ဟလောင်းဘေး တညအိပ်ခရီးစဉ်

ဟလောင်းဘေးကို သွားမယ်ဆိုတော့ တညအိပ်လောက်တော့ နေချင်တယ်လို့ ရုံးမှာ ညဉ်းမိတယ်။ ဗီယက်နမ် လုပ်ဖော်ကိုင်ဖက်က မအိပ်သင့်ဘူး ခဏခဏ သင်္ဘောတွေ မြုပ်တယ်လို့ တားတယ်။ မသွားခင် သူများတွေရဲ့ ဟလောင်းဘေး ဆောင်ရန်ရှောင်ရန်တွေ လိုက်ဖတ်ကြည့်တော့ ဟနွိုင်းကနေ သဘောင်္ဆိပ်ကို လေးနာရီလောက် ကားစီးရတယ်လို့ ဖတ်မိတယ်။ နေ့ချင်းပြန်ခရီးဆို အသွားအပြန် ရှစ်နာရီက လမ်းပေါ်မှာ ဘယ်မှာလဲ ဟလောင်းဘေးကို ငေးကြည့်ရမယ့် အချိန်...ရာသီဥတုကြည်လင်ရင်တော့ ဟုတ်ပါရဲ့ ဘာမှ မမြင်ရပဲ နေ့ချင်းပြန်သာ ပြန်လာရရင် မတန်ဘူးလေဗျာ။ ဒါကြောင့် တညအိပ်တော့ အိပ်မယ်ဆိုပြီး စီစဉ်ခဲ့တယ်။ တညအိပ်ခရီး တယောက်ကို US110 အပြီးအစီးပါ။ အသွားအပြန်ကားခ၊ သင်္ဘောပေါ် တညအိပ် အစားအစာနဲ့ ဝင်ကြေး အားလုံး စရိတ်ငြိမ်းပါ။

တခုပဲ ဒီလောက်ဈေးနဲ့ ဆုိုတော့ အရမ်းတန်တယ် ထင်ရပါတယ်။ ကျနော်ထင်တယ် သူတို့အမြတ်က သင်္ဘောပေါ်မှာ အသောက်ဆိုတဲ့ ကိစ္စဖြစ်မယ်။ အစားအစာ စရိတ်ငြိမ်းမှာ အသောက်မပါ ပါဘူး။ အဲ့ဒီတော့ သင်္ဘောပေါ်မှာ စားတဲ့အချိန်တိုင်း ဘားကောင်တာ စားပွဲထိုးက ဘာသောက်မလဲဆိုတဲ့ မေးခွန်းကို မသောက်မချင်း လာမေးနေတတ်ပါတယ်။ ကျိုက်ထီးရိုးက ထမင်းဆိုင်တွေမှာ နားခွင့်အလကားပေးထားပေမယ့် ဆိုင်မှာ ထမင်းစားဖို့အတင်းတိုက်တွန်း နားပူဆာတာမျိုးပါပဲ။ အပြင်ကဈေးထက် အများကြီးတင်ထားတာ သိပေမယ့် သောက်ကြရတာပါပဲ။ ကိုယ့်ပုလင်းကို ယူလာရင်လည်း ပုလင်းဖေါက်ခ တောင်းတဲ့အပြင် မျက်နှာ သိပ်မကြည်ကြပါဘူး။ အဲ့ဒီတခုအတွက်တော့ စိတ်ကို ကြိုတင် ပြင်ဆင်သွားဖို့ သတိပေးချင်ပါတယ်။

ကံကောင်းစွာပဲ တညအိပ်စီစဉ်ထားလို့သာပါ။ ရောက်တဲ့နေ့က မြူတွေဆိုင်းပြီး ဘာမှကို မမြင်ရပါဘူး။ သင်္ဘောပေါ်ရောက်တော့ ကံကောင်းစွာ Delux ခန်းကို ကျနော်ရပါတယ်။ Delux ခန်းနှစ်ခန်းပဲ ပါပြီး သူ့မှာ တခြားအခန်းတွေထက် ပိုတာက ဝရန်တာလေး အခန်းပြင်မှာ ပါတာပါပဲ။ ဝရန်တာလေးမှာ စားပွဲထိုင်ခုံလေးနဲ့ အပြင်ထွက် ဇိမ်ခံစရာမို့ ကံကောင်းတယ်လို့ ပြောနိုင်တယ်။ ကိုယ့်ဟာကို ဒီအခန်းကို ယူရင်နောက်ထပ် ၂၀ အပိုဆောင်းပေးရမှာလေ။

ရောက်ရောက်ချင်း နေ့လည်စာက အသီးအရွက်လတ်လတ်ဆတ်ဆတ် တွေနဲ့မို့ စားလို့မြိန်ပါတယ်။ ပထမဆုံး ရပ်ပေးတဲ့ နေရာက Hang Sung Sot ဆိုတဲ့ ထူးဆန်းတဲ့ ဂူကိုပြပါတယ်။ ထုံးကျောက်တောင်အတွင်းက သဘာဝအတိုင်း ဖြစ်နေတဲ့ ပုံတွေကို ဆင်နဲ့တူတယ် မြင်းနဲ့တူတယ် စသည်ဖြင့် စိတ်ကူးစိတ်သန်းနဲ့ ပုံဖော်နေကြတာပါပဲ။ ဂူကအပြန် Kayak လုပ်မလားဆိုတော့ မလုပ်ချင်တာနဲ့ ကျနော်တို့အဖွဲ့ က ပင်လယ်ထဲမှာ ရေဆင်းကူးဖို့ ရွေးချယ်လိုက်ကြတာ။ ကျောက်စိမ်းရောင် ပင်လယ်ကြီးဟာ အေးစက်နေတာပါပဲ။ သိပ်ကြာကြာ မကူးနိုင်ကြပဲ ခဏလေးနဲ့ ပြန်တက်လာကြရတယ်။ ကော်ဖီပူပူလေးနဲ့ သွေးနွေးသွားအောင် သောက်ရင်း တောနဲ့တောင်စွယ် သီချင်းကို ဖွင့်ထားတာ မြိုင်လိုက်တာဆိုတာလေ....

ဟလောင်းဘေးမှာ လှေတွေနဲ့ ဈေးသည်တွေဟာ စိတ်ဝင်စားစရာ ကောင်းပါတယ်။ ရောင်းသူ ဝယ်သူဆိုတဲ့ အတွေးနဲ့ ရိုက်ခဲ့တဲ့ ပုံလေးအပြင် တခြား ဈေးသည်တွေ လှေပေါ်က မြင်ကွင်းတွေ အများကြီး ခလုပ်နှိပ်ဖြစ်ခဲ့တယ်။

ဧည့်သည်တွေ အားလုံး ပြန်ရောက်လာကြပြီဆိုတော့ ညနေစာစားဖို့ စီစဉ်တယ်။ မစားခင်မှာ ကော်ပြန့်စိမ်းလိပ်နည်းသင်ရင်း လုပ်စားကြတယ်။ ဂျာမန်ကလေးနှစ်ယောက်၊ ဘန်ကောက်မှာနေတဲ့ အမေရိကန်ဆရာမ နှစ်ယောက်၊ ပိုလန်က ခြောက်ယောက်နဲ့ မြန်မာ သုံးယောက်ရဲ့ ကော်ပြန့်လိပ်ခြင်း အနုပညာ ညချမ်းလေးဟာ ပျော်ဖို့ ကောင်းတယ်။

ညကိုတော့ ပင်လယ်ကွေ့လေးတခုမှာ ကျောက်ချပြီး အိပ်စက်အနားယူတယ်။ ပင်လယ်ဆိုပေမယ့် လှိုင်းတွေ လှုပ်ခတ်မနေပဲ ငြိမ်သက်နေလိုက်တာ အံ့သြစရာပါပဲ။ ကျနော်ရဲ့ အခန်းရ ကံကောင်းခြင်းဟာ ကံဆိုးခြင်းဆိုတဲ့ဖက်ကို ဒီညမှာပဲကူးပြောင်းသွားခဲ့တယ်။ ပိုလန်က ခြောက်ယောက်အဖွဲ့မှာ အမျိုးသမီးတယောက်ရဲ့ မွေးနေ့ အဲ့ဒီတော့ Dining Hall မှာ တညလုံးသောက်ကြ သီချင်းဖွင့်ပြီး ကကြတယ်။ နှစ်ခန်းတည်းသော Delux ဟာ Dining Hall နဲ့ ကပ်လျက်ဖြစ်ပြီး Sound box က ကျနော့အခန်းနံရံမှာ ချိတ်ထားတာ။ တညလုံးမအိပ်လိုက်ရပဲ မိုးလင်းခဲ့ရတဲ့ ဟလောင်းဘေးက ညပါ။

မနက်စောစော လင်းချင်းနေတဲ့ ဟလောင်းဘေးကို စမြင်ရပြီ။ ညကရပ်နားထားတဲ့ ပင်လယ်ကွေ့ကနေ ပင်လယ်ထဲကို ဘွားခနဲ တဖြည်းဖြည်းထိုးထွက်လာတဲ့အခါ တံခါးနှစ်ချပ်ကို ဆွဲဖွင့်လိုက်သလို သိပ်လှတဲ့ မနက်ခင်းတခုက ကြိုဆိုနှင့်တယ်။

လှေခါးထစ်ပေါင်း ၃၄၀ ရှိတဲ့ တစ်တော့ တောင်ပေါ်တက်ပြီး ရှုခင်းကြည့်ကြတယ်။ သိပ်ကိုလှတဲ့ ဟလောင်ဘေးပါ။ နတ်ဘုံနတ်နန်းလားတောင် ထင်မှတ်မှားရလောက် မြင်ကွင်းက အရမ်းကိုဖမ်းစားတယ်။ ဓါတ်ပုံတွေထဲမှာပဲ စွဲလမ်းခဲ့ရတဲ့ ဟလောင်းဘေးကို ကိုယ်မျက်လုံးနဲ့ တပ်အပ်သေချာ မြင်ရတဲ့အခါ ပါးစပ်ကို မစိနိုင်လောက်အောင် ပျော်မြူးစရာလေနော်.

သင်္ဘောပေါ်ပြန်ရောက်တော့ မနက်စာစားရင်း ဆိပ်ကမ်းကို ပြန်သွားကြတယ်။ လမ်းတလျှောက် ခွေးပုံ၊ ကြက်ဖပုံ အစရှိတဲ့ ကျောက်တောင်တွေကို ငေးမော လက်ညိုးထိုးရင်း ဟလောင်းဘေးကို ခံစားလာကြတယ်။

ဆိပ်ကမ်းရောက်တဲ့အခါ ဟနွိုင်းကို ပြန်။ အလာတုန်းက တည်းတဲ့ ဟိုတယ်မှာပဲ တညပြန်တည်းတယ်။ ဂျာမန်ကောင်လေး ညွန်းဆိုတဲ့ ထောပတ်သီး ကော်ဖီဆိုင်လေးကို သွားကြတယ်။ အင်္ကျီဆိုင်လေးရဲ့ နောက်ထဲမှာ သိုသိုသိပ်သိပ်လေး ရှိနေပြီး ရေကန်ကြီးနဲ့ ဟနွိုင်းမြို့ကို အပေါ်စီးကနေ လေတဖြူးဖြူးနဲ့ ထုိုင်ရတဲ့ ဆိုင်လေးဟာ ကျနော့ စိတ်ကြိုက်ဆိုင်လေးဖြစ်သွားခဲ့တယ်။ 

နောက်နေ့ မနက် အစောကြီးမှာ လေဆိပ်ကို ဆင်းရတယ်။ နေရစ်တော့ ဟနွိုင်းရေ............

ဟနွိုင်းမြို့တနေ့တာ ခရီး

မနက်စာ စားပြီးတာနဲ့ ဟိုတယ်မှာ တိုးဂိုက်က လာကြိုပါတယ်။ ပထမဆုံး လူတွေ သိပ်မများသေးခင် အန်ကယ်ဟိုကို သွားအလေးပြုကြပါတယ်။ အန်ကယ်ဟိုရဲ့ ရုပ်အလောင်းထားတဲ့ အဆောက်အဦးကိုရောက်ဖို့ တော်တော်လေး တန်းစီရတယ်။ အမိုးအကာ တန်ဆောင်းလေး လုပ်ပေးထားတာမို့ ခရီးသွား ဧည့်သည်တွေအတွက် အတော်လေး အဆင်ပြေစေတယ်။

အဆောက်အဦးနား ရောက်လေလေ အစောင့်အကြပ်တွေ များလေလေ။ စည်းကမ်းချက်တွေလည်း များပါတယ်။ ဘောင်းဘီတို လက်ပြတ် ဝတ်လို့မရပါ။ အထဲကိုဝင်ခါနီးမှာ တခါတည်း ပြောပါတယ် စကားပြောခွင့်မရှိ၊ ဓါတ်ပုံရိုက်ခွင့်မရှိ၊ ဆေးလိပ်သောက်ခွင့်မရှိ၊ လက်ကို ဘောင်းဘီအိတ်ထဲ ထည့်ခွင့်မရှိ လက်နှစ်ဖက်ကို ကြက်ခြေခတ်လုပ်ခွင့်မရှိ စသည်ဖြင့်.... အစောင့်က အရပ်ရှစ်မျက်နှာကနေ စောင့်ကြည့်နေပြီး တယောက်ကုို တမိနစ်လောက်စာ ပဲ အချိန်ပေးပါတယ်။

အန်ကယ်ဟိုကို အလေးပြုပြီးတဲ့အခါ သူတို့ အလုပ်လုပ်တဲ့ ရုံးခန်း ပြီးတော့ သူ နေတဲ့အိမ်ကလေးကို သွားကြည့်တယ်။ သစ်သားတွေနဲ့ပဲ ဆောက်ထားပြီး ရိုးရှင်းနေပါတယ်။ အောက်ထပ်ကို ခြေတံရှည်လုပ် အလည်မှာ အစည်းအဝေးလုပ်ဖုို့ စားပွဲဝိုင်းလေးနဲ့။ အပေါ်ထပ်မှာ အိပ်ခန်းနဲ့ စာကြည့်ခန်းလေးပဲရှိပါတယ်။ အတော်ကိုဝန်ကျဉ်းတဲ့ အိမ်ပါ။ အရင်က ရုံးခန်းမှာပဲ အိပ်စားနေတာမို့ ဒီအိမ်ကို အတင်းဆောက်ပေးပြီး နေခိုင်းခဲ့ရတာလို့ ဂိုက်က ရှင်းပြပါတယ်။ တိုင်းပြည် ဆင်းရဲတဲ့ အချိန်မှာ ဟိတ်ဟန်လုပ် နန်းတော်လောက် ဆောက်ပြီး ဇာချဲ့ပြီး မနေချင်တဲ့ ပဒေသရာဇ် အုပ်ချုပ်သူတယောက် မဟုတ်တာ လေးစားစရာပါပဲ။


အဲ့ဒီကနေမှ တိုင်တလုံး ဘုရားကို သွားဖူးကြတယ်။ ကြာပန်းပေါ်ကနေ သားဆုပေးတယ်လို့ဘုရင်က အိပ်မက် မက်တာမို့ တကယ် သားရလာတဲ့အခါ အိပ်မက်ထဲအတိုင်း ဒီဘုရားကိုပုံစံတူ ဆောက်လုပ် ပူဇော်ခဲ့တာပဲဖြစ်ပါတယ်။ ပြင်သစ်နယ်ချဲ့တို့ ဆုတ်ခွာမသွားခင် ဖျက်ဆီးခံခဲ့ရပြီး ပြန်လည်ပြုပြင်ထားတဲ့ တိုင်တလုံးဘုရားကို ယနေ့လက်ရှိ ဖူးမြော်ရတာပါ။ ဧည့်သည်တွေများပြီး တိုးကြိတ်နေတာကြောင့် သေချာ အေးဆေး မဖူးခဲ့ရပါဘူး။

နောက်တနေရာအဖြစ် ဗီယက်နမ်ရဲ့ ပထမဆုံးတက္ကသိုလ်ကိုသွားပါတယ်။ တရုတ်နဲ့သာ မတည့်တာပါ အဝင်ပေါက် မြင်းချည်တိုင်က တရုတ်စာ။ ကျနော်တို့ ငယ်ငယ်တုန်းက ကြားဖူးတဲ့ တက္ကသီလာ ဆိုတဲ့နေရာမျိုးဖြစ်မယ်။ အဆောက်အဦးထဲကို ရောက်ဖို့ တံခါးအဆင့်ဆင့်ကုို ကျော်ဖြတ်ရပါတယ်။ ဘွဲ့ဝတ်စုံတွေနဲ့ ခေတ်လူငယ်တွေလည်း အမှတ်တရ ဓါတ်ပုံလာရိုက်ကြတယ်။ အကြိုက်ဆုံးကတော့ ခေါင်မိုးတွေရဲ့ ဖွဲ့စည်းပုံပါပဲ။

အဲ့ဒီကအပြန် KOTO ဆိုတဲ့ ဆိုင်မှာ နေ့လည်စာကျွေးပါတယ်။ ဒီဆိုင်အကြောင်းကို ပန်းတိုင်းပွင့် ပွင့်တုိုင်းတင့်ကြစေလို ဆိုတဲ့ ပို့စ်လေးထဲမှာ ရေးထားပြီးသားပါ။

နေ့လည်ပိုင်းမှာတော့ ဗီယက်နမ် တိုင်းရင်းသား ကျေးရွာကို လိုက်ပြတယ်။ လူမျိုးစု ၅၄ စုရဲ့ အိမ်ရာပုံစံ နေထိုင်မှု တွေကို စနစ်တကျ စုစည်းထားတဲ့နေရာမို့ လေ့လာကြည့်သင့်တယ်လို့ထင်တယ်။ ပြန့်ကျဲနေတဲ့ မျိုးနွယ်စု တစုဆီတိုင်းကို သွားမကြည့်နိုင်တာမို့ ခုလို တစုတစည်းတည်း လေ့လာခွင့်ရတာ ပိုအဆင်ပြေပါတယ်။

ပြတိုက်ကနေ မြို့ဟောင်းကိုပြန် ပြီးတော့ မြို့ဟောင်းရပ်ကွက်တွေထဲကို ဆိုက္ကားစီးကြတယ်။ ဟနွိုင်းမြို့တည်ဆောက်ပုံကြောင့်  မန္တလေးမြို့ကို သွား သတိရစေပါတယ်။ လုပ်ကိုင်တဲ့ လုပ်ငန်းတွေ အလိုက်ရပ်ကွက်လေးတွေ တည်ဆောက်ထားတာမို့ ဒါတော့ဖြင့် ကျောက်ဆစ်တန်း၊ မျက်ပါးရပ်၊ ရွှေခြည်ထိုး စသည့်ပုံစံမျိုးပါပဲ။ လမ်းဘေးကော်ဖီဆိုင် ယဉ်ကျေးမှု အတော်ထွန်းကားတဲ့ နိုင်ငံပါ။

ဆိုက္ကားပေါ်ကနေဆင်းတော့ ရေပေါ်ရုပ်သေးပြတဲ့ ရုံအရှေ့မှာ ရပ်ပါတယ်။ ရေပေါ် ရုပ်သေးအကြောင်းကိုလည်း အရုပ်များဖြင့် တရေးနိုးသော အတိတ်ဆိုပြီး ပို့စ်တပုဒ်ရေးခဲ့ပြီးပါပြီ။

ရုပ်သေးပွဲအပြီးမှာ ဟိုတယ်ကို ပြန်ပို့ပါတယ်။ နောက်နေ့ မနက်မှာ ဟလောင်းဘေးကို သွားဖို့ အစောကြီးလာကြိုမှာဆုိုတော့ ဒီနေ့ တနေကုန် ပင်ပန်ထားသမျှ အိပ်စက်အနားယူကြဖုို့ပဲ ကျန်ပါတော့တယ်.....