ဘူရာခိုင်းကမ်းခြေ

ခရီးတခု သွားကြမယ်လေဆိုပြီး စဉ်းစားတော့ တခါမှ မရောက်ဖူးသေးတဲ့ ဖိလစ်ပိုင်ကို တွေးမိတယ်။ ဖိလစ်ပိုင်မှာ အဓိကသွားချင်တဲ့ နေရာတွေ ရှိပေမယ့် ခွင့်ရက်နဲ့ ကုန်ကျစရိတ်တွေ ထည့်တွက်လိုက်တဲ့အခါ ဘူရာခိုင်းဆိုတဲ့ ကမ်းခြေကို ရွေးမိကြတယ်။ ဘူရာခုိုင်းက Trip Advisor မှာ မနှစ်က အကောင်းဆုံးကမ်းခြေ ဆုရထားတဲ့  ကမ်းခြေတခုပါ။ အသွားအပြန်လေယာဉ်လက်မှတ် စလုံး ၁၈၀လောက်ကျပါတယ်။ ခရီးသွားထားတဲ့ မိုင်တွေနဲ့ ပြန် Claim လိုက်တဲ့အခါ ကျနော်ပေးလိုက်ရတာ ၈၀ပါ။

ဘူရာခိုင်းကိုသွားတဲ့ လေဆိပ်နှစ်ခုရှိပြီး ကျနော်တို့ သွားတဲ့ Tiger Air က Kalibo ကာလီဘိုလေဆိပ်မှာ ဆိုက်ပါတယ်။ လေယာဉ်ခရီးစဉ်က လေယာဉ်ချိန်ထက် နှစ်နာရီကျော်မှ ထွက်ပါတယ်။ အကြောင်းကြားထားခြင်း ခရီးသည်ကို စနစ်တကျ ဖြေဆိုခြင်း မရှိလို့ Tiger Air ကို ကွန်ပလိန့်တက်ခဲ့သေးတယ်။ နှစ်နာရီကျော်နောက်ကျတဲ့အတွက် နေဝင်ချိန်ရှုခင်း ကြည့်မယ့် အစီအစဉ်ကို ဖျက်ပစ်လိုက်ရတယ်။

ကာလီဘိုကို ရောက်တဲ့အခါ Reveiw တွေဖတ်ထားတဲ့အတိုင်း South West Agency ကနေ Door to Door Transfer Package ကိုပဲ ဝယ်လိုက်တယ်။ လေဆိပ်ကထွက်တာနဲ့ အမိုးလေးအောက်မှာ လူတွေဝိုင်းပြီးဆွယ်ကြလိမ်မယ့်။ တချို့ကတော့ ဈေးချပေးတယ် ကျနော်တို့ကတော့ အနောက်တောင်မှ အနောက်တောင်ပဲ။ ဝယ်ပြီးတာနဲ့ ကျနော်တုို့ကို သူတို့ အနောက်တောင် တံဆိပ်စတစ်ကာပေါ်မှာ ဟိုတယ်နာမည်နဲ့ ကပ်ပြီး သူတို့လူတွေက ခရီးစဉ်တလျှောက်ခေါ်သွားတယ်။ကာလီဘိုကနေ ကားနှစ်နာရီမောင်းပြီး ကာတီကန်သင်္ဘောဆိပ်ကို ရောက်တယ်။ ကာတီကန်ကနေ ၁၅မိနစ် သင်္ဘောစီးသွားရင် ဘူရာခိုင်းကမ်းခြေကိုရောက်ပါတယ်။ ကမ်းခြေကိုရောက်တဲ့အခါ နောက်ထပ် ကားနဲ့ ဟိုတယ် ဧည့်ကြိုကောင်တာအထိ လိုက်ပို့ပေးတဲ့ Package ပါ။ တယောက်ကုို အသွားအပြန် ပီဆို ၂၅၀၀ပေးရပြီး အပိုထပ်ဆောင်း မပေးရတော့ပါဘူး။ တော်တော်လေးလည်း စနစ်တကျ ချိတ်ဆက်ပြီး သွားရလာရ အဆင်ပြေခဲ့တယ်။

ဘူရာခိုင်းမှာ တည်းမယ် ဆိုရင် အဓိက သုံးနေရာရှိပါတယ်။ Station 1, Station 2, Station 3 သုံးနေရာရှိပြီး၊ နံပါတ် နှစ်က အစည်ကားဆုံးပဲ။ Night life, Shopping နဲ့ စားသောက်ဆိုင်တွေ စုထားတဲ့နေရာပါ။ နံပါတ်၁မှာတော့ ကလပ်တွေ Pubတွေနဲ့ ညမှာ ဆူဆူညံညံရှိတတ်တယ်။ နံပါတ်သုံးကတော့ အငြိမ်ဆုံးအတိတ်ဆုံးနဲ့ Resort တွေအများဆုံးရှိတဲ့နေရာ။ ကျနော်တို့ကတော့ သုံးနေရာလုံးနဲ့ မနီးမဝေး ကိုယ်ပိုင်ကမ်းခြေရှိတဲ့ Resortကို ရွေးခဲ့တယ်။ Villas ပေါင်း ၂၀ရှိပြီး ရေကူးကန် ၅ခုနဲ့ ကြီးမားတဲ့ Resort ပါ။

နာမည်က Fairways & Blue Water ပါ။ တညကိုနှစ်ယောက်ခန်း တခန်း တညအတွက် စလုံး ၁၁၇ကျပ်ကျပြီး မနက်စာပါ ပါတယ်။ ဟုိုတယ်ကနေ နံပါတ်နှစ် ကမ်းခြေနေရာရှိတဲ့ Dmall နေရာကို မနက်ကိုးနာရီကနေ ညနေ ခြောက်နာရီအထိ တနာရီကြားတခါ Shuttle bus နဲ့ပို့ပေးတယ်။ ညနေ ခြောက်နာရီနေ ဆယ်နာရီအထိ နာရီဝက်ကြားတခါ ကားအကြိုအပို့လုပ်ပေးတယ်။ ဟိုတယ်အတွင်း တနေရာနဲ့တနေရာ ရေကူးကန်၊ ကိုယ်ပိုင်ကမ်းခြေ သွားချင်ရင်တော့ ၂၄နာရီ ကားအကြိုအပို့ရှိပါတယ်။ Villa မှာရှိတဲ့ ဟိုတယ်ဝန်ထမ်းတွေကို ဘယ်သွားချင်တယ်ဆိုတာ ပြောပြီး လာကြိုမယ့် ကားကို ထိုင်စောင့်ရုံပဲ အရမ်းအဆင်ပြေတယ်လေ။ ကျယ်ပြန့်တဲ့ မြေနေရာနဲ့ ဟိုတယ်ဝန်ထမ်းတွေ အများအပြားခန့်ထားပြီး သန့်ရှင်းသပ်ရပ်နေတာ ခရီးသွားလုပ်ငန်း ဖွံ့ဖြိုးမှုရဲ့ လက္ခဏာပဲ မဟုတ်လား။

တခုပဲ ချိန်းထားတဲ့ အချိန်နဲ့တော့ ကပ်ပြီး ကားကို မစီစဉ်ပါနဲ့။ နေ့လည် ၁၂နာရီ အားလုံး Check out လုပ်တဲ့အချိန်ဆို ဧည့်သည်ပမာဏက များတာမို့ ကားကို နာရီဝက်လေးဆယ့်ငါးမိနစ်လောက်စောင့်ရတတ်လို့ပါ။ Dmall သွားမယ့် ကားမှာ လူပြည့်သွားပြန်ရင်လည်း နောက်ထပ် တနာရီလောက် ထပ်စောင့်ရမှာမုို့ ချိန်းထားတဲ့အချိန်ထက် ဝိရီယနည်းနည်း စောဖို့ လိုပါတယ်။

ဟိုတယ်ရောက်တော့ မှောင်မည်းနေခဲ့ပြီ၊ဟိုတယ်မှာ အထုတ်ချပြီးတာနဲ့ Dmall ကိုသွားမယ့် ကားကို စောင့်ကြတယ်။ နောက်နေ့မှာ Scuba Diving လုပ်ဖို့အတွက် ဒီနေ့စီစဉ်ရမယ်လေ။ ပြီးတော့ ညစာစားရမယ်။ ဟိုရောက်တော့ ဆိုင်တွေ တော်တော်များများ ပိတ်ကုန်ပါပြီ။ ဖွင့်နေဆဲ တကယ်က သူတို့ ဘီယာသောက်နေလို့ နောက်ကျနေဟန်တူပါတယ် Boracay Scuba Inc မှာ ဝင်စုံစမ်းတယ်။ Fun Diving ၄၅မိနစ်စာကို ပစ္စည်းအစုံအလင်အပြင် ရေအောက်ကင်မရာနဲ့ပါ မှတ်တမ်းတင်ပေးမယ် တယောက်ကို ပီဆုို ၂၇၀၀နဲ့ အလုပ်ဖြစ်သွားပါတယ်။ လက်စနဲ့ တခါတည်း နောက်နေ့ Snorkeling အတွက်ပါ မေးကြတယ်။ Island Hoping နဲ့ပေါင်းပြီး သီးသန့် စက်လှေတစင်းထွက်ပေးမယ် အပြီးအစီး ၂၅၀၀ ဆိုတော့ လုပ်ချင်တဲ့ အဓိက အရာတွေ အကုန်ရခဲ့ပြီပေါ့။

ညစာကိုတော့ ဆိုင်မပိတ်သေးခင် Smoke ဆိုတဲ့ ရိုးရာဆိုင်လေးမှာ စားကြတယ်။ ဖိလစ်ပိုင်ထုံးစံ ဝက်သားတွေချည်းပါပဲ အီဖေကိုယ်အကြိုက်ပေါ့။ ညစာစားပြီး ဟိုတယ်ကို တုပ်တုပ်နဲ့ပြန်ကြတယ်။ ပီဆို၁၀၀ပဲပေးရပါတယ်။ မနက်ရေငုပ်သွားမှာမို့ ဟိုတယ်ရောက်တာနဲ့ ရေချိုးပြီး တချိုးတည်း အိပ်လိုက်ကြတယ်.....