နှစ်သိမ့်ခြင်း

အပြစ်မမြင်ပါနဲ့
တဆစ်ဆစ်
နစ်ဝင်ခံစားတတ်တာ
ငါ့အမှားပါ

သစ်ရွက်တစ်ရွက်ကြွေတာ
လေ,လာမှ မဟုတ်ပါဘူး
လေရူးကို လက်ညိုးထိုးဖို့
သစ်ကိုင်းတွေ ခဏခဏ
ကျိုးပေးရမလား

မိုးစိုလို့
ဖျားတာလား
မိုးစိုထဲသွားခဲ့တာလား
ကောင်းကင်မည်းမည်း
မြင်လျက်
ထီးမဆောင်တတ်ခဲ့

ဘယ်သူမှဇွတ်မဆွဲပဲ
ဖိနပ်ကိုဇွတ်လှည့်
ဦးတည့်တာ ဒီဘက်လို့
မတ်တပ်ရပ်
တစ်ယောက်တည်း
ငြင်းမိပြန်သတဲ့

အလွမ်းဆိုတာ
သင်ကြားခြင်းမဲ့
သင်ရိုးမရှိတဲ့
တတ်မြောက်ခြင်းမှာ
ဂုဏ်ထူးမှတ်ထွက်လို့
အံ့သြမင်သက်

အရာအားလုံးအတွက်
ဘယ်ဘက်ကိုမှ
မလှည့်ပဲ
အောက်တည့်တည့်ငုံ့ကြည့်ရင်း
မြေပြင်မှာ
ငါရှိနေတာ
သင့်လျော်ရဲ့လား
တွေးလျက်

ကိုယ်တိုင်ဆောက်တဲ့
အတ္တအိမ်ထဲမှာ
လမ်းပျောက်နေခဲ့ပြီ

အပြစ်မမြင်ပါနဲ့
တဆစ်ဆစ်
နစ်ဝင်ခံစားတတ်တာ
ငါ့အမှားပါ

ကိုယ့်ကိုကိုယ် နှစ်သိမ့်ကြည့်တာပါ။ ပြေရာပြေကြောင်းဆိုပါတော့…………