အရင်နှစ်တွေတုန်းကတော့ နေ့ထူးနေမြတ်ရယ်လို့ ဝိုင်းဝန်းပြီးရေးလေ့ရှိကြတယ်။ ဒီနှစ်တွေလည်း ရေးသူတွေလည်းရှိမယ်၊ မရေးမိသူတွေလည်းရှိမယ်။
၂၀၀၉ ခုနှစ်က ရေးခဲ့ဖူးတဲ့အဟောင်းလေးက ဒီမှာ
၂၀၁၂ အပြန်ခရီးမှာ ကျနော့သူငယ်ချင်း နန်းမြင့်မဟာခရီးသွားလုပ်ငန်း လင့် လုပ်ကိုင်နေတဲ့ သူက ဗိုလ်ချုပ်ပြတိုက်ကို တခုတ်တရလိုက်ပို့မယ်လို့ ပြောလာတယ်။ အရင်တုန်းက ဒီပြတိုက်ကို အာဇာနည်နေ့တရက်ပဲဖွင့်လေ့ရှိပါတယ်။ ဝင်လို့ထွက်လို့ မလွယ်ဘူးလို့ပဲ ဆိုကြပါစို့ရဲ့။ အခုတော့ ပြတိုက်ကို လွတ်လွတ်လပ်လပ် သွားရောက်ကြည့်ရှုနိုင်ပါပြီ။ ရုံးပိတ်ရက်လည်းကြုံတယ်၊ သားသမီးတွေကိုလည်း ဗိုလ်ချုပ်အကြောင်းဆွေးနွေး ရှင်းပြပေးနိုင်တာမို့ လည်ပတ်လိုသူများအတော်လေး အဆင်ပြေစေပါတယ်။
အမှတ် ၁၅ ဗိုလ်ချုပ်အောင်ဆန်းလမ်း ဗဟန်းမှာရှိပြီး အထဲမှာဓါတ်ပုံများ၊ ရိုးသားခမ်းနားသော ဧည့်ခန်းဆောင်၊ အပေါ်ထပ်ရှိ ရှင်းလင်းသပ်ရပ်သော အိပ်ခန်းဆောင်များဖြင့် တာဝန်ထမ်းဆောင်ဆဲ ဗိုလ်ချုပ်ရဲ့ဘဝတစေ့တစောင်းကို သွားရောက်လေ့လာနိုင်ပါသည်။
တခုပဲ ပြတိုက်ထဲကို မည်သည့် ကင်မရာမှ သယ်ဆောင်ခွင့်မပြုပါဘူး။ အဝင်ဝမှာ လုံခြုံရေးနဲ့စစ်ဆေးခံပြီး၊ ပစ္စည်းများ အပ်နှံထားခဲ့ရပါတယ်။ အပြင်ကနေ ကျနော်ရိုက်လို့ရတဲ့ ဓါတ်ပုံလေးတွေကို မျှဝေလိုက်ပါတယ်။ ဗိုလ်ချုပ်ပြတိုက်ကိုတော့ သွားဖြစ်အောင်သွားဖို့ တိုက်တွန်းလိုက်ပါရစေ...
ပြတိုက်အဝင်ဝ
ခြံထဲကနေ ရိုက်ထားတဲ့ပုံပါ
ဒုတိယသား အောင်ဆန်းလင်း ရေနစ်သေဆုံးရာ ရေကန်
ဗိုလ်ချုပ်စီးခဲ့တဲ့ကား
.jpg)
No comments:
Post a Comment