန္း စြဲလမ္း ကြဲျပားသည္။

- တသတ္ ကသတ္၊ ထိုႏွစ္ရပ္၊ ပညာတတ္မွာ ေရာတတ္သည္။

- အေပၚကုိတက္၊ တတ္ေျမာက္လ်က္၊ တက္ႏွင့္ တတ္တို႔ ကြဲပါသည္။

- ေဒါသ သိမ္းဆည္း၊ အမ်က္မႀကီး၊ သည္းခံကိုလည္း ‘ည’ သတ္သည္။

- င ရရစ္မွာ ေၾကာ္ျငာလာ၊ ညနဲ႔ေရးေတာ့ သတင္းေၾကညာ။

- ေက်းငွက္တြန္က်ဴး၊ ယပင့္က်ဴး၊ လြန္ၾကဴးကိုေတာ့ ရရစ္သည္။

– အက်ဴိးရလာဒ္ ‘ဒ’ ေဒြးသတ္၊ ဆုလာဘ္ကိုေတာ့ ‘ဘ’ သတ္သည္။

- ဂဏန္းေရတြက္ ‘စ’ သတ္ထည့္ တစ္ ႏွစ္ တ လည္း ကြဲပါသည္။

- ေရးေတာ့အမွန္ ဖတ္အသံ ျမန္မာမွန္က သိရမည္။

အထက္ပါ ကဗ်ာရဲ့ မူရင္းလင့္ပါ https://mandalaygazette.com/135694

လွ်ိဳ႕ဝွက္ေသာရဲတိုက္

  
တကယ့်ကို စိတ်ဝင်စားမှုတွေနဲ့ အတိပြီးတဲ့ ရဲတိုက်တခုပါ။ ဒီရဲတိုက်ရဲ့ သမိုင်းကြောင်းတွေကိုက ပါးစပ်ရာဇဝင်တွေနဲ့အတူ အမှန်တရားဟာ ဘယ်ဟာဖြစ်မလဲလို့ ဆုံးဖြတ်ရခက်စေခဲ့တယ်။ နောက်တခုဖြစ်နိုင်တာတော့ ဒီရဲတိုက်ကို လူတွေစိတ်ဝင်စားလာအောင် တစုံတယောက်က ပြုလုပ်နေတာလည်း ဖြစ်နိုင်ပါသေးတယ်။

ဒီရဲတိုက်ကို သူ့ဇနီးအတွက် ဆောက်ခဲ့တာလို့လည်း ပြောကြတယ်။ အိန္ဒိယက တပ်ဂျ်မဟာလိုမျိုး သူ့ရဲ့အချစ်တွေ သက်သေပြဖို့လို့ဆိုတယ်။ အင်္ဂလန်က ဇနီးကို မလေးရှားကို စွဲဆောင်ခေါ်ယူဖို့ ဆောက်လုပ်တာလည်း ဖြစ်နိုင်တယ်။ ဘာလို့လည်းဆိုတော့ အဲ့ဒီရဲတိုက်ကကြီးကျယ်ခမ်းနားပြီး  ပြီးပြည့်စုံလွန်းနေလို့ပါပဲ။



နောက်ထပ် ယူဆစရာတခုကတော့ သူ့သားအန်ထော်နီအတွက်တဲ့။ ကြွယ်ဝချမ်းသာသူလုပ်ငန်းရှင် တယောက်အဖို့ သူရဲ့အရိုက်အရာကို ခံယူမယ့် သားတယောက် ပြင်းပြစွာ လိုချင်နေခဲ့မှာပါပဲ။ သူတို့ရဲ့ သမီးဦး ဟယ်လင်ရှိပေမယ့် သားယောကျ်ားလေးကိုပဲ လိုချင်နေခဲ့တာ သူ့ရဲ့ရာဘာလုပ်ငန်းခွင်အတွက် အဓိကဖြစ်မှာ။ သားဆုပန်ဖို့ ဟိန္ဒူဘုရားကျောင်းတခုကိုပါ တည်ထားကိုးကွယ်ခဲ့တဲ့အထိ သူ့မှာ ပြင်းပြနေခဲ့လိုက်တာ။ သူ့အပေါ်မှာ လက်အောက်ခံ အိန္ဒိယလုပ်သားတွေရဲ့ ချစ်ကြည်လွှမ်းမိုးမှုကိုလည်း အဲ့ဒီရဲတိုက်ရဲ့ ဗိသုကာလက်ရာကိုကြည့်ရင် အထင်သားမြင်နိုင်တယ်။ သားလေးအတွက် ရည်ရွယ်ဆောက်လုပ်ခဲ့တာလို့လည်း ယနေ့ထိ ပြောလို့မဆုံးတဲ့ ရဲတိုက်။


ရဲတိုက်တည်နေရာက ကုန်းမြေမြင့်၊ စမ်းချောင်းလေးက ရစ်ခွေသိုင်းဖွဲ့လို့၊ လမ်းကလည်းသာပါရဲ့။ လက်ရာမှာတော့ အိန္ဒိယ အငွေ့အသက်တွေနဲ့ လွှမ်းခြုံလို့။ ပြတင်းပေါက်ဘောင်တွေ၊ နံရံပေါ်က ပန်းကပ်ပန်းနွယ်ကနုတ်ပန်းတွေကအစ။ အဆောင်ဆောင် အခန်းခန်းတွေနဲ့ဧည့်သည်တွေအတွက် အခန်းတွေ၊ ထမင်းစားခန်း၊ စာကြည့်ခန်း၊ အိပ်ရာအသုံးအဆောင်တွေ ထားသိုရာအခန်း၊ ဝိုင်အရက်အတွက် မြေအောက်ခန်းတွေကအစ စေ့စပ်သေချာတဲ့ ဆောက်လုပ်ခြင်းပါ။ ပိုပြီးဖြည့်စွက်ထားတာက အခန်းတိုင်းမှာ ရှိတဲ့ အရေးပေါ်လှေခါးတွေ၊ ထူးဆန်းလွန်းလှတဲ့ မြေအောက်ဥမင်လှိုဏ်ခေါင်းတွေနဲ့။ ဒီ့ထက်ပိုပြည့်စုံသွားတာက ဓါတ်လှေခါးတပ်ဆင်ထားမှုပါပဲ။ အဲ့ဒီ ခေတ်ကာလ ၁၉ရာစုမှာဓါတ်လှေခါးတပ်ဆင်ဖို့လောက်အထိ ခေတ်မှီလွန်းတဲ့ စိတ်ကူးကိုသူမို့ ရတတ်ပါပေတယ်။
 
ကောင်းလွန်းသွားလို့ပေလား၊ ကျိန်စာများ ရှိသလား မဆိုတတ်နိုင်ဘူး။ ဆောက်နေတုန်းတန်းလန်းမှာပဲ လုပ်ငန်းခွင်ထဲက အလုပ်သမားတွေ ဖျားနာကြတယ်။ စစ်ကြီးနဲ့အတူ ကပ်ဘေးဆိုက်တယ်လို့လည်း ဆိုနိုင်မလား။ ဝန်ထမ်းကောင်းများစွာကို သူလက်လွတ်ဆုံးရှုံးလိုက်ရတော့တာပါပဲ။ နောက်ဆုံးမှာ ဆောက်လက်စကနေရပ်တန့်ဆဲ ရဲတိုက်ကြီးကို အဆုံးသတ်မသွားနိုင်သူကလည်း သူကိုယ်တိုင်ပဲဖြစ်နေခဲ့ပြန်တယ်။ ဘာဖြစ်လို့လည်းဆိုတော့ အင်္ဂလန်ကို ခဏပြန်သွားတဲ့ ခရီးမှာ သူဟာ သူ့ရဲ့ ဆောက်လက်စ ရဲတိုက်ကို ဘယ်တော့ မှ ပြန်ရောက်မလာတော့လို့ပါပဲ။ ဟုတ်ပါတယ် နမိုးနီးယားရောဂါနဲ့အတူ သူသေဆုံးသွားခဲ့တယ်။



ဒါပေမယ့် သူဟာ ရဲတိုက်ကြီးရဲ့ ဒုတိယအထပ် ဝရန်တာမှာ ယနေ့ထက်ထိ အမြဲလမ်းလျှောက်နေလေ့ရှိတယ်လို့ တွေ့မြင်ကြသူမြို့ခံတချို့ကြားမှာ ရေပန်းစားလျှက်ရှိပါတယ်။ စိတ်အားထက်သန်စွာ သူဆောက်လုပ်နေတဲ့ ရဲတိုက်ကြီးမပြီးဆုံးခင် သေဆုံးသွားတဲ့အတွက် ဗုဒ္ဓဘာသာ အယူအဆအရဆိုရင် ကျွတ်လွတ်သေးဟန် မတူဘူးထင်ပါရဲ့။
 
နောက်ထပ်ထူးဆန်းတာ တခုက သမီးဟယ်လင်။ ဟယ်လင်ရဲ့ အကြောင်းကို ဘယ်နေရာမှာမှ ဖတ်ယူလေ့လာလို့ မရသေးပါဘူး။ ရဲတိုက်ကြီးတခုလုံးမှာ ဟင်လင်ရဲ့ အခန်းပဲ ပြီးလုနီးနီးရှိတာ။ အဖြူရောင် အခန်းလေးထဲက ဟယ်လင့်ကို သူဝတ်နေကျဂါဝန်လေးနဲ့ ပြတင်းပေါက်မှာ ရပ်နေတတ်တယ်လို့ လူအများက မြင်ဖူးကြတယ်။ ဟယ်လင် ဘာတွေဖြစ်ခဲ့သလဲ။ အသက်ခြောက်နှစ်အရွယ် မိန်းမငယ်လေးအဖြစ်နဲ့ပဲ ဟယ်လင် သေဆုံးခဲ့သလား ဆိုတာ အခုအချိန်ထိ ဒွိဟဖြစ်နေဆဲပါပဲ။
 
ရဲတိုက်ကြီးက မပြီးသေးပါဘူး။ ပြီးသလောက်နေရာကနေ ခမ်းနားမှုကို အတိုင်းသား မြင်နေရရင် အပြီးများသတ်ခဲ့ရင်ဆိုတဲ့ အတွေးနဲ့ အလည်ရောက်လာသူအားလုံးကို ဖမ်းစားနေတုန်းပါပဲ။ ပါးစပ်ရာဇဝင်တွေပဲ ဖြစ်ဖြစ်၊ တကယ့်ဖြစ်ရပ်မှန်တွေပဲ ဖြစ်ဖြစ်၊ လုပ်ကြံဇာတ်လမ်းတွေပဲ ဖြစ်ဖြစ်၊ ဗိသုကာအနုပညာများနဲ့ ဒီရဲတိုက်ကတော့ ယနေ့ထက်တိုင် မပြီးဆုံးသေးတဲ့ ပုံပြင်ထဲမှာ ကျကျန်ရစ်ခဲ့တယ်...

စာမ်က္ႏွာ

ဒီေန႕တေန႕လံုး က်ေနာ္ စာအုပ္တအုပ္ကို သည္းၾကီးမည္းၾကီးဖတ္ေနခဲ့တယ္။ မိုးကလည္း ေအးတာမို႕ ေကာ္ဖီတခြက္ရယ္ စာအုပ္တအုပ္ရယ္က ရာသီစာ။ ဖတ္တာ ဖတ္ေနတာ စာအုပ္ထဲက စာေတြက ေဝးသြားလိုက္ နီးသြားလိုက္။ အေၾကာင္းအရာေတြက ေပ်ာ္ရလိုက္ ငိုရလိုက္။ ခက္တာက စာအုပ္မွာ အဆံုးသတ္မပါေသးတာ..

အစကေတာ့ ယဥ္သကို လိုပါ။ စာအုပ္ေတြရ့ဲ က်င့္ဝတ္ေအာက္မွာ ပိျပားလို႕။ တခ်ိဳ႕စာမ်က္ႏွာေတြက အထပ္ထပ္ ျပန္ဖတ္ထားလို႕ ညစ္ပတ္ေပတြန္႕ေနသလို။ တခ်ိဳ႕ေနရာေတြမွာက် မ်က္ရည္ေတြဖိတ္စင္ထားခဲ့ဖူးသလိုလုိ ေရစိုတဲ့စာရြက္ ျပန္ေျခာက္ေပမယ့္ ေကာ့ေနတဲ့ပံု။ တေနရာမ်ားဆို ဆုတ္ျဖဲထားခ်င္သလို ျဖစ္ေနတဲ့ပံုနဲ႕ ေၾကမြလို႕။ ဘာပဲျဖစ္ျဖစ္ ဒီစာအုပ္ကို က်ေနာ္ဖတ္ေနျဖစ္ခဲ့တယ္။

ဇာတ္လမ္းဇာတ္ေကာင္ေတြကို က်ေနာ္ေတြးမိတဲ့အခါ ရုပ္ရွင္ပိတ္ကားတခုလို ျမင္ေယာင္တယ္။ အသံေတြကိုပါ နားထဲက ၾကားေယာင္ၾကည့္တယ္။ စိတ္လွဳပ္ရွားစရာ ေကာင္းတဲ့ အခိုက္အတန္႕ဆို က်ေနာ့လက္ႏွစ္ဖက္ကိုပါ အမွတ္တမဲ့ ဆုပ္ကိုင္ေနလွ်က္။ စာအုပ္တခုထဲမွာ ေပ်ာ္စရာ ငိုစရာေတြ တင္မဟုတ္ပဲ စိတ္လွဳပ္ရွားစရာ ထိတ္လန္႕စရာေတြလည္း ပါစျမဲပဲမဟုတ္လား။ အထူးသျဖင့္ က်ေနာ္ ဖတ္ေနမိတဲ့ စာအုပ္ဆိုပါေတာ့.

စာတပုဒ္ရဲ့ ဂုဏ္နဲ႕လိုက္ေအာင္ အေကာင္းအဆိုး အခ်ိဳအခါးေတြကိုပါ ထည့္သြင္းထားတယ္။ စာဖတ္တဲ့ေနရာမွာ ေက်ာ္ဖတ္လို႕ ရေပမယ့္ က်ေနာ္ စာရြက္ေတြကို ေက်ာ္မဖတ္ခဲ့ဘူး။ ဝါက်တေၾကာင္းျခင္းရဲ့ ေနာက္ကို က်ေနာ္ လိုက္ေနမိတယ္။ စာမ်က္ႏွာတခ်ိဳ႕ဟာ မွားယြင္းျခင္းဆိုတဲ့ အရာကို ေထာက္ျပေနတယ္။ ဒီစာအုပ္ကို ဟိုအရင္တခ်ိန္ဖတ္ခဲ့တုန္းက မွားတယ္လို႕ မသတ္မွတ္ေပမယ့္ ေနာက္တေခါက္ဖတ္တဲ့အခါ က်ေနာ္ျမင္တဲ့ ရွဳေဒါင့္ေၾကာင့္ေသာ္လည္းေကာင္း၊ က်ေနာ္ေက်ာ္ျဖတ္မိတဲ့ အေတြ႕အၾကံဳတခုေၾကာင့္ေသာ္လည္းေကာင္း အျမင္ေျပာင္းလဲေစခဲ့တယ္။ သတ္ပံုမွားတဲ့ စာပိုဒ္ေတြ၊ သဒၵါမမွန္တဲ့ စာပိုဒ္ေတြကို ျမင္တဲ့အခါ ေရွ႕ဖတ္ရမယ့္ စာေတြအတြက္ ရင္ေလးလာမိတယ္။ ဒီေနရာေလး အခ်ိဳးေလးေျပာင္းေရးရင္ အေတာ္ေလးေကာင္းမွာလုိ႕ ေတြးမိေပမယ့္ ဒီစာကို က်ေနာ္ျပင္ခြင့္ မရွိပါ။ က်ေနာ္သည္ ဖတ္ရွဳရမည့္ သူသက္သက္သာ။ က်ေနာ့အတြက္ေပးထားတဲ့အခြင့္က Read only။

က်ေနာ့အက်င့္အတိုင္း စာအုပ္ထဲက ေပ်ာ္ရႊင္စရာေတြ ဖတ္ရတဲ့အခါ အျပင္ဘက္မွာပါ တခ်က္တခ်က္ ရီမိတယ္။ အိမ္မွာစာအုပ္ဖတ္ရင္ ေမက နင္ရူးေနသလား တေယာက္တည္း ရီလိုက္ေမာလုိက္လုပ္ေနတယ္လုိ႕ ေျပာေနၾက။ ကိုထီးသီခ်င္းထဲကလို တခါငိုဖူးရင္ တခါမက ျပံဳးခဲ့ဖူးတာကို မင္းမေမ့လိုက္နဲ႕ဦးဆိုတာ ကိုေျပးျမင္မိတယ္။ ဟုတ္တယ္ေလ က်ေနာ္တို႕ဆီမွာ ငိုျခင္းရီျခင္းေတြက တသမတ္တည္း ျဖစ္ေပၚေနတတ္တာမ်ိဳးမွ မဟုတ္တာ။ ရီတခါ ငိုတလွည့္ ေမွာင္တခါ လင္းတလွည့္နဲ႕ ကမာၻၾကီး ပတ္ခ်ာလည္ျခင္းပဲေပါ့။ အဲ့ဒါ သံသရာတဲ့..

စာအုပ္ထက္ဝက္ မက်ိဳးခင္မွာ က်ေနာ္ငိုင္ဆင္းသြားျပီ။ ဒီအပိုင္းမွာ အေမွာင္ပိုင္းေတြ ျပည့္ႏွက္လာ။ လူ႕စရိုက္ေတြကို ပီျပင္ေအာင္ ေရးဖြဲ႕ထားတာမို႕ အတၱဆိုတဲ့ အရာေတြကို ျပက္ျပက္ထင္ထင္ ျမင္ရတဲ့အခါ စိတ္ႏွလံုးကို တလွပ္လွပ္ေနေအာင္ ေျခာက္လွန္႕လို႕။ တေယာက္နဲ႕တေယာက္ဆိုတဲ့ အရာေတြရဲ့ အေရွ႕မ်က္ႏွာစာ ကခုန္မွဳေတြနဲ႕အတူ ေနာက္မွာ မျမင္သာတဲ့အရိပ္ေတြက ယိမ္းထိုး။ ဟဲ့ ဟိုမွာ ဓါးနဲ႕ထိုးေတာ့မယ္ လုိ႕ ႏွဳတ္က မရြတ္မိ,ခင္ေလး ေဟာ ဇာတ္ေကာင္တေကာင္ေတာ့ ကိစၥေခ်ာရွာျပီ။ ငါနဲ႕ငါသာ ႏွိဳင္းစရာဆိုတဲ့ စိတ္ေတြကို လိုက္ဖတ္ၾကည့္မိရင္း ဟိုးမိုးေကာင္းကင္တခုလံုး မည္းေမွာင္ေလးလံပိန္းပိတ္လို႕။

စာပိုဒ္ေတြမွာလည္း ပုဒ္ထီးနဲ႕ ပုဒ္မ မွားခ်ထားသလား ေအာက္ေမ့ရတယ္။ အျမန္အဆံုးသတ္ခ်င္လို႕ ပုဒ္မ ကမန္းကတမ္း ခ်ထားတာမ်ိဳးဆို ဖတ္ရသူမွာလည္း တကယ့္ကို ကမူးရွဴးထိုးႏိုင္လွတယ္။ အရမ္းဆြဲဆန္႕ခ်င္တဲ့ အပိုင္းမ်ိဳးက် ပုဒ္ထီးေလးေတြ မတန္တဆသံုးျပီး ပြတ္ကာသီကာနဲ႕။ စာတေၾကာင္းတည္းကေန စာပိုဒ္တခုလံုးဖြဲ႕မလား ထင္ရေအာင္ စကားဆက္ေတြနဲ႕ သိုင္းဝိုင္း။

စာမ်က္ႏွာ တခ်ိဳ႕မွာ စာေတြက မွဳန္ဝါးေဝသီလို႕။ စာလံုးေတြကို ထင္ထင္ရိုက္ပါလုိ႕ ေဘးနားမွာ ေတးထားတယ္။ စိတ္ဝင္တစား ရွိေနတုန္းမွာ စာရြက္ကပ္ေနတာ၊ ရြက္ေက်ာ္သြားတာမ်ိဳးဆို ဖတ္ရသူအတြက္ အေတာ္ေလး ကသိကေအာင့္ျဖစ္ပါတယ္။ ေတာ္ပါေသးတယ္ ဒီစာအုပ္မွာ ဖတ္မိသေလာက္ ခုထိေတာ့ ရြက္ေက်ာ္ တခုမွ မပါေသးဘူး။

အေတြ႕အၾကံဳ စြန္႕စားခန္း ဆိုတဲ့ အစိတ္အပိုင္းကို ဖတ္ရတဲ့အခါမ်ားမေတာ့  ငါ့တုန္းက ဘယ္လို ျဖတ္ေက်ာ္ခဲ့တာ၊ ငါသာဆုိ ဘယ္လိုေလး လုပ္လိုက္မွာပဲလုိ႕ ယွဥ္ေတြးေလး ေတြးေနမိတယ္။ အားမလိုအားမရ မခ်င့္မရဲ ျဖစ္ေနရတာလည္း ပါရဲ့။ ေဘာလံုးပြဲကို ေဘးနားက ၾကည့္သူတေယာက္ လက္သီးလက္ေမာင္းတန္းျပီး ဟိုလို လုပ္လိုက္ ဒီလို ကန္လိုက္ ေဝဖန္အၾကံေပးတတ္ေပမယ့္ ကြင္းထဲ ခ်ၾကည့္ အေမာင္ေတာင္မွန္းေျမာက္မွန္း မသိျဖစ္မယ္ဆုိတာ က်ေနာ့လို လူမ်ိဳးကိုေျပာတာပါ။

ေကာ္ဖီေတြလည္း ေအးစက္ေနခဲ့ျပီ။ စာမ်က္ႏွာ ကုန္လုနီးပါေပါ့။ ထံုးစံအတိုင္း အခန္းဆက္ဝတၳဳရွည္ကို ေစာင့္ဖတ္ရတာမ်ိဳးဆို က်ေနာ္က စိတ္လက္သိပ္မရွည္ခ်င္။ ဇာတ္သိမ္းခန္းက က်ေနာ္ လိုခ်င္သလို ျဖစ္ပါ့မလားရယ္လည္း စိတ္ေစာေနမိျပန္။ အင္း စာမ်က္ႏွာ တရြက္ေတာ့ လွန္ရျပန္ေပမေပါ့….

နံရံၾကားက ျမျခဴသံ

မြို့နာမည်ကိုက နံရံတွေနဲ့မြို့ဖြစ်နေခဲ့သည်။  ပတ်ပတ်လည် အရပ်တိုင်းမှာ ကြီးမားမြင့်မားလှတဲ့ နံရံတွေကြောင့် ဖြစ်မည်။ ဟိုးရှေးယခင်က အတော်ပင် စည်ကားသည့်မြို့တော်။ ထူးခြားသည်က ရောက်သည့်နေ့မှစပြီး ကြားနေရသည့် မြခြူသံ။ စည်းချက်နဲ့ အညီ နားမှာ ကပ်ငြိနေသည် မြခြူသံများ…

ဆာရီလှလှ လေးနဲ့ မိန်းမပျိုတွေ့တိုင်း သတိထားကြည့်မိသည်က ခြေထောက်ကိုပင်။ ဘယ်သူ့ခြေထောက်မှာမှ ခြူတို့ အလျဉ်း တပ်ဆင်ခြင်းမရှိကြ။ လက်ကောက်တတောင်ဆစ် ဖုံးအောင်ဝတ်ထားသည်သာ ရှိမည်။ အဆိုပါ မြခြူသံသည် မည်သည့်အရပ်က ထွက်ပေါ်လာသနည်း။ ရောက်စ ညက အိပ်မရမယ့် အတူတူ မထူးဘူးဆိုပြီး ထိုင်စဉ်းစားနေမိသည်။

နာကျင်ဆွတ်ပျံ့ဖွယ်ကောင်းသော အတိတ်သည် အတိတ်ပဲ ဖြစ်သင့်သည် မဟုတ်ပါလား။ စိတ်နှလုံးမှာ တွယ်တာ မက်မောနေဖို့မကောင်း။ အမှန်က နားမှာ ကြားနေရသည်ထက် မသိသည့် အာရုံမှာ ခံစားနေရသည်က ပိုသည်။ ဒဏ္ဍာရီပုံပြင်တို့ကို မိန်းမူးတမ်းမက် ခဲ့သည့် ကျနော့အတွက် တကယ့်ကို မလွယ်။ ပုံပြင်ထဲက ဇာတ်ကောင်တွေကို အသက်သွင်း ချင်စိတ်က အခုထက်ထိ ရှိနေဆဲ။

အုတ်နံရံတွေကို မြင်တိုင်း နားထဲမှာ အစဉ်တစိုက် ကြားယောင်နေတာက မြခြူသံနဲ့ သူ့ရဲ့ သနားစဖွယ် အသံ။ သဘင်သည်ဖက်ခွက်စားနဲ့ အရှင့်သား၊ အနူလက်ရယ် ရွှေခွက်ကိုမှ အားမနာဆိုတဲ့ ရှေးခေတ်က သမရိုးကျ အချစ်ဇာတ်လမ်း။ ဒီဇာတ်လမ်းမှာတော့ ပုံမှန်ထက်ပိုနေခဲ့သည်။ ဇာတ်သိမ်းက အထိနာသည့်ဖြစ်ခြင်း။ ကြားလိုက်သည့် ညကစ၍ပင် သနားစိတ်တွေဝင်ပြီး အခုချိန်မှာ မြခြူသံတွေ ထွက်ပေါ်လာတဲ့အထိ စွဲလမ်းနေမိခဲ့တာ။

သူမနာမည်က အန်နကာလီ။ သလဲသီးမှည့်လေးလို ရွှန်းစိုနေတဲ့အလှ။ ဒီအလှကို မှ တပ်မက်သူက အိမ်ရှေ့စံမင်းသား။ ချစ်ခင်နှစ်သက်လွန်းလှလို့ ဧကရီအဖြစ်တောင် မြှောက်စားဦးမယ်ဆိုတဲ့အထိ။ အရပ်ရပ်နဲ့မှအပြည်ပြည် ကြားလို့မှမသင့်တော် ဇာတ်နိမ့်ဇာတ်မြင့် ခွဲခြားလွန်းတဲ့ ဒီတိုင်းပြည်မှာမှ ကျွန်ကို ဧကရီမြှောက်မယ်ဆိုတဲ့ အဖြစ်ဟာ ဘယ်လို့မှ မဖြစ်နိုင်။ ခမည်းတော် ဘုရင်မင်းမြတ်က ပြင်းပြင်းထန်ထန် ကန့်ကွက်တဲ့အပြင် အန်နကာလီကို ထောင်သွင်းအကျဉ်းချပြီး ဖြေရှင်းခဲ့တယ်။

ရလာဒ်ကတော့ ချစ်သူကိုကယ်ထုတ်ပြီး ခမည်းတော်ကို ပုန်ကန်ထောင်ထားခြားနားခြင်းပဲပေါ့။ ငယ်ရွယ်နုပျိုတဲ့သူတိုင်း အချစ်ဆိုတဲ့ အရာတခုနဲ့အတွေ့မှာ အမှားတွေက ထောင်လိုပုံ။ ဖားတုလို့ ခရုခုန်တဲ့အဖြစ်ပါပဲ။ အင်အားကြီးတဲ့ ဘုရင်က အင်အားနည်းတဲ့ အိမ်ရှေ့မင်းသားတပ်ကို အနိုင်ရလိုက်တာပါ။ သားတော်ကို ရွေးချယ်စရာ နှစ်ခုပေးခဲ့တယ်။ ချစ်သူကို အပ်မလား၊ အသက်ကို စွန့်မလားပေ့ါ။ သွေးပူနေတဲ့ လူငယ်အတွေးမှာ ဘာရေးမှ ထည့်မတွက်ခဲ့။ မိမိအသက်ကိုပဲ စွန့်မယ်ဆိုတဲ့ အိမ်ရှေ့စံ။

အချစ်ဆိုတာ ရယူခြင်းလား ပေးဆပ်ခြင်းလား ဘာလား ညာလား အငြင်းပွားစရာပါပဲ။ အန်နကာလီကတော့ ရဲရဲဝံ့ဝံ့ ရှေ့ကိုထွက်လာခဲ့တယ်။ မင်းသားနဲ့ တညတာ အချိန်ကုန်ဆုံးခွင့် နောက်ဆုံးအခွင့်အရေးအဖြစ်တောင်းဆိုပြီး မင်းသားအသက်ကို ကယ်တင်ခဲ့တယ်။

နောက်ဆုံးဆိုတဲ့ အသိက ချစ်သူနှစ်ယောက်ကို အတော်လေး တုန်လှုပ်စေခဲ့မှာပါ။ မျက်ရည်တွေဆိုတာ ခမ်းလောက်အောင် ငိုခဲ့ကြမှာပဲ။ မနက်ရောက်ရင် ထာဝရ ခွဲကြရမယ် ဆိုတာက တညလုံးကို ခြောက်လှန့်နေမှာပါ။

အန်နကာလီရဲ့ ဇာတ်သိမ်းက အတော်လေးကို ဆိုးပါတယ်။ သူ့ကို အုတ်နံရံတွေကြားမှာ……………………အရှင်လတ်လတ် မြုပ်ပစ်ခဲ့တာ။ ရင်နင့်စရာ အန်နကာလီပါပဲ။ အခွင့်များရှိရင် မချစ်ပါနဲ့လား အန်နကာလီရယ်လို့ စိတ်ထဲက တိုက်တွန်းချင်မိတယ်။

အုတ်နံရံတွေကြားမှာ တယောက်တည်း။ ငိုလို့လည်း ဘယ်သူမှ မကြားနိုင်တော့။ အဆိုအကတွေလည်း ပျောက်ကွယ်ကုန်တော့မယ်။

ရှင်ကွဲ ကွဲမယ်ဆိုတာထက် သေသွားတာက ကောင်းပါတယ်လို့လည်း တဖတ်သက် ဆုံးဖြတ်ပေးမိသေးတယ်။ တသက်လုံး ဝေဒနာကို ပိုက်ပြီး တနုံ့နုံ့ နာကျင်နေမှာထက် သေသွားတော့လည်း မေ့သွားတာပါပဲလို့ ဖြေပေးနေမိတယ်။

နံရံတွေကို ထိတိုင်း အန်နကာလီ ဒီနေရာမှာများလား လို့တွေးမိတယ်။ သူ့ဝိဉာဉ်ရှိနေသေးရင် ဆိုတဲ့အသိနဲ့ မြခြူသံတွေကို  စိတ်ထဲမှာ လွှင့်ပေးနေခဲ့မိတာ..အန်နကာလီတယောက် နံရံတွေကြားမှာ ဘယ်လောက်အထိ…..

ေကာ္ဖီရနံ႕သင္းေသာ ညေနခင္းတခုဆီသို႕

ေကာ္ဖီကို ငယ္ငယ္တုန္းက ရွိဳက္မက္စြဲလမ္းခဲ့ရေကာင္းမွန္းမသိခဲ့။ ဘမ်ိဳးဘိုးတူလာျခင္းလည္း ျဖစ္ေကာင္းျဖစ္ႏုိင္ပါသည္။ အဖြားက တေန႕ကိုေကာ္ဖီ ဆယ္ခြက္အထက္ကို ေသာက္တတ္သည္။ ႏို႕မွဳန္႕ပုလင္းနဲ႕ ေကာ္ဖီမွဳန္႕သည္ အိမ္မွာျပတ္လပ္သည္ မရွိခဲ့။ ရွိလို႕လည္း မျဖစ္။ အဲ့ဒီအခ်ိန္တုန္းကေတာ့ ေကာ္ဖီကို မက္မက္စက္စက္မရွိပဲ ႏို႕မွဳန္္႕ထဲ သၾကားထည့္ လ်က္ေနဖို႕ေလာက္သာ စိတ္သန္ေနခဲ့သည္။ ေကာ္ဖီတပ္မက္မွဳသည္ ဘယ္အခ်ိန္က ဝင္လာမွန္းမသိလိုက္ႏိုင္တဲ့ ကုလားအုတ္တေကာင္…..

ေခါင္းကေလး ၀င္ပါရေစဦးဆိုျပီး ဝင္လာခဲ့သူမွာလည္း ေကာ္ဖီမဟုတ္ျပန္။ ေကာ္ဖီနဲ႕ ေဆြမ်ိဳးနီးစပ္ေတာ္ေသာ လက္ဖက္ရည္သာျဖစ္သည္။ ေနထိုင္ရာဝန္းက်င္တြင္ လက္ဖက္ရည္ဆိုင္ ႏွစ္ဆိုင္ၾကီးတိတိေတာင္ ရွိခဲ့သည္။ အ့ဲဒီအထဲကမွ လြင္ကဖီး။ မွတ္မွတ္ရရ အတန္းထဲက သူငယ္ခ်င္း ေဇာ္သက္တုိ႕ အေဖဆိုင္။ သူငယ္ခ်င္းဆိုင္မို႕ ေသာက္ရတာ ပိုအားရွိလာသလားမသိ။ စေသာက္ဖူးေတာ့ ခ်ိဳဆိမ့္။ လွ်ာဖ်ားမွာ စြဲက်န္ရစ္တဲ့ အဲ့ဒီလက္ဖက္ရည္ကို တပ္မက္မိသည္။ ေနာက္တေခါက္ ေသာက္ခ်င္တယ္ ေျပာမိေတာ့ အိမ္မွာ ဆံုးမပဲြတခု ျဖစ္လိုက္ေသးတာ မွတ္မိ၏။ လက္ဖက္ရည္ေသာက္ျခင္းဆုိတာကို အိမ္မွာ ျမင္တဲ့အျမင္က အႏုတ္လကၡဏာအသြင္။ အခ်ိန္ကုန္ေစသည္ ေငြကုန္ေစသည္ က်န္းမာေရးထိခုိက္သည္ေပါ့။

ေမ့ေလာက္ရွိေတာ့မွ ဦးဘထံုးလက္ဖက္ရည္၊ ပင္လံုလက္ဖက္ရည္ေတြနဲ႕ တစခန္းျပန္ထသည္။ လူငယ္ဘဝ လက္ဖက္ရည္ဆိုင္နဲ႕ ေခြးေျခပုမ်ား၊ ဆုိင္ကဖြင့္တဲ့ ေရာ့ခ္သီခ်င္းေတြ။ ျပီးေတာ့ လမ္းေပၚမွာ ရာေလးစေပါ့ေတြ၊ ပန္းဘိန္းေတြနဲ႕ ေျခခ်င္းလိမ္ေနတဲ့ အပ်ိဳမေတြ။ တဆိုင္ျပီး တဆိုင္ထိုင္ရင္း လက္ဖက္ရည္ဆုိင္ထုိင္တဲ့အရသာကို တြယ္ျငိလာခဲ့မိ။ တခါတခါ ဘဝေရွ႕ေရးလမ္းေၾကာင္းေတြ၊ တခါတခါ ျဖစ္ပ်က္ေနတဲ့ လက္ရွိပစၥကၡ။ လက္ဖက္ရည္ကိုတပ္မက္ျခင္းလား ဝိုင္းဖြဲ႕ေဆြးေႏြးျခင္းကို တပ္မက္ျခင္းလား ေဝခြဲလို႕မရတဲ့ေန႕ရက္ေတြ။

ေက်ာင္းသားဘ၀တခုလံုးမွာ လက္ဖက္ရည္ကို အခ်ိန္ယူေသာက္တာ ရွားပါးစြာ။ ေသခ်ာတာေတာ့ ေကာ္ဖီမစ္ေတြ စလာျပီ။ တေန႕မွာ ငါးထုတ္မကတဲ့ ေကာ္ဖီမစ္ေတြကို က်ေနာ္ ျငိတြယ္ေနျပီေပါ့။ ေပါင္ေၾကာ္နဲ႕ စူပါက အဲ့ဒီကာလတေလွ်ာက္လံုး ထည္လဲသံုးျဖစ္တဲ့ စကားေတြ။ MCC ေအာက္က ဆိုင္မွာ မထိုင္ျဖစ္လိုက္နဲ႕ ထုိင္တာနဲ႕ စူပါမွ စူပါ ပါပဲ။ ေမွာ္ဘီက ၀ါးရံုရိပ္မွာ ထုိင္ျဖစ္ေတာ့လည္း ထမင္းေၾကာ္နဲ႕ ေကာ္ဖီမစ္။ လွိဳင္သာယာေရာက္တဲ့ အထိ ေကာ္ဖီမစ္က ပါေနတုန္း။

ေက်ာင္းျပီးလို႕ လုပ္ငန္းခြင္ထဲ ၀င္တဲ့အခါ မနက္စာနဲ႕ ညလယ္စာတိုင္းမွာ ဒီေကာ္ဖီမစ္တထုပ္ဟာ မပါမျဖစ္ပါျမဲ။ အလုပ္ထဲက ညီမငယ္တေယာက္ကေတာ့ က်ေနာ္သြားမစားျဖစ္တဲ့ ကူပြန္ေတြကို သူက ေကာ္ဖီမစ္ေတြ ထုတ္ျပီး ေရာင္းစားသတဲ့။

ျပင္သစ္စာ သင္တန္းတက္တဲ့အခါ က်ေနာ္တုိ႕ အတန္းက လူေတြ အတန္းျပီးရင္ အိမ္ကို ျပန္ေလ့မရွိပါ။ မဟာျမိဳင္ကေန ေျမနီကုန္းကို ေလွ်ာက္ျပီး ေရႊမွာ ေခြေနတတ္ပါတယ္။ ျပီးရင္ တေယာက္က အစတခုဆြဲထုတ္ျပီး ၀ိုင္းၾကေဆြးေႏြးၾက ေ၀ဖန္ၾကနဲ႕ တကယ့္ကို ကိုယ္မလုပ္ဖူး၊ မၾကံဳဖူးေပမယ့္ ၾကားအသိနဲ႕တင္ အသိပညာေတြကို အေတာ္ေလးရလိုက္ပါတယ္။ အေတြ႕အၾကံဳဆုိတာမ်ိဳးက ေရေႏြးၾကမ္းဆယ္အိုးေလာက္ကုန္သည္အထိ မျပီးဘူး မဟုတ္လား။

ေကာ္ဖီဆိုတဲ့ အရာ ပီပီျပင္ျပင္ မေရာက္ခင္ပ်ိဳးေနတာက အေတာ္ေလးၾကာ။ ဒီေရာက္ေတာ့ က်ေနာ့မွာ ေကာ္ဖီဆုိင္ထုိင္တဲ့ ယဥ္ေက်းမွဳ အေတာ္ေလး ကူးစက္ေနပါျပီ။ က်ေနာ္နဲ႕ ရင္းနွီးတဲ့သူမ်ားက က်ေနာ္နဲ႕ ေကာ္ဖီဆုိင္ မထိုင္ဖူးဘူးဆိုတာ မရွိသေလာက္ရွားတယ္။ ေကာ္ဖီဆိုင္ေတြဟာ ေဟာ္ကာစင္တာေတြလို မဆူညံေနတာကိုက က်ေနာ့ကို ပိုထိုင္ျဖစ္ေစတာပါပဲ။ ေနာက္ပိုင္း က်န္းမာေရးအရ လက္ဖက္ရည္ထက္ ေကာ္ဖီဖက္ကို က်ေနာ္ ေရာက္သြားတာလည္း တပိုင္း။ ဒီက လက္ဖက္ရည္ေတြက ေပါ့ရႊတ္ရႊတ္နဲ႕မို႕ ေသာက္လုိ႕ အဆင္မေျပတာလည္း အဓိကေပါ့။

အခုကေနစရင္ေတာ့ ရက္မ်ားအေတာ္ၾကာၾကာကေပါ့။ က်ေနာ္တုိ႕ သူငယ္ခ်င္းေလးေယာက္ ေကာ္ဖီဆိုင္တခုမွာ ထုိင္ျဖစ္တယ္။ တေယာက္က အျမီးတန္းလန္းနဲ႕။ တေယာက္ကေတာ့ အျမီးရွိမရွိ မေသခ်ာ။ တေယာက္ကေတာ့ အျမီးျပတ္။ ေနာက္တေယာက္ကေတာ့ သူအျမီးနဲ႕ကို တဲြလာပါတယ္။ အဲ့ဒီေကာ္ဖီ၀ိုင္းေလးမွာ အိမ္ေထာင္ျပဳျခင္းဆိုတဲ့ အမွဳကိစၥကို ေဆြးေႏြးၾကတယ္။ တေယာက္ကထိုးေတာ့ တေယာက္က ျပန္ကာတယ္။ ေနာက္တခါ ကန္႕ကြက္ၾကျပန္ေတာ့ ေနာက္တမ်ိဳး အဆုိျပဳတယ္။ တကယ္တမ္း အိမ္ေထာင္ျပဳဖို႕ အေသခ်ာဆံုးက အျမီးနဲ႕လာတဲ့ သူငယ္ခ်င္း။ မဂၤလာေဆာင္ဆိုတဲ့ ကုန္က်စရိတ္ေတြကို တြက္ရင္း အဲ့ဒီသူငယ္ခ်င္းကေတာ့ ေပ်ာ္ေကာင္းေပ်ာ္ေနေပမယ့္ က်န္တဲ့ သံုးေယာက္က သက္ျပင္းတခ်ခ် ရင္တမမ။

အက်ဥ္းရံုး မဂၤလာေဆာင္ကေန၊ အက်ယ္ၾကီးျဖစ္တဲ့ ဆီဒိုးနား၊ ထရိတ္ဒါးေတြအထိ စကားေတြခ်ဲ႕ခ့ဲၾကသည္။ ဓါတ္ပံု ဗီဒီယိုေတြက အစ ဘယ္သူရိုက္ထားတာျဖင့္ ဘယ္နားေလးလိုတယ္အဆံုး။ မိတ္ကပ္ေတြ အေဖြးသားနဲ႕ လူမမာရုပ္ဆုိတာမ်ိဳးအထိ ကဲ့ရဲ့တာလည္းပါသည္။ သာေစနာေစရယ္လည္း မဟုတ္ပဲ စိတ္လိုလက္ရရွိတုန္း၊ တြန္းေျပာေနၾကတာအမွန္။ မိန္းကေလးေတြအတြက္ တဘ၀စာအတြင္း ခဏတာ ၾကီးက်ယ္ခမ္းနားလိုတဲ့  မဂၤလာပြဲေတြ အေၾကာင္းလည္း ပါသည္။

ဒီႏိုင္ငံေရာက္ျပီးမွ က်ေနာ္တုိ႕ သူငယ္ခ်င္းေတြ အားလံုး ဆံုျဖစ္တယ္ဆိုတာ အေတာ္ေလး ပါးရွားလာသည္။ တေယာက္နဲ႕တေယာက္ ရထားအ၀င္အထြက္္မွာ တိုက္မိဖို႕ေတာင္ မလြယ္။ အေရွ႕မွာ ေနတဲ့သူ၊ အေနာက္မွာေနတဲ့သူနဲ႕ အလုပ္အားတဲ့အခ်ိန္ေတြမွာလည္း ဆုိင္ရာဆိုင္ရာ ကိုယ္စီကုိယ္ငွ အေၾကာင္းေတြနဲ႕ မေတြ႕ျဖစ္ၾက။ အခုလို ညေနခင္းဆုိတာမ်ိဳးဟာ ရွားပါး ပါဘိျခင္း။

က်ေနာ့ ရင္ထဲမေတာ့ အဲ့ဒီညေနခင္းက ေကာ္ဖီရနံ႕ေလးဟာ အခုထိ သင္းေနတုန္းပဲဆိုတာ သူငယ္ခ်င္းေတြကို သိေစလိုသည္။ အမွတ္ရေစလိုသည္။ ဒီ့အတြက္ အဆိုပါညေနခင္းတခုဆီကို ရည္ကာ ေနာက္ထပ္ ေကာ္ဖီညေနခင္းမ်ား ဆီသုိ႕.....

ရက္စက္ေသာ အသက္ရွင္ေနထိုင္မွဳမ်ားႏွင့္ က်ေနာ္တို႕

လူ႕ဘ၀အတြင္း သက္ရွင္ေနထုိင္ရျခင္းဆုိတာ ရက္စက္မွဳတခုနဲ႕ ရင္ဆိုင္ေနျခင္းပင္။ သူ႕အတၱ ကိုယ့္အတၱေတြနဲ႕အတူ မတူညီတဲ့ ယံုၾကည္ခ်က္ေတြနဲ႕ ကိုယ္ထင္ရာအမွန္အဟုတ္လုပ္ျပီး သူတပါးကို ရန္လုပ္ပုတ္ခတ္ေနၾကတဲ့ ယေန႕ လက္ရွိေလာကၾကီးမွာ အသက္ရွင္ရျခင္းက မိမိကိုယ္ကိုမိမိ္ ရက္စက္စြာ ဒဏ္္ခတ္ျခင္းပင္ျဖစ္မည္။ အားလပ္ရက္တခုမွာ ၾကည့္ျဖစ္ေသာ ရုပ္ရွင္တခုက အဆိုပါအခ်က္ကို ပိုျပီး အတည္ျပဳေနခဲ့သည္မွာ အမွန္ပင္။

အိမ္ေထာင္နဲ႕ကြဲေနလို႕ သားကို ရပိုင္ခြင့္တရားရင္ဆုိင္ေနတဲ့ လူးကပ္စ္ရဲ့ ထီးတည္းက်န္မွဳကေန စျပီးဇာတ္လမ္းကို သရုပ္ေဖာ္ခဲ့တယ္။ မူၾကိဳေက်ာင္းမွာ အလုပ္လုပ္ေနတဲ့ လူးကပ္စ္နဲ႕ ခေလးသူငယ္မ်ားရဲ့ ဆက္ဆံေရးကို သူတို႕ရဲ့ ေနာက္ေျပာင္ရီေမာေနျခင္းေတြနဲ႕ ဖြဲ႕သီတယ္။ အဲ့ဒီအခ်ိန္ထိ လူးကပ္စ္ေခါင္းေပၚက တိမ္ေတြက မည္းေမွာင္မလာေသး။

ခေလးေတြအားလံုးထဲမွာမွ လူးကပ္စ္ကို ပိုမိုတြယ္တာေနတာက ကလာရာ။ မိဘႏွစ္ပါးရဲ့ လ်စ္လ်ဴရွဳျခင္းကို ဒီခေလးမဟာ အသက္အရြယ္နဲ႕မမွ် အေတာ္ေလးခံရတယ္။ ကလာရာရဲ့ ဖခင္သီယိုကိုယ္တိုင္ကလည္း လူးကပ္စ္ရဲ့ အခ်စ္ဆံုးသူငယ္ခ်င္းတေယာက္ ျဖစ္ေနတာမုိ႕ ေမတၱာငတ္မြတ္ေနသူ ကလာရာနဲ႕လူးကပ္စ္ ဒီႏွစ္ေယာက္ရဲ့ ၾကားမွာ သံေယာဇဥ္ဆိုတဲ့ ၾကိဳးက ပိုပိုျပီး ထင္လာတယ္။

ငယ္ရြယ္ႏုနယ္တဲ့ ဘ၀မွာ ပတ္၀န္းက်င္ဆိုတဲ့ အရိပ္က စိုးမိုးပါတယ္။ ပတ္၀န္းက်င္မွာ ၾကားရ ျမင္ရတဲ့ အရာေတြဟာ ဒီခေလးငယ္ေတြ အားလံုးကို အတုျမင္ အတတ္သင္ဖို႕ပဲ။ ကလာရာရဲ့ ပတ္၀န္းက်င္က အရြယ္ေရာက္စ အကိုႏွစ္ေယာက္ဆုိေတာ့ ကလာရာ ၾကားရျမင္ရသမွ်ဟာ သူ႕အသက္အရြယ္နဲ႕ မမွ်တဲ့ စကားလံုးေတြပါ။

အရိပ္ဆိုတာနဲ႕တင္ ရပ္တန္႕ေနရင္ ေကာင္းေပမယ့္ အရိပ္ကေန ေသြးထိုးလွံဳ႕ေဆာ္ျပီး စိတ္ေတြ ေျပာင္းသြားတဲ့အခါ ေကာင္းတဲ့အရိပ္ဆုိရင္ မေထာင္းသာ၊ ဆိုးတဲ့အရိပ္မ်ားၾကေတာ့ မီးေလာင္ရာေလပင့္သလို အရပ္မ်က္ႏွာအားလံုးကို ဆတူပူေစေတာ့တာပါပဲ။ အခုလည္း ကလာရာရဲ့ စကားတခုကေန မူၾကိဳေက်ာင္းတခုလံုး မိုးမီးေလာင္ေနခဲ့ျပီ။ လူးကပ္စ္က ကလာရာ့ကို သူရဲ့ လိင္အဂၤါအစိတ္အပိုင္းေတြ ျပခဲ့တယ္ဆိုတဲ့ စကားတခုကေန မီးခိုးၾကြက္ေလွ်ာက္ျဖစ္ေတာ့တယ္။ ကေလးဆိုတာမ်ိဳးက တေယာက္က ဒါဆို ေနာက္တေယာက္ကလည္း ထပ္တူ လိုက္လုပ္ခ်င္တာမဟုတ္လား။ ကေလးမ်ားအားလံုးက သူတို႕ကိုလည္း ျပတယ္လို႕ ဆိုကုန္တယ္။

ကလာရာ့အေမကို မူၾကိဳေက်ာင္းဆရာမကေန ေခၚျပီးေဆြးေႏြးတယ္။ ျပီးေတာ့ က်န္တဲ့ ခေလးမိဘေတြတိုင္းကိုေရာေပါ့။ သားသမီးဆိုတာနဲ႕တင္ မိဘေတြက ေခါင္းနားပန္းၾကီးသြားျပီ။ ငါ့သားသမီးဆိုတဲ့ အတၱနဲ႕ အရာအားလံုးကို ရင္ဆုိင္မယ္ေပါ့။ တျမိဳ႕လံုးက ကေလးမိဘေတြေရာ ေက်ာင္းက ၀န္ထမ္းေတြအားလံုးရဲ့ စိတ္ထဲမွာ လူးကပ္စ္ဟာ ရြံ႕ရွာစက္ဆုပ္စရာအျဖစ္ကို တမုဟုတ္ခ်င္း ေျပာင္းလဲပစ္လိုက္ၾကတယ္။

လူးကပ္စ္က ဘယ္သူ႕ကိုမွ လုိက္လံေျဖရွင္းမေနခဲ့ဘူး။ သူ႕ရဲ့ အမွန္တရားကို သူရဲရဲကိုင္ထားတယ္။ သူ႕လိပ္ျပာသူလံုခဲ့တယ္။ ဒါေပမယ့္ သူပထမဆံုး သူ႕သူငယ္ခ်င္း သီယိုရဲ့ ယံုၾကည္မွဳကို သြားရွာတယ္။ ေမွ်ာ္လင့္ထားတာနဲ႕ တျခားစီပါပဲ။ ျပန္ရလိုက္တဲ့ အရာေတြက နာက်င္ျခင္းသက္သက္ေတြ။ ဒါေပမယ့္ သူလက္မေလ်ာ့ဘူး။

ကမ္းတခုျပိဳျပီဆိုရင္ အနီးနားက ကမ္းေတြပါ တျဖည္းျဖည္းျပိဳလာၾကတာျမင္ဖူးတယ္။ အခုလည္း လူတေယာက္ မေကာင္းဘူးလို႕ဆိုလိုက္ရင္ အဲ့ဒီလူကို ပတ္၀န္းက်င္တခုလံုးကပါ ၀ိုင္းက်ဥ္ၾကတယ္။ မေကာင္းဘူးဆိုတဲ့ အေၾကာင္းအရာက မွန္သလား မွားသလားဆိုတာကို ဘယ္သူကမွ မဆန္းစစ္ၾကေတာ့ဘူး။ အဲ့ဒီလူက သူတို႕အေပၚေကာင္းခဲ့သလားဆိုတာေတာင္မွ ျပန္လည္သံုးသပ္ဖို႕ ဆင္ျခင္တံုတရား မရွိခဲ့ၾက။ ဒီထက္ဆိုး၀ါးစြာ အမွားက်ဴးလြန္သူျဖစ္ခဲ့သည္တိုင္ လူလူခ်င္း စာနာေထာက္ထားေဖးမကူညီရမည့္အစား အလုပ္ကရပ္စဲျခင္း၊ ကိုယ္ထိလက္ေရာက္ ေစာ္ကားျခင္းမ်ားျဖင့္ အသီးသီးအသက က်ဴးလြန္ၾကျပန္တယ္။

လူးကပ္စ္ရဲ့ ယံုၾကည္ခ်က္က အေတာ္ေလးကို ေခါင္းမာတဲ့ ရပ္တည္မွဳလို႕ ေျပာလို႕ရတယ္။ ခ်စ္တဲ့သူကေတာင္ ထင္ေယာင္ထင္မွား ျဖစ္လာတဲ့အထိ ပတ္၀န္းက်င္ရဲ့ ရိုက္ခတ္မွဳက အေတာ္ေလးျပင္းထန္ေနတာ။ ဒါေပမယ့္ လူးကပ္စ္က ကလာရာ့အေပၚမွာ ထားတဲ့ ေမတၱာကို မေလွ်ာ့ခဲ့ဘူး။ သူ႕ေနရာမွာ က်ေနာ္သာဆို အေတာ္ ျဂိဳလ္ေမႊတဲ့ ကေလးဆုိျပီး ဆဲဆုိလႊတ္မိမွာ။

သူဆံုဆည္းဖို႕ ေမွ်ာ္လင့္ေနတဲ့ သားျပန္အလာ။ သားကေတာ့ လူငယ္ဆိုေတာ့ သည္းခံႏုိင္စြမ္း သူ႕ေလာက္ မၾကီးမား။ ပတ္၀န္းက်င္ရဲ့ ရိုက္ပုတ္မွဳဆိုတဲ့ ေလာကဓံကို ၾကံ႕ၾကံ႕ခံႏိုင္စြမ္းမဲ့စြာ။ ကလာရာကို သြားျပီး ခ်ဲလင့္လုပ္သည္အထိ သူ႕ရဲ့ မေက်နပ္မွဳကို မျမိဳသိပ္ႏိုင္ခဲ့။ သူ႕ရဲ့ေမြးစားအေဖ ျဖစ္သူကေတာ့ လူးကပ္စ္ရဲ့ ကိုယ္က်င့္သိကၡာကို ယံုၾကည္မွဳ အျပည့္အ၀ရွိခဲ့တယ္။ ေတာ္ပါေသးရဲ့ အဲ့ဒီလိုလူ ရွိေနေသးလုိ႕ မဟုတ္ရင္ အခုလိုရွင္သန္ေနရတဲ့ဘ၀ဟာ ေသတာထက္ ဘာထူးဦးေတာ့မွာလဲ။

က်ေနာ့စိတ္ႏွလံုးမွာ အနာက်င္ဆံုး အခန္းႏွစ္ခန္းရွိတယ္။ တခန္းကေတာ့ supermarket မွာေစ်း၀ယ္တဲ့အခန္းပါ။ လူးကပ္စ္လို လူယုတ္မာကို မေရာင္းခ်င္ဘူးဆုိျပီး ၀ိုင္းျပီး ဆြမ္းၾကီးေလာင္းၾကတာမ်ား၊ က်ေနာ္သာ ဇာတ္လမ္းထဲ၀င္လို႕ရရင္ အဲ့ဒီလူေတြကို ၀င္ျပီး တခုခုလုပ္ခ်င္စိတ္ေတာင္ေပါက္လာတဲ့အထိ။ ေနာက္တခန္းကေတာ့ မဆီမဆိုင္ လက္ပံသား ဓါးနဲ႕ခ်ိဳင္တဲ့ လူးကပ္စ္ရဲ့ အေဖာ္ ေခြးကေလးကုိ သတ္ပစ္ၾကတဲ့အခန္းပါ။ တကယ့္ကို ဆိုး၀ါးရက္စက္လြန္းတဲ့ ပတ္၀န္းက်င္ပါပဲ။

အေက်နပ္ရဆံုး အခန္းကေတာ့ ဘုရားေက်ာင္းမွာ သီယို႕ကို စိုက္ၾကည့္ေနတဲ့ အခန္း။ အျပစ္မဲ့တဲ့သူေတြဟာ ဘယ္သူနဲ႕မဆို မ်က္၀န္းခ်င္း ရင္ဆိုင္ဖို႕ မေၾကာက္၀ံ့ၾကပါဘူး။ လူးကပ္စ္ရဲ့ မ်က္၀န္းကို ရင္ဆိုင္ဖို႕ လြဲလုိ႕ သူ႕ေခါင္းကို ထုႏွက္တာေတာင္မွ ျပန္မလုပ္၀ံ့တဲ့ သီယို႕ရဲ့လိပ္ျပာမသန္႕မွဳကို ျမင္ရတဲ့အခါ တကယ့္ကို ႏွစ္ေထာင္းအားရျဖစ္မိေစတယ္။

လူ႕ေလာကဆိုတာ အခုလိုမ်ိဳး ရွဳပ္ေထြးေပြလီေနတတ္ပါတယ္။ အသက္တရာမေနရေပမယ့္ အမွဳတရာေပြရတတ္တယ္။ တရားျခင္း မတရားျခင္းဆုိတာ မိမိလက္ထဲမွာထက္ တျခားလူေတြရဲ့ လက္ထဲမွာ ရွိေနတတ္တာမ်ိဳး။ ကုိယ္ခ်င္းစာတယ္ဆိုတာ ႏွဳတ္ဖ်ားက မိတ္ျဖစ္ေဆြျဖစ္စကားမျဖစ္သင့္ဘူး၊ သူ႕ရဲ့ဖိနပ္ကို ၀င္စီး၊ သူ႕ရဲ့ ရင္ဘတ္ကို ခဏ၀င္ျပီး အပူအေအးဟူသမွ်ကို ထပ္တူေ၀မွ်ခံစားၾကဖို႕ပါ။ လူးကပ္စ္ရဲ့ အမွဳကို စာဖတ္သူေတြကေရာ ဘယ္လို ဆံုးျဖတ္ေပးၾကမလဲ။ က်ေနာ္ေရးတဲ့အေပၚပဲမူတည္ျပီး လူးကပ္စ္ဖက္က လိုက္မလား။

ဇာတ္ကားအဆံုးမွာ က်ေနာ့စိတ္ထဲက်န္ရစ္ခဲ့တာေတာ့ က်ေနာ္တုိ႕ အသက္ရွင္ေနထိုင္ေနတာ ရက္စက္မွဳေတြနဲ႕ ျပည့္နွက္ေနတဲ့ ေလာကတခုဆိုတာပါပဲ…

ျမိဳ႕ေဟာင္းတေနရာ

"နန်းရတုကို ၊ ဇမ္ဗူသခင် ၊ မရွှင်တင့်တောင်း ၊ ရန်ညောင်းပယ်နွံ ၊ သိကြားစံသို့ ၊ မင်းဝံရွှေတောင် ၊ တပြောင်သည် ၊ ဖြာရောင်မကျွန်းလှည့်လေသလော….."

တံတားများကိုကျော်ဖြတ်ပြီးသကာလ ဒီမြို့ဟောင်းကို ရောက်ဖြစ်တယ်။ အဟောင်းအမြင်းတွေနဲ့အတူ နာကျင်စရာအကြောင်းတွေဟာ တိုက်ခတ်တဲ့လေမှာ ကပ်ကပ်ပြီးပါလာဆဲ။ သမိုင်းဆိုတဲ့ အရိပ်ထဲမှာ ဒီမြို့ဟောင်းဟာ ယနေ့တိုင် ကြွင်းကျန်ရစ်လျက်။

ပထမဆုံး လေးထပ်ကျောင်းက ကျနော့ကို စတင်နှုတ်ခွန်းဆက်တယ်။ ပြိုကျ ပျက်စီးနေပေမယ့် ခမ်းနားခဲ့တဲ့ အတိတ်ကို မဖုံးဖိနိုင်ခဲ့ဘူး။ သာသနာရောင်ဝါ နေလိုလလိုထွန်းလင်းခဲ့တယ်ဆိုတာ ဘယ်သူမှ မငြင်းနိုင်တဲ့ သက်သေကောင်းတွေပါပဲ။

ရှေးတုန်းက အခုခေတ်ကျနော်တို့လို စာသင်ကျောင်းတွေ မရှိတဲ့အခါ ဘုန်းကြီးကျောင်းတိုက်တွေဟာ စာသင်ရာ၊ စာအံရာ အရပ်ဖြစ်ခဲ့တယ်။ မင်းကစလို့ လေးစားကိုးကွယ်တဲ့ ဘုန်းကြီးကျောင်းတွေဟာ အမွမ်းအပြောက်တွေနဲ့ လူတဖက်စာမကတဲ့ ကျွန်းတိုင်တွေနဲ့ ယခုထက်တိုင် ဟိတ်ဟန်ကြီးမားစွာ။

နာမည်ကျော်ဗားကရာကျောင်းကို သွားဖို့ အခုလို မြင်းလှည်းတွေနဲ့ မြိုင်ဆိုင်စွာ။ ဝင်္ကဘာအစရှိတဲ့ ဘုရားတွေဟာ ရေဝန်းဝိုင်းလို့ ဧည့်သည်တွေကို အလည်လာဖို့ ဟန့်တားထားကြသလို၊ ဗားကရာသွားတဲ့ လမ်းဟာလည်း ရေကျော်ပြီး ဖြစ်လို့ နွံက တတောင်လောက်မကတဲ့ နေရာတွေမှအများကြီး။ လမ်းကလေးများ ဖြောင့်အောင် ဆောက်ပေးရင် ကျောင်းအဝင်ဝမှာ ကောက်တဲ့ ဝင်ကြေးတွေ အများကြီး ပိုရလာမယ်ဆိုတာ မသိလေသရော့လား။

ဧရာဝတီမှာ မေးတင်ထားတဲ့ ဆင်ကျုံးကို ရောက်တယ်။ အမြှောက်နှစ်လက်ဟာ အသုံးမပြုရပါပဲ အရှံုးပေးလိုက်ရတဲ့အတွက် အံကြိတ်လျက်ရှိကြတယ်။ ကတော့တွေထိုးနေတဲ့ ဧရာဝတီကို ငေးမိတယ်။ ကျံုးကြီးကတော့ ရေခပ်ဆင်းတဲ့သူတွေအတွက် ရွှံ့ဗွက်ထဲကနေ ရှောင်ဖယ်ဖို့ ကယ်တင်ရှင်ဖြစ်နေမြဲ။

မြို့ရိုးကို မြင်တဲ့အခါ မြို့ဟောင်းတခုမှ ဟုတ်ပါလေစရယ် မှတ်တယ်။ နီလျက် ခိုင်လျက် ထုနဲ့ထည်နဲ့။

မြို့ဟောင်းတခုလုံးမှာ စိတ်အဝင်စားဆုံးက မဟာအောင်မြေဘုံစံ။ ပန်းရံပန်းတမော့ ဆိုတဲ့ မြန်မာ့အနုပညာတွေကို တွေ့မြင်ရမယ်။ ကျောင်းပြင်ပ အရောင်ဟာ အဝါရောင်ပြေပြေ။






ကျောင်းတွင်းနံရံတွေကတော့ ဖြူလွလွ။






သမိုင်းမှာ မှတ်တိုင်လိုဖြစ်ကျန်ခဲ့တဲ့ အလင်းခန်း အမှောင်ခန်းတွေဟာ မဟာအောင်မြေဘုံစံရဲ့ အနှစ်သာရ။ မယ်နုနဲ့မောင်အိုရဲ့ ဖောက်ပြန်တဲ့နေရာတွေလို့ ပြောလိုပြော၊ မင်းညီမင်းသားတွေကို လုပ်ကြံသတ်ဖြတ်တဲ့ နေရာတွေလို့လည်း ဆိုကြတယ်။


အကြိုက်ဆုံးက တံတားနှစ်ခုကို ယှဉ်ပြီး မြင်ရတဲ့ မြင်ကွင်း။ အဟောင်းနဲ့ အသစ်ဟာ အခုလို လှပစွာ ရှိကြတယ်။

အရိပ်ထိုးနေတဲ့ အုတ်ကျောင်းကို မြင်ရတော့ နေဝင်သွားတဲ့ မယ်နုရဲ့ နောက်ဆုံးခရီးကို အမှတ်ရတယ်။ ဆရာတော်ဘုရားရဲ့ ဆုံးမသြဝါဒကို ခံယူရင်း ခြေလှမ်းတွေကို တရားနဲ့ လှမ်းသွားတာပဲဖြစ်မှာပါ။

နောက်ဆုံးကြည့်စရာအဖြစ် နန်းမြင့်မျှော်စင်ကိုပဲ ရွေးထားတယ်။ ဧည့်သည်တွေအတွက် လုံခြုံမှု မရှိလောက်အောင် ကြံ့ခိုင်မှုများ ပျက်ယွင်းနေခဲ့တာမို့ အပေါ်ကို တက်ပြီး မြို့ဟောင်းတခုလုံးကို ကြည့်ခွင့် မရခဲ့ဘူး။ နောက်တချိန်တော့ တက်ခွင့်ရတန်ကောင်းရဲ့။

“ချစ်ခြင်းငယ်ပြိုင်၊ မြစ်မင်းပိုင် အဏ္ဏဝါက၊ ပြန်တရာကဲ။

ယွန်းစေဝသုန်၊ ငွေဝန်းသော်တာယုန်သို့၊ ကမ္ဘာကုန် ကျယ်သရွေ့ငယ်မှာ၊ ဘယ်မေ့လိမ့်လည်း”….ဆိုတဲ့ မမြလေးရဲ့ အသံဟာ နာကြည်းစရာ အတိတ်တွေနဲ့အတူ ကျနော့ကို မြို့ဟောင်းကနေ နှင်ထုတ်ခဲ့ပါတော့တယ်…

ဘ၀

ခါးသက္ျခင္းဆုိတဲ့ အသီးေတြစားရင္း

တေန႕တျခား ၾကီးျပင္းေနခဲ့တယ္

မိုင္ေတြဟာ ရွည္သေလာက္

လမ္းမီးတိုင္က မေလာက္ငွ

လမ္းညႊန္ဆိုင္းဘုတ္ေတြေနာက္မွာ

ဖိနပ္ပါးေအာင္ေလွ်ာက္လိုက္ရင္း

ပါးေတြဟာ ေဖာင္းလာလိုက္ ျပားသြားလိုက္

အခ်ိဳဆံုးဆိုတဲ့ တဒဂၤကိုရဖို႕

ရင္းလိုက္ရတဲ့ အရာေတြက

ပင္လယ္တခုထက္ မကေတာ့

ေလမလာတဲ့အရပ္မွာ

ရြက္ေတြကိုလႊင့္ရင္း

ခရီးအၾကံဳ ေမခလာဆိုတာ မလာရင္ေတာင္

အိပ္ေနတဲ့ ေက်ာက္ဖ်ာ အမွန္ျဖစ္ဖို႕ထက္

လာရပ္တဲ့ ရထား ဖုတ္သြင္းမသြင္းက

အခုအခ်ိန္မွာ အဓိက

အဲ့ဒါတကယ့္ ဘ၀ပဲ…..

ဟင္းလင္းျပင္တခုအေၾကာင္း

လက္တကမ္းမွာမရွိေပမယ့္ နီးေနၾကမွန္းသိပါတယ္။ မွန္တခ်ပ္ေတာင္ ကာထားတာမရွိလည္း က်ေနာ္တို႕ေတြၾကားမွာ ဟင္းလင္းျပင္တခုရွိေနခဲ့တယ္။ ခင္ဗ်ားသိပါတယ္ အဲ့ဒီဟင္းလင္းျပင္အေၾကာင္းကို…

အျပစ္တင္ရင္လည္း ခံရမွာပါပဲ။ ဒီဇာတ္လမ္းကို စခဲ့တာ က်ေနာ္ဆိုပါေတာ့။ ဟုတ္တယ္ ခင္ဗ်ားဘက္က ယိုင္နဲ႕မွဳပမာဏကို က်ေနာ္ မေျပာလိုဘူး။ ေျပာလည္း မေျပာသင့္ဘူး။ ဘာျဖစ္လို႕လည္းဆိုေတာ့ ခင္ဗ်ားဟာ က်ေနာ္မဟုတ္လို႕ပဲ။ တခါတေလ က်ေနာ္က စကားအေျပာ မတတ္ဘူး။ ေျပာေနရင္းနဲ႕ ပတ္ခ်ာေတြ လည္ေနတယ္။ က်ေနာ္ေျပာခ်င္တာက က်ေနာ့အေၾကာင္းပဲ။ ဒါမွ ျပည့္စံုတိက်မွဳရွိမယ္။

ဆိုပါေတာ့ ဟင္းလင္းျပင္တခုရွိတယ္။ က်ေနာ္က ဟင္းလင္းျပင္ထဲကို ေရာက္သြားတာ။ မဟုတ္ေသးဘူး က်ေနာ္က ၀င္သြားခဲ့လိုက္တာပါ။ က်ေနာ္ကလြဲရင္ ဘာဆိုဘာမွ မရွိတဲ့ေနရာတခုေပါ့။ က်ေနာ္ေပ်ာ္ပါတယ္။ ေသခ်ာတယ္ ခင္ဗ်ားတို႕ ေပ်ာ္မွာမဟုတ္ဘူး။ က်ေနာ့လိုလူမ်ိဳးက က်ရာေရာက္ရာအရပ္မွာ အပင္ေပါက္တတ္တဲဲဲ့ ရြက္က်ပင္မ်ိဳးပါ။ အမွီအတြယ္နဲ႕ေတြ႔ရင္ အမွီအတြယ္နဲ႕ေပ်ာ္တတ္သလို၊ တပင္တည္းဆိုေတာ့လည္း တပင္တည္းက်ဲတတ္တာမ်ိဳး။ ဘာမွမရွိေတာ့လည္း ဘာမွ မရွိတာမ်ိဳးကို ေပ်ာ္ေနျပန္ေရာ။ ခင္ဗ်ားတုိ႕ေရာ အဲ့လို႕အေျခအေနမွာ ေပ်ာ္မယ္ထင္သလား။

အဲ့ဒီဟင္းလင္းျပင္တခုမွာ က်ေနာ္ေနတယ္။ ဘာဆိုဘာမွမရွိသလို ဘယ္သူဆို ဘယ္သူမွလည္း မရွိဘူး။ က်ေနာ္ေပ်ာ္ေနတုန္းပဲ။ မရွိျခင္းဆိုတဲ့ အရသာက အေတာ္ေလး ေနသာထိုင္သာရွိတယ္။ ရွိျခင္းဆိုတဲ့ ဒုကၡကို ခံစားျပီးရင္ မရွိျခင္းရဲ့ ရသကိုခံစားၾကည့္ပါ။ အခ်ိန္ဆိုတဲ့ကန္႕သတ္ခ်က္ေတြ၊ တိုင္းတာမွဳပံုစံေတြပါ မရွိတဲ့အခါ က်ေနာ္ဘယ္ေလာက္ၾကာၾကာ ေနခဲ့မွန္း သတိမထားခဲ့မိဘူး။ ႏွိဳးစက္ေတြ၊ သတိေပးအတုိင္းအတာေတြနဲ႕ လြတ္ကင္းတဲ့ေဘာင္တခုထဲမွာ စိတ္ရွိတိုင္း ေမ်ာေနခဲ့တယ္။

တကယ္က အားလံုးကို ေမ့သြားတာ။ စိတ္မရွိနဲ႕ေနာ္။ ခင္ဗ်ားကိုလည္း က်ေနာ္ေမ့သြားတယ္။ ခင္ဗ်ား ဘယ္သူလဲလို႕ က်ေနာ္ ျပန္မေမးခ်င္ဘူး။ အသိတေယာက္ေပါ့။ ဟိုတုန္းက သိခဲ့ဖူးတယ္။ လံုေလာက္ျပီ။ ခင္ဗ်ားကို ခင္ဗ်ားေသခ်ာသိတယ္ဆို က်ေနာ့ကို မိတ္ဆက္မေပးပါနဲ႕။ ဒီနည္းက အခင္အမင္ျပတ္ေစတယ္။

မရီနဲ႕။ ဟာသမဟုတ္ဘူးဗ်။ အတည္ အတည္။ စိတ္ရွိတဲ့အတိုင္း ေျပာပါ။ ခင္ဗ်ားတို႕ ဟင္းလင္းျပင္ကို ၾကိဳက္သလား။ က်ေနာ္ကေရာ ဟင္းလင္းျပင္မွာပဲ ေပ်ာ္ေနသင့္တယ္မဟုတ္လား။ ခင္ဗ်ားလည္း မရွိဘူး။ က်ေနာ္လည္း မရွိဘူး။ ကဲ ဘယ့္ႏွယ့္လဲ…