ပျောက်ဆုံးသွားသော “M”

ကျနော်သိသည်မှာ M သာဖြစ်ခဲ့သည်။ တခါတရံ လူ့ဘ၀ကြီးသည် အံ့သြထူးဆန်းဖို့ကောင်းလွန်းလှသည်။ အမှတ်မထင်အရာတခုမှသည် ကျနော် M ကိုစတွေ့ခဲ့ခြင်းပင်။ တကယ်တမ်း Mကလည်း ထိုနည်းနှင်နှင် ဖြစ်နေမည်သာ…

Mသည် ကျနော့အတွက် မီးပျက်သောညမှာ ခဏတွေ့လိုက်ရသော လရောင်တခုပမာ။ အလင်းပေးသလို အေးမြခြင်းဆိုတဲ့ အရသာကို မထိတွေ့ပါပဲ ရင်ထဲကို သက်ဝင်စေတယ်။ စကားနည်းတဲ့ ကျနော်က M နဲ့တွေ့ရင် ခရားလေးတခုလို၊ ရေတကောင်းလေး တခုလို ဖြစ်မှန်းမသိဖြစ်စေတယ်။ ခံစားရသမျှကို ဘယ့်သူကိုမှ ချမပြဖူးတဲ့ ကျနော်၊ M ဟာ ကျနော့ရဲ့ မှန်တချပ်ဖြစ်စေခဲ့တယ်။ ကျနော့ရဲ့ အရှိအတိုင်းကို သိကြားခွင့်ရှိခဲ့ဖူးတာ ဘ၀တခုလုံးမှာ M တယောက်တည်း..

စိတ်ချလုံခြုံမှုကို ရတဲ့အခါ အရာအားလုံးကို မျှဝေဖို့ ၀န်မလေးတော့ဘူးဆိုတဲ့ လူမှုစိတ်ပညာ အခြေခံကို M နဲ့တွေ့တဲ့အခိုက်မှာ ရလိုက်သလိုလို။ ကျနော့ရဲ့ အားနည်းချက်တွေကို ထောက်ပြဝေဖန်ပေးဖို့၊ စိတ်ဓါတ်ကျ အားငယ်လွယ်တဲ့ နေရာမှာ ၀ါးနဲ့ကူပြီးမထိုးလိုက်ပဲ အားနဲ့ကူပြီးဆွဲပေးတတ်တဲ့ သူငယ်ချင်းတယောက် အဖြစ်ကို တဖြည်းဖြည်းဖြစ်တည်လာခဲ့တယ်။ M ဟာ ကျနော့ရဲ့ ခွန်အားတခုပါ..

ပြီးပြည့်စုံတဲ့ လူ့ဘ၀ဆိုတာ ဘယ်သူ ဘယ်ဝါဆီမှာမှ မရှိဘူး။  ချမ်းသာသူရဲ့ ဆင်းရဲခြင်းတွေရှိသလို၊ မပြည့်စုံသူမှာလည်း ရလိုမှုတွေနဲ့။ M ရဲ့ တစိတ်တပိုင်းကို နာကြားရတဲ့အခါ၊ ကိုယ်ရဲ့ ဝေဒနာကို လျော့ပါးစေတယ်။ ဆတူဆိုတာမျိုးမဟုတ်ပေမယ့် ခေါင်းမိုးမလုံတာ ကိုယ်တယောက်တည်းမဟုတ်ဘူးဆိုတဲ့ အတ္တက လှုံဆော် အားပေးတာမျိုးလို့ ၀န်ခံပါရစေ။

ကျနော်တို့တွေဟာ အရင်းနှီးစိမ်းသူစိမ်းတွေ ဆိုတဲ့ အသုံးအနှုန်းက အသင့်လျော်ဆုံးဖြစ်မယ် M။ ရင်ထဲက ဆောင်းရာသီတွေကို ညှိကြတဲ့အခါ တယောက်ရဲ့ ဆောင်းရာသီကို တယောက် မီးလေးတွေဖိုလို့ အတူတကွနွေးအောင် လှုံဖူးခဲ့ကြတယ်။ မိတ်ဆွေဆိုတဲ့ အနက်ဟာ ပြန်ဖို့လွယ်သလို၊ ရန်သူဆိုတဲ့ စကားလုံးဟာလည်း သုံးရလွယ်တယ်။ နောက်ကွယ်က ဓါးတွေအကြောင်းကို ပြောရင်း လက်နက်မဲ့ ဖြစ်ဖြစ်နေတဲ့ နှစ်ယောက်အဖြစ်ကို အတူတကွရီခဲ့ကြတာပဲ။ 

အရိပ်ဆိုတဲ့အရာဟာ အတော်လေးတာသွားတယ်။ ပတ်ဝန်းကျင် မိသားစုရဲ့ အရိပ်ဟာ အေးမြတာရှိသလို၊ တခါတလေမှာ ခြောက်သွေ့အက်ကွဲနေတာမျိုး။ မေ့ပျောက်လွယ်သော အတိတ်ဆိုတာ ကွန်ပြူတာမှာ ပါတဲ့ Delete key လိုမျိုး နှိပ်ပြီး ဖျက်လို့ရချင်မိတာပါပဲ။ Mရေ ဘ၀ဆိုတာ ကိုယ်တိုင်ခြယ်နေတဲ့ပန်းချီကားမှန်ပေမယ့် ဆေးရောင်ကတော့ ကိုယ့်စိတ်ကြိုက်မဟုတ်ပြန်ဘူး။ တချို့ထိစပ်မှုတွေဟာ ရွေးချယ်လို့ မရပဲ ချမှတ်ထားတဲ့အတိုင်း နေရတဲ့အခါ လူတိုင်းစိတ်ကျဉ်းကျပ်ကြတာပါပဲ။ ထွက်ပေါက်ဆိုတဲ့ အရာကို မရောက်ရောက်အောင်ရှာဖို့တော့ ခက်သားလား။

M ရဲ့ စိမ့်ဝင်လာမှုဟာ ကျနော့ဖက်က သူ့အပေါ် သက်ရောက်မှုနဲ့ ထပ်တူရှိမယ်လို့ ကျနော်ယုံကြည်တယ်။ ပြီးတော့ ကျနော်သူ့ကို စိုးရိမ်လာတယ်။ သူရင်ဆိုင်နေရတဲ့ အပိုင်းဟာ ကျနော် ကြုံနေရတဲ့ အခက်အခဲတွေထက် ပိုလေးနက်တယ်။ ကျနော့အတွက် ကျောခိုင်းလို့ရပေမယ့် သူ့အတွက် ဘေးတစောင်းတောင် ရပ်နေလို့မဖြစ်တဲ့ အခြေအနေမျိုးတွေ။ လုပ်နေလက်စအရာတွေကို ခဏထားပြီး သူခရီးတခု သွားမယ်လို့ ပြောတဲ့အခါ ကျနော်ကပါ အင်တိုက်အားတိုက် အားပေးမိတယ်။ စိတ်သစ်လူသစ်နဲ့ ဘ၀ကို ပြန်လည်ပျိုးထောင်ဖို့ တခါတလေ နေရာအသစ်ဟာ သိပ်အရေးပါတယ်။

ခရီးထွက်သွားပြီးနောက်ပိုင်းမှာ သတင်းတခါနှစ်ခါ ကြားတယ်။ ပျော်ရွှင်မှုတွေနဲ့ နေရောင်ခြည်တွေ ပြန်ရလာတဲ့ ရွက်သစ်တခုလို သူ့ကိုမြင်ရတယ်။ စိမ်းစိုနေတာပဲ မြင်ချင်ပါတယ်။ လန်းဆန်းနေတာပဲ မြင်ချင်ပါတယ်။ မိုးရွာတိုင်း သတိရမိတယ် M။ မြေနိမ့်ခဲ့ဖူးတဲ့ကျနော့ဆီမှာ ရေ၀ပ်ခဲ့တဲ့အတွက် မိုးရွာတာကို အပြစ်မတင်ပဲ မြေဖို့ထားဖို့ဆိုတဲ့ အတွေးကို ပေးခဲ့ဖူးတာမဟုတ်လား။

M ခရီးထွက်သွားလိုက်တာ အခုထိ ဘာသံမှ မကြားရတော့ဘူးနော်။ M သွားတဲ့ခရီးက ကျနော် မသွားစေချင်တဲ့ ခရီးများလား နည်းနည်းတော့စိုးထိတ်မိပါတယ်။ အကယ်၍ စိမ်းလန်းပျော်ရွှင်နေမယ်ဆိုလည်း ပျော်ရွှင်ဖွယ် ခရီးလေးဖြစ်ပါစေလို့ ကျနော်ဆုတောင်းတယ်။ ကျနော့ဆီမှာတော့ မိုးတွေရွာနေလို့ မကြာခင် ဆောင်းဦးကိုဝင်တော့မယ်။ 

ကျနော့ကိုဒီနေရာမှာ မြင်ရတော့ M ဟာ အပျော်ဆုံးဖြစ်မယ်လို့ ကျနော်ယုံကြည်ထားဆဲ။ ဒီစာကိုဖတ်မိရင်၊ ဒါမှမဟုတ် ကျနော့ကို သတိရလို့ သမင်လည်ပြန်ကြည့်ခဲ့မိရင် M တယောက် အစစ အဆင်ပြေနေတယ်လို့ မှတ်ထင်ထားတဲ့သူ တယောက် ရှိနေကြောင်းသိစေလိုပါတယ်။

ကျနော်တို့ လမ်းကြုံကြဦးမှာပါ ဟုတ်တယ်မဟုတ်လား M….