ဘူရာခိုင်းနဲ့ Island hopping

နောက်တနေ့ မနက် ဆယ်နာရီမှာ Island Hopping နဲ့ Snorkeling လုပ်ဖို့ ချိန်းထားခဲ့ပြီးပြီ။ ဆယ်နာရီမှာ လုပ်မယ်လို့အချိန်ကိုတော့ မနေ့ညက မအိပ်ခင်မှာ လှမ်းအကြောင်းထားပါတယ်။ မနက်စာစားပြီးတာနဲ့ Dmall ကို ဟိုတယ်က ကားနဲ့ သွားကြတယ်။ ကျနော်တို့ ရောက်တဲ့အချိန်မှာ ပထမချိန်းထားတဲ့ စက်လှေက ခရီးစဉ်က ပြန်မလာသေးတာကြောင့် နောက်တစင်းကို နာရီဝက်စောင့်ရတယ်။ စောင့်နေတုန်းမှာ ဆေးသွားဝယ်ပြီးသောက်ထားလိုက်တယ်။ အဆင်ပြေသွားတာပေါ့..

စက်လှေရောက်တာနဲ့ ချက်ချင်းထွက်ကြတယ်။ ပထမဆုံး Ilig Iligan Beach မှာရပ်ပေးပါတယ်။ သန္တာကျောက်တန်းတွေ သဘာဝအတိုင်းရှိနေဆဲမို့ သိပ်ကိုလှတဲ့နေရာတခုပါ။

နောက်တနေရာအဖြစ် Crocodile Island မှာ ရပ်ပေးပါတယ်။ ဒီနေရာက ငါးတွေက လက်ထဲက ပေါင်မုန့်ကို မကြောက်မရွံ့ တိုးဝင်တွယ်ကပ်စားကြတာ။ အတော်လေး ယဉ်ပါးနေတဲ့ပုံပါပဲ။ 

Crocodile Island ကနေ ခွာတော့ Crystal cove Island ကိုသွားကြတယ်။ အဲ့ဒီမှာ ရေက အရမ်းကြည်ပြီး သိပ်ကိုလှတဲ့ ကျွန်းတခုပါပဲ။ ကျွန်းထဲမှာ ပြင်ဆင်ထားတဲ့အရာတွေကို ဝင်ကြည့်မယ်ဆို ဝင်ကြည့်ခွင့် ပီဆို၂၅၀ပေးရမှာဖြစ်ပါတယ်။ သဘာဝအတိုင်းမဟုတ်ပဲ ပြင်ဆင်ထားတဲ့အရာတွေမို့ ကျနော်တို့ မကြည့်ခဲ့ကြဘူး။ ကမ်းစပ်မှာပဲ ဓါတ်ပုံရိုက်ပြီးပြန်လာကြတယ်။ အဲ့ဒီနေ့က လှိုင်းအတော်ကြီးတာမို့လန်ကာဝီခရီးစဉ်တုန်းက အသည်းငယ်တဲ့ ကျနော့ဘော်ဒါနှစ်ယောက်ကို သွားသတိရမိတယ်။

ဒီတခါတော့ ဆေးအစွမ်းထင်ပါတယ်။ ခေါင်းမမူး မအန်ခဲ့ပါဘူး။ ဒီနေ့တော့ ပင်လယ်စာစားကြမယ်ဆိုပြီး ကမ်းကပ်တာနဲ့ ပင်လယ်စာ စားဖို့သွားကြတယ်။ ပင်လယ်စာမှာ နာမည်ကျော်တဲ့ Dlipapa ကိုတမျှော်တခေါ်လိုက်ရှာရတယ်။ စားသောက်ဆိုင်မှတ်ပြီးလိုက်ရှာတာ တကယ်က Sea food Wet Market ဖြစ်နေတယ်။ အဲ့ဒီဈေးထဲက လတ်လတ်ဆတ်ဆတ်ဝယ် အနားပတ်ပတ်လည်က စားသောက်ဆိုင်တွေမှာ အလေးချိန်နဲ့ချိန် ဟင်းချက်ခပေးပြီး စားကြသောက်ကြတဲ့ ထုံးစံ။ ဂဏန်းချက်နဲ့ ငါးကင်ပဲ စားလို့ အဆင်ပြေတယ်။ ကျန်တာတွေက လန်ကာဝီပင်လယ်စာဆိုင်ကို မမှီပါဘူး။

နေ့လည်စာစားပြီးတာနဲ့ ဒီနေ့ ညနေခင်းကို နေဝင်ရှုခင်းကြည့်ဖို့ နောက်ထပ်ကမ်းခြေတခုမှာ စီစဉ်ထားတယ်။ ပူကာကမ်းခြေကို ပီဆို၂၅၀နဲ့ တုပ်တုပ်စီးပြီး သွားကြတယ်။ ကမ်းခြေကစားသောက်ဆိုင်မှာ ထောပတ်သီးတခွက်နဲ့ နေဝင်ချိန်ကို မျှော်ရတယ်။ လမ်းလျှောက်သူတွေ၊ဘော်လီဘောပုတ်သူတွေနဲ့ ငါးဖမ်းစက်လှေတွေကြောင့် ကမ်းခြေက အသက်ဝင်နေတယ်။ တိမ်ထူတဲ့ နေ့ဖြစ်တာကြောင့် နေတဖြည်းဖြည်း ဝင်လာတာကို ကောင်းကင်အရောင် တိမ်အရောင်ကနေပဲ သိရတယ်။ နေလုံးကြီးကိုတော့ မမြင်လိုက်ရပါဘူး။ ဘာပဲပြောပြော လှိုင်းပုတ်သံတွေနဲ့ ငြိမ်သက်နေတဲ့ အရပ်တခုမှာ အေးအေးဆေးဆေး ရှိခဲ့ဖူးတယ်ဆိုတဲ့ မှတ်တမ်းတခု တိုးတာပေါ့လေ.

ကမ်းခြေက ပြန်တော့ Boracay Toilet ဆိုတဲ့ ဆိုင်ကိုဝင်တယ်။ Station 1 မှာရှိပါတယ်။ ဝန်ထမ်းတွေက ဖော်ရွေကြတယ်။ ဈေးနည်းနည်းကြီးတာ ဆိုင်အပြင်အဆင်ကြောင့်ဖြစ်မယ်။ ဖိလစ်ပိုင်ရဲ့ နာမည်ကျော် ဟလိုဟလို ဆိုတဲ့ အစာကို မြည်းစမ်းကြည့်ပါတယ်။ ဖါလူဒါလိုပုံစံပါပဲ ဒါပေမယ့် ဖါလူဒါက ပိုကောင်းတယ်။

စားသောက်ဆိုင်ကနေ Dmall ကိုပြန်သွားတယ်။ Fire Dance ကနေတာကို ငေးကြပြန်တယ်။ နာမည်ကျော် Lechon meat ကိုဝယ်ပြီး ဟိုတယ်ပြန်လာကြတယ်။ နည်းနည်းအချိန်စောသေးတယ် မနေ့ကလိုပဲ အနှိပ်ခံကြမလား ဆိုပြီး အနှိပ်ခံကြပြန်ရော...

မနက်စောစော ဟိုတယ်မှာ Check out လုပ်ပြီး မနက်စာစားတယ်။ ကိုးနာရီခွဲမှာ စီစဉ်ထားတဲ့အတိုင်း လာကြိုပါတယ်။ ကား၊ သင်္ဘော နဲ့ ကားနှစ်နာရီ စီးပြီးတဲ့အခါ ကာလီဘို လေဆိပ်ကိုရောက်ပါတယ်။ ကာလီဘိုကိုရောက်တာနဲ့ မိုးသည်းသည်းမည်းမည်း ရွာပါတော့တယ်။ ကာလီဘိုလေဆိပ်မှာ ပီဆို၇၀၀ လေဆိပ်ခွန်ဆောင်ဖို့ ငွေချန်ကြပါလို့ သွားမယ့်ခရီးသည်တွေကို သတိပေးချင်ပါတယ်။ တချို့က ငွေအကုန်သုံးတတ်ကြတာမို့ ဒုက္ခရောက်နေကြတာ တွေ့ခဲ့ရလို့ပါ။

မိုးစက်တွေကြားကနေပဲ ဘူရာခိုင်းကို လက်ပြနှုတ်ဆက်လိုက်ပါတော့တယ်.........