စိမ်းနေဦးမည့်ကျနော့မြေ

လေယာဉ်ပေါ်ကတည်းက သေသေချာချာကြည့်နေမိသည်။ သူသည် ကျနော့ကို စိမ်းလို့သာနေသည်။ စိမ်းစိမ်းမြမြနေသော မြေပြင်ရှိရှာဆီကို ကျနော် ရောက်တော့မည်။ လေယာဉ်ဘီးငြိမ့်ခနဲ အထိ ရင်ထဲမှာ စိမ်းသက်နေသော အရသာကလည်း ငြိခနဲ…

လေဆိပ်အငွေ့အသက်သည်လည်း သူစိမ်းပြင်ပြင်။ လှိုက်လှဲကြိုဆိုဟန်မရှိသော ၀တ်ကျေတမ်းကျေနိုင်မှု၏ ခြောက်သွေ့ခြင်းကို ရင်ထဲက ဖာသာ ခံစားလျက်။ လာကြိုတဲ့သူငယ်ချင်းနဲ့အတူ ရှစ်မိုင်က Lucky 7 မှာ ပထမဆုံးအဖြစ် မုန့်ဟင်းခါးနဲ့ လက်ဖက်ရည်ကို သောက်သည်။ မိုးရွာထားသောကြောင့် စိုစွတ်နေသော လမ်းတလျှောက်တွင် သစ်ပင်တချို့က စိမ်းစိုနေဆဲ။

ဟိုတယ်ဝန်ထမ်း၏ မျက်လုံးစိမ်းစိမ်းကို စမြင်ရလိုက်တော့ သူတို့ဝန်ဆောင်မှု မကောင်းဘူးဆိုတဲ့ အချက်ကို ကြားထားနှင့်တာမို့ သိပ်မဆန်းတော့။ အလုပ်လက်မခံခင်ကနဲ့ လက်ခံအပြီး ပြောင်းလဲသွားတဲ့ လေသံကတင် အတော်လေးကွာဟနေခဲ့တယ်။ နိုင်ငံတကာနဲ့လုပ်ကိုင်မယ့် ၀န်ဆောင်မှုမျိုးဟာ ဒီလို ၀န်ဆောင်မှုမျိုး မဟုတ်ဘူးဆိုတာ အဲ့ဒီအစိမ်းရောင်ဝတ်အမျိုးသမီးဟာ ဘယ်နည်းနဲ့မှ သဘောပေါက်မယ်မဟုတ်ပေဘူး။ အပြုံးတချက်တောင် မရှိတဲ့ ဒီအစိမ်းရောင်ဝတ်ရုံကို ခြုံထားသရွေ့တော့ ဒီလိုပဲဖြစ်နေဦးမယ်။

အရင်တုန်းကလိုမဟုတ်ပဲ အစီးရေများလာတဲ့ ကားလမ်းမပေါ်မှာ ကားတွေကြပ်တယ်လို့ အော်နေကြတာမဟုတ်လား။ ဂျကာတာ ကားကြပ်တာမကြုံဖူးလို့ ရန်ကုန်ကို ကားကြပ်တယ်လို့ အော်နေကြတာပါ။ လှည်းတန်းကုန်းကျော်ကို ပထမဆုံးဖြတ်ရတဲ့အခါ အရင်တုန်းက အတိတ်ဆိုတဲ့ အရာကို ပြန်သတိရတယ်။ အတိတ်ကလည်း ကျနော့ကို ခပ်စိမ်းစိမ်းပဲပြန်ကြည့်နေတာတွေ့တယ်။

ရွှေဂုံတိုင်မီးပွိုင့်သည်လည်း အရင်လိုမဟုတ်ပြန်တော့။ မြို့ထဲအဆင်း တခြမ်းသာဖွင့်၍ ကမ္ဘာအေးဖက် အတက်ကို ပိတ်ထားသည်မို့ ကားသမားများဆီက ငြီးငြူသံတို့ ခြူသံပါလှပြီ။ အဝေးပြေးဂိတ်ကိုဆင်းဖို့ နှစ်နာရီတောင် ကြိုဆင်းရမယ်ဆိုတော့ စကားလုံးစိမ်းစိမ်းတခု ကြားလိုက်ရသလို ခံစားမိခဲ့သည်။

မြေနီကုန်းက တုတ်ထိုးဆိုင်ကဘကြီးသည်လည်း ကျနော့ကို မမှတ်မိပဲရှိသည်။ ခြောက်နှစ်ဆိုသော အချိန်ကာလသည် လူတယောက်ကို ကောင်းကောင်းမေ့ဖျောက်ပစ်နိုင်သည်။ အစိမ်းရောင် ဒဂုန်စင်တာ အသစ်ကြီးကိုကျောခိုင်းရင်း လမ်းကိုမရဲတရဲဖြတ်ကူးနေမိပြန်သည်။

ငှားစီးမိသော တက္ကစီမှန်သမျှသည် ဟိုအရင်လို မှန်တံခါးအဖွင့်အပိတ်လှည့်စရာ လက်ကိုင်မရှိသော ကားများ မဟုတ်ကြတော့။ ကွန်ပြူတာစနစ်ဖြင့် ထိန်းသော ကားများဖြစ်သည်ဟု တက္ကစီဆရာက အားရပါးရ ရှင်းပြသည်။ ထိုမှတ၀ အကိုက ကွန်ပြူတာနဲ့ အလုပ်လုပ်တာဆိုတော့ ကျနော့ကားကို ကွန်ပြူတာနဲ့ ချိတ်ပြီး ဘာတွေလိုအပ်သေးသလဲ ကြည့်ပေးပါဟု ဆိုသောအခါ ကျနော်က သူ့ကို စိမ်းစိမ်းကားကားကြီးကို စိုက်ကြည့်ပစ်လိုက်သည်။ ကျောပိုးအိတ်ထဲမှာ ကွန်ပြူတာမပါသေးလို့ဆိုပြီး ဆင်ခြေကောင်းကောင်းကန်နိုင်မိတဲ့ ကိုယ့်ကိုကိုယ်တောင် ကျေးဇူးတင်မိ။

နယ်ကအိမ်ပြန်ဖို့ Scania တံဆိပ်ကားကြီးတွေ စတင်ပြေးဆွဲနေပြီတဲ့လေ။ အရင်လို တညလုံးညောင်းနေအောင် စီးရတာမျိုးမဟုတ်လေတော့။ စိမ့်နေအောင်အေးတဲ့ ကားကြီးပေါ်မှာ အစိမ်းရောင် စောင်တထည်က ခန့်တည်တည်။ 

မိုးတွင်းမို့ထင်ရဲ့ ဘေးပတ်ဝန်းကျင်လမ်းတလျှောက်က စိမ်းနေသော စပါးပင်တန်းများ၊ စိုက်ခင်းများအားလုံးသည် တရိပ်ရိပ်ဘေးမှာ ကပ်လျက်ပါနေခဲ့သည်။ အိမ်ကိုဝင်,၀င်ချင်း ရွှေစက်တော်ဘုရားပွဲမှာ ၀ယ်ထားတဲ့ ချင်းလေးက သူတစိမ်းမို့ တအားထိုးဟောင်လေ၏။ ခြံစည်းရိုးအစား တန်းစီချထားသော ဗိုလ်ကတော်မျက်ခုံးပင်များသည်လည်း စိမ်းမှောင်နေခဲ့ပြီ။ အပင်တွေဖြတ်တဲ့သူကို ခေါ်ပြီး သေချာဖြတ်ရင်း ခြင်ကိုက်၊ ပဆုပ်ပနီကိုက်တာကို ခံရပြန်သေးတာ။

တီဗီအစီအစဉ်များနှင့်လည်း သူစိမ်းပြင်ပြင်သာ။ ယုတ်စွအဆုံး တီဗီဖွင့်ရန်ခလုတ်များကအစ ကျနော်မသိပါ။ ဆယ်စုနှစ်တခုမက ကျနော်သည် အိမ်နှင့်ဝေးနေခဲ့ပြီ။ Skynet, 5 movie နှင့်အတူ လာနေသော အစီအစဉ်များကလည်း အကျွမ်းတ၀င်မရှိလှ။

ကျနော်ကြီးပြင်းခဲ့သော စက်ရုံမြေသည်လည်း ထိုနည်းနှင်နှင်။ လုပ်ပုံလုပ်ထုံးများကို ကြားနာရသည်မှာပင် မသက်ဆိုင်သကဲ့သို့။ ဖြစ်သင့်သည်ထက် ဖြစ်ချင်သလို ဖြစ်နေသမျှကို ထိုင်ကြည့်နေရသော သူတို့ကို အားမရ. အားမရသည်သာရှိ၍ ကိုယ်တိုင်ကလည်း ဘာမှ လုပ်ပေးနိုင်သည်မဟုတ်ပါလား။

ကျနော် စာသင်ပေးခဲ့သော ကလေးက ရန်ကုန်နှင့်မကွေးတွင် အိမ်ဝိုင်းများဖြင့် အဆင်ပြေရုံသာမက၊ သူ့အမေစီးဖို့ ကားကောင်းတစီးပင် ၀ယ်ပေးထားပြန်သည်ဆိုတော့ ၀မ်းသာအားရရှိရသလို တဖက်မှာလည်း စိတ်မကောင်းဖြစ်ရပြန်သည်။ စွန့်ခွာခဲ့သမျှနှင့် ထပ်တူမကျသော အကျိုးလေလား၊ သံသရာအတွက် ကင်းကင်းရှင်းရှင်းမို့ ၀မ်းမြောက်ကြည်နူးရမလား မဝေခွဲနိုင်.

အခုတခါတည်း ပြန်လာပြီလား၊ ကောင်းတာပေါ့ ဆိုတဲ့ မှတ်ချက်များသာ ပေး၍ ကျနော့ကို ဖြေရှင်းချက်များ မပေးသည်လည်း ရှိသည်။ ဟိုမှာ ဘယ်လောက်ရတုန်း၊ ဒီမှာတော့ ဒီလောက်ရကုန်ပြီဆိုပြီး တွက်ပြ ချက်ပြသူတွေနဲ့လည်း ကြုံသည်။ အသက်အရွယ်နှင့်ဆိုင်သော အမှုကိစ္စတခုကို ထပ်တလဲလဲ နားညည်းအောင် သူ့ကိစ္စလုပ်ပြီး နှိုးဆော်သူလည်း ပါသေးသည်။

ရင်ထဲကတော့ လှိုက်လှိုက်လှဲလှဲကိုရင်းနှီးသက်ဝင်သည်။ သို့သော် နေရာအတော်များများသည် ကျနော့အတွက် အံဝင်ခွင်မကျသေး။ အံဝင်သွားသော သူငယ်ချင်းများနှင့် ထိုအကြောင်းရာကို ထပ်တလဲလဲ ဆွေးနွေးရပေဦးမည်။ တကယ့်ကို ဆွေးနွေးချင်ပါသည်။

လေယာဉ်ပျံ အတက်မှာ မှန်ပြတင်းကနေ ပြန်ကြည့်မိသည်။ ရန်ကုန်မြို့ကလွဲ၍ ကျန်နေရာအားလုံးသည် စိမ်းညှို့နေကြသည်။

အခုလက်ရှိ ကျနော့မြေသည် ကျနော့အတွက်တော့ စိမ်းနေဦးမည်သာ ဖြစ်သည်…

(စိမ်းနေဦးမည့် ကျနော့မြေ ခေါင်းစဉ်ကို တက္ကသိုလ်ဘုန်းနိုင်စာအုပ်မှ နှစ်လို၍ ယူသုံးထားမိပါသည်)