ဘူရာခိုင်း နဲ့ ရေငုပ်ခြင်း

မနက်စာ စားပြီးတာနဲ့ Infinity pool မှာ ရေသွားကူးကြမယ်ဆိုပြီးထွက်လာတာ ရေကူးကန်မှာ လူများနေတာနဲ့ ကိုယ်ပိုင်ကမ်းခြေကို ရောက်သွားတယ်။ ကမ်းခြေက သဲဖြူဖြူ ရေကလည်း ကြည်နေတာပါပဲ။ ငါးရောင်စုံတွေကိုမြင်နေရပြီး သန့်ရှင်းတဲ့ ပင်လယ်ပါပဲ။ သီးသန့်ကမ်းခြေဖြစ်တာမို့ လူတွေနဲ့ ကြပ်ခဲမနေပဲ အေးအေးဆေးဆေးရှိနေခဲ့တယ်။ ကမ်းခြေမှာ ရေကူးပြီးတာနဲ့ အခန်းကိုပြန်ကြတယ်။ ဟိုတယ်က Shuttle Bus နဲ့ Dmall ကိုဆင်းတယ်။ ရေငုပ်မှာမုို့ ဗိုက်ပြည့်အောင်ထိ မစားပဲ ပေါ့ပေါ့ပါးပါးကို ရွေးလိုက်ကြတယ်။

ချိန်းထားတဲ့ အချိန်ရောက်တဲ့အခါ သင်တန်းဆရာ ဂျန်ဂျန်က ကျနော်တို့ကို ကြိုတယ်။ ပစ္စည်းကိရိယာတွေအကြောင်း တဆင့်ပြီးတဆင့် အသေးစိတ်ရှင်းပြတယ်။ တယောက်နဲ့တယောက် ဆက်သွယ်ရမယ့် အချက်ပြပုံတွေပြောပြပြီးတဲ့အခါ ရေတိမ်မှာ လေ့ကျင့်ခန်း စတယ်။ ပထမ BCD ကိုလေထုတ် လေသွင်းကနေ စလေ့ကျင့်တယ်။ နောက်ထပ် အသက်ရှူကိရိယာထဲ ရေဝင်ခဲ့ရင် အသက်ပြင်းပြင်းရှူထုတ်ခြင်းဖြင့် ရေကိုထုတ်တာ ပြီးတော့ လျှာနဲ့ ရေဝင်ပေါက်ကိုပိတ်ပြီး ခလုတ်နှိပ်ပြီး ရေထုတ်တာ၊ အသက်ရှူကိရိယာ တခြားသူနဲ့ မတော်တဆ တိုက်မိပြီး လွတ်ထွက်သွားခဲ့ရင် ဘယ်လို ပြန်ရှာယူရမယ်ဆိုတာအထိ မရမခြင်း ကျင့်ခုိုင်းတယ်။ နောက်ထပ်လေ့ကျင့်ခန်းတွေကတော့ မျက်နှာမှန်ကာထဲကို ရေဝင်သွားခဲ့ရင် ပြန်ထုတ်ဖို့၊ ရေအောက်ဖိအားကြောင့် နားအူလာရင် ဘယ်လိုလုပ်မလဲဆိုတာတွေပါ ပါပါတယ်။

အားလုံးအဆင်သင့်ဖြစ်သွားတဲ့အခါ လှေဆီကိုချီတက်ကြတယ်။ ကမ်းခြေနဲ့ ခပ်လှမ်းလှမ်းကိုရောက်တဲ့အခါ ဂျန်ဂျန်က သူတို့ရုံးကိုရောက်ပြီဆိုပြီး အရင်ဆင်းသွားတယ်။ ကျနော်တို့ အဆင်သင့်ဖြစ်အောင် ပြင်ဆင်ပြီးတဲ့အခါ တယောက်ချင်းဆီကို နောက်ပြန် ဇောက်ထိုးရေထဲထိုးချခိုင်းတယ်။ တခါတည်းရေအောက်ကို တိုက်ရိုက်ရောက်သွားပြီး လူက အလိုက်သင့်အလျားသင့်ဖြစ်အောင် ခဏစောင့်ပေးတယ်။ ပြီးတာနဲ့ ရေအနက် ငါးမီးတာကိုခေါ်သွားပြီး ငါးရောင်စုံတွေနဲ့ ဓါတ်ပုံရိုက်ပေးပါတယ်။

ငါးမီးတာကနေမှ တဖြည်းဖြည်း ဆယ့်နှစ်မီတာအထိ တဖြည်းဖြည်း ခေါ်သွားပါတယ်။ ရှစ်မီတာလောက်ရောက်တဲ့အခါ ပါလာတဲ့ Gopro ရေအောက်ကင်မရာက အိမ်မပါတဲ့အတွက် အလုပ်မလုပ်တော့ပဲ ရပ်သွားတယ်။ ရေအောက်ကြမ်းပြင်မှာ Nemo ငါးလေးတွေနဲ့ ဆုံဖြစ်ခဲ့တယ်။

အချိန်ပြည့်တဲ့အခါ ရေအနက်ကနေ ရေတိမ်ကို တဖြည်းဖြည်း ပြန်ခေါ်လာတယ်။ ဒီတခေါက် ရေထဲမှာ မအန်ချင်ပဲ အဆုံးထိရေငုပ်လိုက်နိုင်တယ်။ အပေါ်ရောက်ပြီး သိပ်မကြာခင်မှာပဲ ထုံးစံအတိုင်း အန်ပါတော့တယ်။ ဂျန်ဂျန်ကတော့ ကျနော့မှာ Sea sickness ရှိတာလို့ပြောပြီး နောက်တခါ ပင်လယ်ထဲမဆင်းခင် တနာရီ ဆေးကြိုသောက်ဖို့၊ တကယ်လို့ မူးလာခဲ့ရင်လည်း အနီးဆုံးကို မကြည့်ပဲ အဝေးကရှုခင်းတွေ အစိမ်းရောင်တွေကို ကြည့်ပါလို့  အကြံပေးခဲ့တယ်။

အဲဒီညနေကိုတော့ နေဝင်ရှုခင်းကြည့်ရင်း ညစာစားကြမယ်ဆိုပြီး ဆုံးဖြတ်ကြတယ်။ ဒါနဲ့ နေဝင်ရှုခင်းကြည့်လို့ကောင်းတဲ့ Spider house ကိုသွားကြတယ်။ ညနေ လေးနာရီကျော်မှာ ဆိုင်ကိုရောက်ပေမယ့် ရှုခင်းကြည့်လို့ကောင်းတဲ့ နေရာတွေ အကုန်ပြည့်နေခဲ့ပြီ။ ဒီဆိုင်မှာ ရေထဲကိုခုန်ချလို့ရတဲ့နေရာ ရှိသလို၊ရေလယ်ခေါင်မှာ နားခုိုဆော့ကစားဖုို့ နေရာတွေလည်း ရှိတာမုို့ စည်ကားတာနေမယ်။ ဇွဲနဲ့ စောင့်ကြည့်ရင်း နေရာလွတ်တွေရွှေ့ရင်း နေလုံးဝင်တာ မမြင်ရပဲ တိမ်တွေကို အလင်းရောင်နဲ့ ဆေးရောင်ခြယ်သွားတာပဲ မြင်လိုက်ရတော့တယ်။

မှောင်ပြီဆိုတော့ ဟိုတယ်ကိုပြန်လာကြတယ်။ ဟိုတယ်ပြန်ရောက်တော့ ငြိမ်ငြိမ်မနေနိုင်ကြသေးဘူး။ ရေငုပ်ထားတာ ပင်ပန်းတယ် အနှိပ်ခံကြမယ်ဆုိုပြီး ဟိုတယ်က ဝန်ဆောင်မှုကို အခန်းထဲ လှမ်းခေါ်တယ်။ တနာရီကို ပီဆို၇၅၀နဲ့ အေးအေးဆေးဆေး ဇိမ်ခံလိုက်ကြသေးတယ်။ နှိပ်တာကတော့ အင်ဒိုနီးရှားထက်ကောင်းပြီး ယိုးဒယားကိုတော့ မမှီသေးဘူး......