ခ်မ္းယဥ္ေက်းမွဳ၊ ေဟြအမ္းျမဳိ႕ေဟာင္း

 အရင္ရက္ေတြက မိုးမရြာတာ ကံေကာင္းတယ္လို႕ ေျပာရမလိုပါပဲ။ မိုးေရေတြထဲက ေဟြးကို ၾကည့္ရတာ လြမ္းစရာအျပည့္။



ေဟြးကေန ေနာက္တျမိဳ႕ ေဟြအမ္းကို သြားတယ္။ ဒါနံကို ျပန္ျဖတ္ရတာမုိ႕ သြားတဲ့လမ္းမွာ ခ်မ္းလူမ်ိဳးေတြရဲ့ ယဥ္ေက်းမွဳ ျပတိုက္ကို ဝင္ပါတယ္။ ခ်မ္းလူမ်ိဳးေတြကို က်ေနာ့စိတ္ထဲေတာ့ ဟိႏၵဴလူမ်ိဳးေတြလို႕ပဲ မွတ္တယ္။ ေရအိုး၊ အဝတ္အစား၊ အသံုးအေဆာင္ေတြက အစ တူတယ္။ ေနာက္ထပ္တူတာ ရွိေသးတာကို မြိဳင္ဆမ္းဆိုတဲ့ အရပ္မွာ ပိုသိလာရတယ္။
 
ျပတိုက္အေဆာက္အဦးကို ျပင္သစ္ပံုစံ ေဆာက္လုပ္ထားျပီး ၁၉၀၂ခုႏွစ္ကေန ေနာက္ထပ္ႏွစ္ၾကိမ္တိုင္တိုင္ တိုးခ်ဲ႕ ျပဳျပင္ထားတာမို႕ ရိုးရိုးရွင္းရွင္းနဲ႕ လွပတဲ့အေဆာက္အဦးပါ။ စုေဆာင္းထားတဲ့ ခ်မ္းလူမ်ိဳးေတြရဲ့ ယဥ္ေက်းမွဳ အစုစုဟာ ခမ္းနားၾကီးက်ယ္ျပီး အဆင့္ျမင့္မားတဲ့ လူမ်ိဳးစုတခုျဖစ္ေၾကာင္း ေကာင္းေကာင္းသက္ေသျပလို႕ေနတယ္။



ခ်မ္းကေခ်သည္ဟန္


ဟိႏၵဴရိုးရာ ဂရုဒါ ငွက္ရုပ္





ဘာသာယဥ္ေက်းမွဳေတြနဲ႕အတူ အႏုသုခုမပညာပါ တိုးတက္ထြန္းကားတဲ့ လူမ်ိဳးစုၾကီး တစုလို႕ ဆိုတာ မျငင္းႏိုင္တဲ့ သက္ေသေတြပါပဲ။



ျပတိုက္ကေနထြက္လာတဲ့အခါ မာဘယ္လ္ေက်ာက္ေတြကို ထုလုပ္တဲ့ လုပ္ငန္းကို ပို႕ပါတယ္။ ေက်ာက္သားျဖဴျဖဴ အရုပ္ေတြရယ္၊ တျခားတျခားေသာ ေရာင္စံု အရုပ္ေတြနဲ႕ ေက်ာက္ထုတဲ့ လုပ္ငန္းကလည္း စိတ္ဝင္စားစရာပါပဲ။ ေဟြအမ္းကို ေရာက္တဲ့အခါ မုိးက တဖြဲဖြဲရြာေနျပီ။ ဟိုတယ္က သံုးနာရီမွ ဝင္ရမွာျဖစ္ျပီး ေန႕လည္စာကို ကိုယ့္အစီအစဥ္နဲ႕ ကိုယ္စားဖို႕ပါ။ ေစ့စပ္ေသခ်ာတဲ့ ဂိုက္က က်ေနာ့ေက်ာပိုးအိတ္ကို ကာဖို႕ မိုးကာပလတ္စတစ္ထုတ္ေပးပါတယ္။ ျပီးေတာ့ သူနဲ႕ အတူ ထမင္းလိုက္စားမလားလို႕ ဖိတ္ေတာ့ အားရဝမ္းသာ လိုက္တာေပါ့။ သူထင္ထားတာ ကိန္းၾကီးခမ္းၾကီး ထမင္းဆိုင္မွာမွ စားတတ္မယ္လုိ႕ ထင္တာကိုး။ ေဒသခံေတြနဲ႕အတူတူ နာမည္ၾကီး ၾကက္ဆီထမင္းဆိုင္မွာ လိုက္စားေတာ့ သူလည္း အေတာ္ေလး ေပါ့ေပါ့ပါးပါးျဖစ္သြားတယ္။

စားေသာက္ျပီးတဲ့အခါ ပိုးခ်ည္မွ်င္ ထုတ္လုပ္ငန္းနဲ႕ ရိုးရာယဥ္ေက်းမွဳ ေဖ်ာ္ေျဖတဲ့ေနရာကို လိုက္ပို႕တယ္။ ပိုးေကာင္ေလးေတြကေန စလို႕ ပိုးခ်ည္မွွ်င္ဆြဲထုတ္တာအျပင္ ရက္လုပ္တာအဆံုး အဆင့္ဆင့္ကို စနစ္တက်ရွင္းျပေပးတယ္။ ေမ့အတြက္ ပိုးပုဝါအစိမ္းေလးတထည္ဆြဲခဲ့လိုက္တယ္။ ဆိပ္ကမ္းျမိဳ႕ျဖစ္တာမုိ႕ တံငါသည္နဲ႕ ကညာပ်ိဳအကလိုမ်ိဳးကို ဟာသဆန္ဆန္တင္ဆက္တာ ေတြ႕ရတယ္။ အိမ္လို အေဆာက္အဦးထဲမွာပဲ တူရိယာေတြနဲ႕ ခင္းက်င္းျပသထားတာပါ။
ဟိုတယ္ကို လိုက္ပို႕ျပီးတဲ့အခါ ကားသမားေရာ ဂိုက္ေရာ ဒါနံကို ျပန္အိပ္ၾကတယ္။ ညပိုင္းအစီအစဥ္ကေတာ့ က်ေနာ့ဖာသာ က်ဳပ္က်က္လိဖို႕ပါ။ ဟိုတယ္အခန္းက အရမ္းကို က်ယ္လြန္းတယ္။ တကယ့္ကို က်ယ္လြန္းတယ္။

ဟိုတယ္က ေျမပံုစာရြက္ကို ကိုင္ျပီး ေလွ်ာက္သြားတယ္။ မီးေတြထြန္းထားတာ သီတင္းကြ်တ္လိုလို၊ တန္ေဆာင္တုိင္လိုလို။ မီးပံုေတြ ကိုယ္တိုင္လုပ္ျပီး ေရာင္းတဲ့ျမိဳ႕မုိ႕ ညပိုင္း အိမ္တိုင္းဆိုင္တိုင္းဟာ မီးပံုးကိုယ္စီနဲ႕ ညခင္းဟာ လွပလို႕ေနတယ္။
ဒါတင္ပဲလားဆိုေတာ့ ျမစ္ထဲကိုပါ မီးေမွ်ာပြဲလုပ္ၾကေသးတာ။ မီးေမွ်ာဖို႕ စကၠဴခြက္ေလးေတြနဲ႕ ေရာင္းေနတဲ့ ကေလးေလးဆီမီးခြက္ေတြ အားေပးရင္း သူ႕ကိုပါ ဓါတ္ပံုရိုက္ျဖစ္ခဲ့တယ္။
ညေနစာ မစားခ်င္တာမုိ႕ ေကာ္ဖီဆိုင္မွာ မုန္႕တခု၊ ေကာ္ဖီတခြက္နဲ႕ ျငိမ္းခ်မ္းလိုက္တာ။ ေအးလာျပီဆုိေတာ့မွ ဟိုတယ္ျပန္ဖို႕ကို သတိရတယ္။ လမ္းေတြ မွတ္မိသလိုလိုနဲ႕ မမွတ္မိျပန္ဘူး။ လက္ထဲကေျမပံုကို ကိုင္ျပီး ေလွ်ာက္ေနရင္း စိတ္ထဲမွာ ေဝးသည္ထက္ ေဝးလာတယ္လုိ႕ ထင္တယ္။ ေခါက္ဆြဲဆိုင္သိမ္းေနတဲ့ ေဒသခံႏွစ္ေယာက္ကို ဟိုတယ္လိပ္စာျပျပီးေမးတဲ့အခါ အမ်ိဳးသားလုပ္သူက သူစက္ဘီးနဲ႕ လိုက္ပို႕ေပးမယ္လို႕ ေျပာတယ္။ ဟာ အေတာ္ဟုတ္ပါလားေပါ့ တယ္လည္း ကူညီတတ္ၾကတဲ့ လူမ်ိဳးပဲလို႕။ မင္းတို႕ အလုပ္ျပတ္ေနလိမ့္မယ့္လုိ႕ ေျပာတဲ့အခါ ရတယ္ ရတယ္တဲ့ မင္းဆယ္ေဒၚလာပဲေပးဆိုျပီး ေျပာပါေလေရာ။ စိတ္ထဲ မ်က္ခနဲ ျဖစ္သြားျပီး ေန,ေန လို႕ ငါလမ္းေလွ်ာက္ႏိုင္ပါတယ္လို႕။

စိတ္တိုတိုနဲ႕ ဟိုတယ္ကို ကိုယ့္ဖာသာ မေရာက္ေရာက္ေအာင္ ေလွ်ာက္မယ္ဆိုျပီး သူတုိ႕ေနရာကေန ထြက္လာခဲ့လိုက္တယ္....

 

 

ေရေမႊးျမစ္၊ သိမ္းေမြ၊ အန္ကယ္ဟို ျပီးေတာ့ ႏွစ္သစ္ကူးည

ကွေးကွေးလေးနဲ့ နှပ်နေတာ အတော်တောင်ကြာလို့ စာဖတ်သူတွေတောင် ဒီခရီးစဉ်ကို မေ့လောက်ရောပေါ့။ သွားခဲ့တဲ့ခရီးတွေကို ရေးတဲ့အခါ ဓါတ်ပုံတွေစုရ၊ အကြောင်းအရာတွေကို ပြန်ဖတ်၊ ခရီးစဉ်တွေကို ပြန်စဉ်းစားရနဲ့ အတော်လေး နှောင့်နှေးစေတယ်။ စိတ်မအား လူမအား ဖြစ်ရတဲ့အခါ ခရီးသွားအကြောင်းအရာတွေကို တော်တော်နဲ့ ပြန်မကိုင်ဖြစ်လို့ပါ…

ဟွေးရဲ့ နောက်ဆုံးနေ့မှာတော့ နာမည်ကျော် ရေမွှေးမြစ်ထဲမှာ သင်္ဘောစီးခြင်းပေါ့။ ဂိုက်နဲ့အတူ သင်္ဘောဆိပ်ကိုဆင်းတယ်။ မြန်မာပြည်နဲ့ အတော်လေးဆင်ပါတယ်။ ကျနော်တို့ မကွေး-အထက်မင်းလှ သင်္ဘောခရီးစဉ်ကို ပြန်သတိရစေတယ်။ 

သင်္ဘောခရီးစဉ်တလျှောက် မြစ်ထဲက ဘေးဘယ်ညာကို ဓါတ်ပုံတွေ ရိုက်တယ်။ တိုးဂိုက်က အသံတခုပြုတဲ့အခါမှ နောက်ကို လှည့်ကြည့်မိတယ်။ သင်္ဘောပိုင်ရှင်ရဲ့ ကလေးဟာ ပန်းချီကားလေးတွေနဲ့ ကျနော့ကို စျေးရောင်းချင်လို့ စောင့်နေရှာတယ်။ ကျောင်းတက်သလားလို့ မေးတော့ တက်တယ်တဲ့။ ဒါဆို သူတို့ပညာရေး မဆိုးလှဘူးပေါ့။

မြစ်ထဲမှာ ငါးမျှားသူ၊ ခေါင်းလျှော်သူ၊ လှေလှော်သူတွေကို ဓါတ်ပုံ ရိုက်ဖြစ်ခဲ့တယ်။

ဗီယက်နမ်မှာ အမြင့်ဆုံး ဘာသာရေး အဆောက်အအုံအဖြစ် ရှိနေဆဲ သိမ်းမွေ ဗုဒ္̕ဓဘာသာ ဘုရားကျောင်းဟာ ရေမွှေးမြစ်ရဲ့ မြောက်ဖက်ကမ်းဦးမှာ ရှိတယ်။ မြစ်ထဲကနေ မြင့်မားတဲ့ အဆောက်အဦးကို မြင်နေရပြီ။ ကမ်းနဖူးက ဘုရားဟာ အရပ်ရပ်က ခရီးသွားတို့ လှမ်းမျှှော်ဖူးချင့်စဖွယ်။ 

၁၆၀၁ခုနှစ်မှာ ပထမဆုံးသောငုယင်ဘုရင်တည်ခဲ့တာ ဖြစ်ပြီး နတ်သမီး ဒါမှမဟုတ် နတ်ဘုရား တပါးက အဲ့ဒီမြေနေရာမှာ ဘုရားတည်ဖို့ တိုက်တွန်းခဲ့တယ်။ တိုက်တွန်းပြီးတာနဲ့ နတ်သမီးဟာ မျက်စိရှေ့တင်ကနေ ချက်ချင်းကွယ်ပျောက်သွားခဲ့တယ်လို့ ယုံကြည်ခဲ့ကြတယ်။

စတည်ကာစက ရိုးရှင်းစွာ ဆောက်လုပ်ထားပေမယ့် နောက်ခေတ်အဆက်ဆက် ပြုပြင်မွမ်းမံမှုတွေနဲ့ ယနေ့မြင်ရတဲ့ ဘုရားကျောင်းပုံစံဖြစ်နေခဲ့ပါပြီ။ တိုးဂိုက်က မြစ်ကမ်းကို ကပ်ပြီးဆောက်ထားတဲ့ စည်းရိုးဘောင်ပေါ်ကနေ ရေမွှေးမြစ်ကို ဓါတ်ပုံရိုက်ဖို့၊ ထင်းရှူးပင်ကြီးတွေနဲ့ ပဏာရနေတဲ့ ဘုရားကျောင်းကို ဓါတ်ပုံရိုက်ဖို့ တဖွဖွပြောနေလေရဲ့။

ကျောင်းဝန်းတနံတလျားကိုလည်း လျှောက်ကြည့်ဖို့ တိုက်တွန်းတာမို့ တိုက်တဲ့လေနုအေးကို ရှူရှိုက်ရင်း ကျောင်းဝန်းအနှံ့ လျှှောက်ကြည့်နေတုန်းမှာ ကားတစင်းကိုသွားတွေ့တယ်။ အဲ့ဒီကားရဲ့ နောက်ခံဇာတ်လမ်းဟာ ကြက်သီးထဖွယ်စရာ ကောင်းတဲ့ အဖြစ်အပျက်ကိုပါ တွေ့လိုက်ရတယ်။

ကားပိုင်ရှင်က သင့်ကွမ်ဒပ် လို့ ဘွဲ့ရတဲ့ ရဟန်းတပါးရဲ့ကားပါ။ အဲ့ဒီကားကို ဒီဘုရားမှာ သိမ်းထားတာဖြစ်ပြီး အဆိုပါ ရဟန်းရဲ့ နာမည်ကျော်ဓါတ်ပုံကို ကျနော် ဟိုတယ်ရောက်မှ အင်တာနက်ထဲမှာ ရှာကြည့်ဖြစ်ပါတယ်။ ၁၉၆၃ ခုနှစ်ကာလ ဗီယက်နမ် နိုင်ငံရဲ့ ဘာသာရေး အချေအတင်ဖြစ်ကြရာကနေ ဒီရဟန်းက သူ့ဘာသာသာသနာအတွက် ဓါတ်ဆီငါးဂါလန်ပုံးကို ကိုယ်ပေါ်လောင်းကာ မီးရှို့ဆန္ဒပြခဲ့လိုပါပဲ။ သင်္ကန်းတွေ အသားတွေ တဖြည်းဖြည်းလောင်ကျွမ်းနေတဲ့အထဲကနေ ကြာပန်းပုံ ဝတ်ပြုလျက် သူရဲ့ ဓါတ်ပုံဟာ ကမ္ဘာတလွှားမှာ အတော်ကို ကျော်ကြားသွားခဲ့တယ်။ တကိုယ်လုံးလောင်ကျွမ်းသွားသည့်တိုင် လှုပ်ခြင်း ရုန်းကန်ခြင်း ငိုညည်းခြင်းမရှိတဲ့ သူ့အဖြစ်အပျက်က အားလုံးကို တုန်လှုပ်သွားစေခဲ့တယ်လို့ သိရပါတယ်။

အဲ့ဒီအဖြစ်အပျက်ကို ဂိုက်က အတိုချုံးပြောသွားပြီး နောက်မှ သေချာရှာဖတ်ခဲ့တာပါ။ ကျောင်းဝန်းတလျှောက် တိတ်ဆိတ်ငြိမ်သက်မှုကတော့ အံ့သြစရာကောင်းလှပါတယ်။

အပြန်ကိုတော့ မြစ်ကြောင်းနဲ့ မဟုတ်ပဲ ကားနဲ့လာခေါ်ပါတယ်။ နေ့လည်စာစားသောက်ပြီးတဲ့အခါ ညနေဖက်မှာ လျှောက်လည်ဖို့ ဆိုက်ကလိုလို့ခေါ်တဲ့ ဆိုက္ကားဆရာနဲ့ ချိတ်ပေးပါတယ်။ ဆိုက်ကလိုဆရာက ညနေ ခြောက်နာရီ ဟိုတယ်ရှေ့မှာ စောင့်နေမှာဖြစ်ပြီး ကျနော်သွားချင်တဲ့ နေရာတွေကို မောင်းပို့ပေးဖို့ ဂိုက်က ပြောပေးရှာတယ်။

ရေမိုးချိုး ညနေ ခြောက်နာရီ မှောင်ရီပျိုးချိန်မှာ ဆိုက်ကလိုဆရာနဲ့ ဟွေးညနေခင်း ခရီးကိုဆက်ခဲ့တယ်။ အဓိက ရိုက်ချင်တာ ခရမ်းရောင်နန်းတော်ရဲ့ ညခင်းမီးထွန်းချိန်ပါ။ ဒါပေမယ့် နန်းတော်ကြီးကို အမှောင်ချထားတာမို့ အခွင့်မသာခဲ့ဘူး။

ရိုးရာအိမ်ဆိုတဲ့နေရာလေးတွေ လိုက်ပို့ပေးတယ်။ စျေးရောင်းဖို့ ဦးတည်ထားတဲ့ နေရာတွေဆို ဝေးဝေးရှောင်တာမို့ ခပ်ကြာကြာမနေဖြစ်ခဲ့ဘူး။

အားလုံးထဲကမှ အန်ကယ်ဟိုရဲ့ အိမ်အဟောင်းကို ပိုပြီး စိတ်ဝင်စားပါတယ်။ အန်ကယ်ဟိုဟာ ဟွေးမှာ ကျောင်းတက်ခဲ့ပြီး တော်လှန်ရေး စိတ်ဓါတ်တွေ အဲ့ဒီအရပ်ကနေ စတင်မွေးဖွားခဲ့တယ်လို့ ဆိုနိုင်တယ်။ အန်ကယ်ဟိုရဲ့ ရိုးစင်းလှတဲ့ ကျေးလက်အိမ်ကလေးကို ဓါတ်ပုံအမှတ်တရ အမှောင်ထဲကနေ မဖြစ်ဖြစ်အောင် ရိုက်ခဲ့ပါတယ်။

အပြန်လမ်းမှာတော့ နာမည်ကျော် ဖိုလို့ခေါ်တဲ့ ဗီယက်နမ်ခေါက်ဆွဲကို ဆိုက်ကလိုဆရာ အကူအညီနဲ့ လမ်းဘေးက ဆိုင်မှာ စားဖြစ်ခဲ့တယ်။ ဒေသခံတွေ တော်တော်များများ စားနေကြတာ အားရစရာ။ ခေါက်ဆွဲနဲ့တင် မရပ်သေးပဲ ဘဲတွေ အကောင်လိုက်ကင်နေတာကို တခြမ်းမြည်းဖို့ ဝယ်တာ စလုံးလေးကျပ်လောက်ပဲ ပေးရတာ။ မကုန်ဘူးဗျာ အရှုံးပေးခဲ့ရတယ်။

အဲ့ဒီညက နှစ်သစ်ကူးညမို့ တမြို့လုံး လူတွေဟာ အပြင်မှာချည်းထင်တယ်။ ပြင်သစ်တွေ ဆောက်ခဲ့တဲ့ တံတားကို မီးရောင်တွေပြောင်းပြီး အလှဆင်ထားတယ်။ တံတားဒီဖက်ကထိပ်ကနေ ဟိုဖက်ထိပ်ကို ပြီးအောင်လျှောက်တယ်။ ဓါတ်ပုံရိုက်တယ်။ ခဏလောက်နေတော့ ဟိုတယ်ကို ပြန်လျှောက်လာခဲ့တယ်.

ဟိုတယ်ပြန်ရောက်တာနဲ့ နောက်နေ့ တခြားမြို့တခုကို ခရီးဆက်မှာမို့ ခရီးဆောင်အိတ်ပြန်စီရတယ်။ မနက်စောစောပြန်ထွက်ဖို့အတွက် စောစောအိပ်လိုက်တာပဲ ကောင်းပါတယ်။

 မနက်ခင်း ဟွေးမြို့က မိုးတဖွဲဖွဲကျပြီး နှုတ်ဆက်နေခဲ့ပြီ။ နောင်တချိန် ပြန်တွေ့ကြဦးစို့လို့………..

ၾကာပန္းပမာ လန္းျဖာေစလိုု

ၾကာပန္းတိုု႕၏အရွင္.... ပန္းတိုု႕ပမာ မ်ားမၾကာ လန္းျဖာေစလိုသည္
ေဝဒနာတိုု႕ ပိန္းၾကာဖက္တြင္ ေရမတင္သကဲ့သိုု႕ ေလွ်ာက်ေပ်ာက္ကင္းေစလိုပါသည္

ေမွးမွိန္ေဖ်ာ့ေတာ့လာသည့္ေနာက္

လိုက္ကာကို ဖယ္၍ ျပတင္းတံခါးကေန ၾကည့္ေနမိသည္။ တံခါးခ်ပ္တို႕ ေလတိုးသည့္အတိုင္း လွဳပ္ယမ္းေနသည္ကို ေက်ာ္ျပီး ၾကည့္သည္။ ေဝးသြားေသာ အရာတခုက ဘယ္ေတာ့မွ ျပန္နီးလာႏိုင္ေတာ့မည္ မဟုတ္…

ေတာက္ပေသာ အေရာင္တခု ျမင္ခဲ့ဖူးေသာ ရက္တို႕ကို ေတြးမိသည္။ ေတာက္ပျခင္းကို ႏွစ္လိုစြာ ေငးခဲ့ဖူးသည္မွာ အတိအက်။ အေရာင္တို႕ ကူးစက္လာသေယာင္ ခံစားမိတိုင္း သူ က်ေနာ့ကို အကြ်မ္းဝင္လာသည္ဟု ယံုၾကည္မိသည္။ တကယ္တမ္းက အေရာင္ေတြ ကူးစက္မလြယ္ေသာ က်ေနာ့အျဖစ္ကို ေမ့ေလ်ာ့သူမွာ က်ေနာ္ျဖစ္ေနခဲ့သည္။

ထုိအခါ ေတာက္ပျခင္းက က်ေနာ့အျဖစ္ကို သိသည္ဟု က်ေနာ္က ထင္ေနခဲ့သည္။ ေတာက္ပျခင္းက က်ေနာ့ကို ခ်ည္ေႏွာင္လိုသည္ကိုလည္း တျဖည္းျဖည္းႏွင့္ သိလာခဲ့သည္။ သူခ်ည္ေႏွာင္လိုေသာ အရာက က်ေနာ့အေတာင္ေတြျဖစ္ေနတာေတာ့ မေကာင္းပါ။

သူနဲ႕ ပတ္သက္၍ ဘယ္အရာကိုမွ ခ်ဳပ္ကိုင္မထားလိုခဲ့။ သူလင္းလာေသာ အခ်ိန္မွာက်ေနာ္က အဆင္သင့္ျဖစ္ေနခဲ့ေသာ က်ေနာ့စိတ္ကိုပဲ ျငိဳျငင္ေနခဲ့ပါသည္။ ညၾကီးအခ်ိန္မေတာ္ သူလင္းလာေသာအခါ အိပ္ေရးပ်က္ျခင္းကိုပင္ မသိက်ိဳးကြ်န္ခဲ့သည္အထိ။ ထိုသို႕ မသိက်ိဳးကြ်န္ခဲ့သည္မွာ က်ေနာ္ တေယာက္တည္း မဟုတ္ခဲ့ျပန္။

ေတာက္ပျခင္းျဖင့္ ရင္းႏွီးခဲ့ျပီဟု စိတ္ထဲက ရွိေသာအခါ ယိမ္းယိုင္ေနေသာ စိတ္ကို တည့္မတ္ရန္ ခဲယဥ္းစျပဳလာသည္။ အမွီအတြယ္မဲ့ ရပ္ေနခဲ့ေသာ္လည္း အလင္းတစျဖင့္ ေထာက္ကူျပဳလိုသည္။ ဘယ္သူ႕ကိုမွ မွ်ေဝျခင္းမရွိခဲ့ေသာ ကိုယ့္အစိတ္အပိုင္းမ်ားကို မွ်ေဝခ်င္လာသည္။ သို႕ေသာ္ ထိုအစိတ္အပိုင္းမ်ားသည္ ပူသည္ေအးသည္ကို ကိုယ္တိုင္က ထည့္မတြက္ခဲ့ပါ။

ေတာက္ပျခင္း၏ အရိပ္ကိုသာျမင္ခဲ့ရသည္ကိုလည္း ဘယ္ေတာ့မွ မေမ့ခဲ့။ သူ၏ အရိပ္ေတြက အေရာင္ေတြစံုလွသည္ေလ။ အရိပ္စစ္ကိုပင္ ျပခဲလွေသာ သူ႕ကို အျပစ္တင္ခ်င္ေသာ္လည္း နားလည္ႏိုင္ခဲ့ေသာ ကိုယ့္ကိုကိုယ္ပင္ အျပစ္တင္သင့္သည္ မဟုတ္ပါလား။

လင္းလိုသည့္အခါ လင္း၍ ေမွာင္လိုသည့္အခါ ေမွာင္သြားသည့္ ထိုေတာက္ပျခင္းကို က်ေနာ္ နားလည္ရန္ တျဖည္းျဖည္း ခက္လာျပီျဖစ္သည္။ လူသားဆန္ေသာ က်ေနာ့အတြက္ က်ေနာ္ အလင္းကို အလိုရွိလ်က္ မရႏိုင္ပါေသာ အလိုမက်ျခင္းေတြသာ လက္ဝယ္တြင္ ရွိသည္။ အားနာတတ္ေသာ၊ သူမ်ားကို အေႏွာက္အယွက္မေပးလိုေသာ က်ေနာ့အတြက္ ျငိမ္သက္ေနျခင္းသည္သာ အားထုတ္မွဳျဖစ္ခဲ့သည္။

ေတာက္ပျခင္းက က်ေနာ့ကို နားမလည္သလို၊ က်ေနာ္ကလည္း ေတာက္ပျခင္းကို နားမလည္ခဲ့သည္မွာ အေသအခ်ာ။ က်ေနာ္ စနစ္တက် ထုတ္ပိုးသိမ္းဆည္းခဲ့သည္မွာ ေပ်ာ္ရႊင္ျခင္း ႏွစ္လိုျခင္းမ်ားျဖစ္၍ အခ်ိန္မေရြး က်ေနာ္ဖြင့္ၾကည့္တတ္သည္။ ထိုသို႕ေသာ ေန႕က ဆိုေသာ အေၾကာင္းအရာတုိ႕ျဖင့္ က်ေနာ့ေပ်ာ္ရႊင္ျခင္းအိပ္မက္ကို တျဖည္းျဖည္း ႏိုးထ အသက္ဝင္ေစခဲ့သည္။ က်ေနာ္တတ္ႏိုင္သည္က သည္မွ်သာ.

ျပတင္းေပါက္က ေငးၾကည့္ေနရင္း မိုးစက္တို႕ထိေတြ႕လာသည္။ မည္းေမွာင္ေသာ အာကာျပင္တခုသက္သက္ကိုပဲ က်ေနာ္ ျမင္ေတြ႕ေနရသည္။ မိုးစက္တို႕ စိပ္လာေသာခါ မ်က္ႏွာျပင္တခုလံုး ေအးစက္ စိုရႊဲလာေခ်ျပီ။ က်ေနာ္ ျပတင္းေပါက္ကို ပိတ္မထားလိုပါ….

တကယ္တမ္း ေတာက္ပျခင္းကေတာ့……………..

လဲြမွားျခင္းဒိုင္ယာရီ

က်ေနာ္က ခရီးသြားရတာကို ႏွစ္သက္တယ္။ ခရီးမထြက္ခင္ က်ေနာ္ သြားမယ့္ ေနရာေတြရဲ့ အခ်က္အလက္ေတြ၊ ျပီးေတာ့ က်ေနာ္ ယူေဆာင္သြားမယ့္ အရာေတြ စသည္စသည္ကို စီကာစဥ္ကာ အျမဲလုပ္တတ္ပါတယ္။ အဲ့ဒီေလာက္ စီစဥ္ေပမယ့္ လြဲမွားသြားတဲ့ အေၾကာင္းအရာေလးတခုက အခု ဒီစာျဖစ္ဖို႕ တြန္းအားေပးေနခဲ့ပါေရာလား….

ေလာေလာလတ္လတ္ျပီးခဲ့တဲ့ ရံုးပိတ္ရက္က က်ေနာ္ ခရီးထြက္ခဲ့တယ္။ က်ေနာ္နဲ႕ သူငယ္ခ်င္း ႏွစ္ေယာက္အပါအဝင္ေပါ့။ ေလဆိပ္ကို ဘယ္လိုဆင္းမယ္၊ ဆံုမွတ္ေနရာ အခ်ိန္ေတြက အစက်ေနာ္တုိ႕ တိုင္ပင္ထားျပီးသား။ ဒါေပမယ့္ သူငယ္ခ်င္းတေယာက္က သူ႕ကိုယ္ေရးကိုယ္တာ တခုေၾကာင့္ ေနာက္က်ခဲ့တာကလြဲရင္ က်ေနာ္တို႕ အေတာ္ေလး အဆင္ေျပတယ္။

ဗိုက္ဆာတတ္တဲ့ ခရီးသြားတေယာက္ပါလာတာ အေတာ္ေလးေတာ့ ရီရပါတယ္။ ေလဆိပ္မွာ မနက္စာမက် ေန႕လည္စာမေရာက္စားခဲ့ျပီးေပမယ့္ ေလယာဥ္ ေလထဲတက္တာနဲ႕ ဗိုက္ဆာတယ္လုိ႕ အသံထြက္လာပါေတာ့တယ္။ သြားတဲ့ေလေၾကာင္းလိုင္းက ေဖ်ာ္ရည္ေတြတိုက္တဲ့လွည္းထြက္လာတဲ့ အခါ ဟယ္ထမင္းမေကြ်းဖူးလားလုိ႕ တအံ့တၾသေမးလာတဲ့သူ႕ကို က်ေနာ္တို႕ေတြက စေနာက္ရင္း တခ်ိန္လံုးသူ႕ခမ်ာ ဗိုက္ဆာဆာနဲ႕ ေစာင့္ရရွာတယ္။ ေမွ်ာ္လင့္တၾကီးေတာ့ ေစာင့္ဟန္မတူပါဘူး အိပ္ျပီးေတာ့ ေစာင့္ရွာတာပါ။

တကယ္ထမင္းေၾကာ္နဲ႕ ပုဇြန္ေကြးေကြးခ်စ္စရာေလးေတြကို ျမင္ရတဲ့အခါ သူမ်က္ႏွာလည္း လဝန္းၾကီးလိုသာ ပါေတာ့တယ္။ စားေသာက္ျပီးတဲ့အခါ ျငိမ္ျပီးျပန္အိပ္သြားပါေရာ။

ေလဆိပ္ကို သတ္မွတ္ထားတဲ့အခ်ိန္အတိုင္း ဆိုက္ေရာက္ျပီး အရာရာဟာ ေခ်ာေမြ႕ဆဲ။ သက္ဆိုင္ရာ လူဝင္မွဳကိုျဖတ္အျပီး က်ေနာ္တို႕ ခရီးေဆာင္အိတ္ေတြ ယူရမယ့္ေနရာကေန ေစာင့္ေနေပမယ့္ တအိတ္မွ ထြက္မလာပါဘူး။ အိတ္မပါတဲ့ သူငယ္ခ်င္းကို လူဝင္မွဳကေနထြက္တဲ့ အေပါက္ဝနားမွာ ေစာင့္ေနခုိင္းတာမုိ႕ သူလည္း တေမွ်ာ္ေမွ်ာ္ေစာင့္ေနရာကေန က်ေနာ္တို႕ အိတ္ထုတ္တဲ့ေနရာကို ေရာက္လာတဲ့အထိ အိတ္ေတြက ထြက္မလာေသး။

ေနာက္ေတာ့ အိတ္ယူရမယ့္ ေနရာကို ေျပာင္းသြားတာေတြ႕လိုက္တာမုိ႕ က်ေနာ္တို႕ေတြ ေနာက္ေၾကာင္းျပန္ေလွ်ာက္ၾကတယ္။ လည္ေနတဲ့အိတ္ေတြထဲမွာ က်ေနာ္တို႕ အိတ္ေတြကို ေတြ႕လိုက္ရျပီ။ သူငယ္ခ်င္းအိတ္ကို ခ်ျပီး က်ေနာ့အိတ္ကိုခ်တဲ့အခါ ခ်လိုက္တဲ့အိတ္က ေသာ့မပါတာကို ခ်က္ခ်င္းသတိထားမိတာမုိ႕ ေလေၾကာင္းလို္င္းက ကပ္ေပးတဲ့ စတစ္ကာကို ၾကည့္ျပန္တယ္။ က်ေနာ့နာမည္ မဟုတ္ပါ။ ျပန္တင္ေပးလိုက္ရင္း စိတ္ထဲမွာ ေလးလံမွဳကို တျပိဳင္နက္ခံစားလိုက္ရတယ္။

လည္ေနတဲ့အိတ္ေတြ ေလ်ာ့သြားေပမယ့္ အဲ့ဒီအိတ္ဟာ ပိုင္ရွင္မဲ့ေနတုန္း။ ေသခ်ာျပီဆိုတဲ့ သတိေပးခ်က္က စိတ္ထဲမွာ လင္းထိန္လို႕။ ေနာက္ဆံုး တျခားေလယာဥ္ရဲ့ အိတ္ေတြ ထြက္လာတဲ့အခါ သူတို႕ရဲ့ Lost & Found ကို အေၾကာင္းၾကားဖုိ႕ ေျခလွမ္းျပင္လိုက္ပါေတာ့တယ္။

ထံုးစံအတိုင္း စစ္ေဆးေမးျမန္းမွဳမ်ားနဲ႕ လိုအပ္တဲ့ စာရြက္စာတမ္း၊ မွတ္တမ္း ေတြယူအျပီးမွာ က်ေနာ္နားမလည္တဲ့ ဘာသာစကားေတြနဲ႕ သူတို႕ အျပန္အလွန္ေတြေျပာၾကတယ္။ ဘယ္ေလာက္ထိေစာင့္ရဦးမယ္မသိတာမုိ႕ အျပင္ဖက္မွာ လာၾကိဳတဲ့ ကားကို သူငယ္ခ်င္းႏွစ္ေယာက္က ထြက္ျပီး ေျပာႏွင့္ေနၾကျပီ။ ေနာက္ဆံုးအခ်ိန္ထိ သူတို႕က က်န္ေနတဲ့အိတ္ဟာ က်ေနာ့အိတ္မဟုတ္ပါဘူးဆိုတာ ေသခ်ာပါသလားလို႕ တေယာက္ျပီး တေယာက္လာေမးေနၾကတုန္း။

ထပ္ခါထပ္ခါေျပာေနလက္စနဲ႕ မနက္ျဖန္မနက္အေစာၾကီး ခရီးထပ္ထြက္မွာမုိ႕ ဒီညေန အိတ္ရမွျဖစ္မွာဆိုတာကိုပါ ထည့္ရြတ္ေပးေနမိတယ္။ မပူပါနဲ႕ ေလေၾကာင္းကေန ဒီေန႕ညေန ဆက္သြယ္လာပါလိမ့္မယ္လို႕ပဲေျဖတယ္။ ၾကိဳတဲ့ကားဆီထြက္လာေပမယ့္ စိတ္ကေတာ့ ေလဆိပ္မွာ ကပ္ျပီး က်န္ေနရစ္ခဲ့ပါတယ္။

ဒီေလဆိပ္မွာ အခုလို ကေသာင္းကနင္းျဖစ္တာ ဒါ ဒုတိယအၾကိမ္ပါ။ ပထမအၾကိမ္က က်ေနာ့ပိုက္ဆံအိတ္တခုလံုး လာပို႕တဲ့ ကားထဲမွာ က်န္ေနရစ္ခဲ့တာ။ ေလေၾကာင္းလိုင္းကို Check_in ဝင္ရင္ မွတ္ပံုတင္ကဒ္လိုတာမို႕ ကဒ္ေတြအားလံုးကလည္းပိုက္ဆံအိတ္ထဲမွာ၊ ဘယ္ေျပးရမွန္းမသိျဖစ္ေနတဲ့ ကိုယ့္ကိုကိုယ္ ျပန္ေတြးၾကည့္ရင္ အေတာ္ေလး သနားစရာ။

ေလဆိပ္ထဲက အင္ေဖာ္ေမးရွင္း ေကာင္တာကေန ဟိုတယ္ကိုဆက္၊ ဟိုတယ္ကေန ကားသမားကိုဆက္ျပီး ကားထဲမွာ က်န္ေနခဲ့တယ္၊ ကားသမားလာျပန္ေပးေနျပီ ေကာင္တာေဘးမွာ ေစာင့္ေနပါလို႕ အသံၾကားရတဲ့အခုိက္ဟာ လွိဳက္ခနဲ ေပ်ာ္သြားတယ္။ ရိုးသားတဲ့ကားသမားကိုေက်းဇူးတင္ပါတယ္။

ေတာ္ရံုတန္ရံု က်ေနာ္က လြဲခဲပါတယ္။ ဒါေပမယ့္ က်ေနာ့မွာလည္း အလြဲေတြရွိတယ္။ အဲ့ဒီအလြဲေတြက ဒိုင္ယာရီထဲမွာ အမ်ားၾကီး။ တခ်ိဳ႕ကိုေတာ့ မွတ္မိရဲ့။ တခ်ိဳ႕ကေတာ့ ေမ့က်န္ရစ္ခဲ့ျပီ။ အခုအလြဲေလးကိုိေတာ့ မေမ့ခင္ေလး အမွတ္တရ တို႕ထားခ်င္တာ သက္သက္ပါ….

စာၾကြင္း။ ။အိတ္မွားတဲ့သူက ဟိုတယ္ကို သူကိုယ္တိုင္လာေပးပါတယ္။ အိတ္က ေသာ့ကိုဖ်က္ထားတာကလြဲရင္ ပစၥည္းအားလံုး ျပန္ရတယ္။ အျပန္ခရီးမွာ သူနဲ႕ တခ်ိန္တည္းျဖစ္ေနတာမုိ႕ သူ႕ကို က်ေနာ့အိတ္မွာ ေသာ့ခ်ိတ္ထားေၾကာင္း ျပေတာ့ လိုက္ပို႕တဲ့ သူ႕အေမက သူ႕သားအိတ္မွာ နာမည္ေတြ ပတ္ပတ္လည္ ေရးထားလိုက္ျပီဆိုတာ က်ေနာ့ကုိ ျပန္ျပရင္း က်ေနာ္တုိ႕ အားလံုး အတူတူ ရယ္ျဖစ္ၾကတယ္။