ထားဝယ် သို့ ချစ်သောမြေတောင်ပိုင်း (၃)

ဒီနေ့မနက်တော့ ခုနှစ်နာရီလောက်စမယ်လို့ ပြောပါတယ်။မနက်စာကို ထားဝယ်မုန့်ဟင်းခါးနဲ့ မုန့်မျိုးစုံကျွေးပါတယ်။ နှစ်တနှစ်ကူးတော့မှာမို့ ပျော်မယ့်ပါးမယ့်သူတွေ ကြိုတင်ပြင်ဆင်နေကြသလို၊ ဆူဆူညံညံတွေနဲ့ ဝေးလိုတဲ့ ကျနော်တို့ရဲ့ အထူးသီးသန့် ခရီးစဉ်ဆိုပါတော့...

နယ်ခံမိတ်ဆွေတွေရဲ့ ရာဘာခြံရှိတဲ့ ဖိုးခေါင်းတောင်ခြေမှာ ညအိပ်ပြီးနှစ်သစ်ကိုကြိုကြမယ်။ ဆိုတော့ မနေ့ကလောက် ခရီးရှည် မဟုတ်ပေမယ့် နှစ်နာရီလောက်တော့ ဆိုင်ကယ်စီးရမယ်လို့ ချော့ကြတယ်။ အေးအေးဆေးဆေးပါလို့ တခုပဲ ကျနော်စိုးရိမ်တာက ကိုယ့်ကြောင့် ခရီးဖင့်သွားမှာကိုပါပဲ၊ နယ်ခံတွေရဲ့ ရောက်စေချင်တဲ့ စေတနာကိုလည်း မြင်နေရတယ်လေ။

မြို့အပြင်က ထားဝယ်မြို့စာတန်းကို ဓါတ်ပုံရိုက်ဖြစ်တယ်။ ပြီးတော့ ထားဝယ်မြစ်ကို တံတားပေါ်ကနေ မှတ်တမ်းတင်တယ်။ သိပ်မကြာခင်မှာ ရှမ်းလမ်းပေါ်ကိုရောက်တယ်။ လေယာဉ်ပေါ်တုန်းက မြစ်လိုမျိုး အကြောင်းလိုက်ကြီးဖြစ်နေတာ ဘာလဲလို့မေးထားဖူးတယ်။ အဲ့ဒါ ရှမ်းလမ်းတဲ့ ယိုးဒယားတွေလာဖောက်ထားတဲ့ လမ်းမို့ ရှမ်းလမ်းလို့ခေါ်ကြတယ်။ မြေနီလမ်း လမ်းမကျယ်ကို ဖြူးနေအောင်ဖောက်ထားတာပါပဲ။

လမ်းမှာ ခေါက်မုန့်သည်တွေ့လို့ ဝယ်စားကြတယ်။ ခေါက်မုန့်သည်ရဲ့ ဒယ်က သိပ်မိုက်ပါတယ်လေ။ တောင်ခြေနားက ရွာရောက်တဲ့အခါ ကွမ်းသီးခြံထဲဝင်မွှေကြတယ်။ စိုက်ခင်းပိုင်ရှင်က ကျောင်းပိတ်ရက်ကလေးတွေကို လုပ်အားပေး ကွမ်းသီးကောက်ခိုင်းနေတာတွေ့လို့ သဘောကျမိတယ်။ ရွာထဲမှာ ကွမ်းသီးခွဲနေတာတွေ၊ နေလှမ်းထားတဲ့ ကွမ်းသီးတွေလည်း ခွင့်တောင်းပြီးမှတ်တမ်းတင်မိပါတယ်။

ညအိပ်မယ့်တောင်စောင်းကို မရောက်ခင် အိမ်မှာ နေ့လည်စာကိုမှာထားခဲ့တယ်။ တဖြည်းဖြည်း ခြေကျင်လျှောက်တက်ပါတယ်။ ရာဘာတောထဲက အိမ်ကလေး ချစ်စရာလေးပါပဲ။ ကိုမောင်လေးက ရာဘာပင်မှာ ချည်တဲ့ ကြိုးအိပ်ရာကို ထုတ်ပေးတယ်။ စာအုပ်မယူလာမိတာ နာတာပဲ။ ပြီးတာနဲ့ ဘေးနားက စမ်းချောင်းလေးကိုသွားတယ်။ စမ်းချောင်းလေးရဲ့ ရေဟာကြည်လင်အေးမြနေတာပါပဲ။ ချောင်းထဲက ငါးကလေးတွေက ရေထဲချထားတဲ့ ခြေထောက်ကို တွတ်ကြတယ်။ ကျေးငှက်မြည်သံတွေနဲ့ သဘာဝဆိုတဲ့ အရသာကို ခံစားနေမိတော့တယ်။

နေ့လည်စာစားဖို့ နောက်တဖွဲ့ကလည်း လာနေပြီဆုိုတော့ သူတို့ကို စောင့်ကြတယ်။ သူတို့ဝယ်လာတဲ့ ဟင်းတွေနဲ့ ကျနော်တို့ကိုချက်ပေးထားတဲ့ ဟင်းတွေစုံနေအောင်စားရတယ်။ ခဏနားပြီးတဲ့နောက် ကျနော်တို့ရဲ့ ရေတံခွန်ခရီးကို စပါတယ်။ ရာဘာခြံရဲ့ အနောက် တောင်ပေါ်မှာ ရှိတာမို့ ကိုယ်ပိုင်ရေတံခွန်လိုပါပဲ။ တခြားသူလည်း မရှိသလို သွားတဲ့လမ်းလည်း အခန့်သင့် မရှိပါဘူး။ တချို့နေရာတွေမှာ လေးဖက်ထောက်၊ တချို့နေရာတွေ ရေထဲကနေဖြတ်၊ကျောက်တုံးတွေကြားထဲ သွားရင်း ရေတံခွန်ကို ခက်ခက်ခဲခဲသွားရပါတယ်။ 

ရေတံခွန်ရောက်တဲ့အခါ ကြည်လင်နေတဲ့ ရေထဲ ရေကူးကြ၊ ရေပေါ်ဒီအတိုင်း ပေါ်သူကပေါ်နေ၊ အပေါ်ကနေ ခုန်ချသူ၊ ပုဇွန်လိုက်ဖမ်းတဲ့သူဖမ်း ၊ ရေထဲမှာ Goproနဲ့ ဗီဒီယိုရိုက်ကြနဲ့ တယောက်တမျိုးစီ။ ကျနော်ကတော့ ရေတံခွန်အောက်ထဲ ခေါင်းထိုးထည့်ဖို့ ကြိုးစားလိုက်၊ ရေညှိတွေနဲ့ ချောပြီး ရေထဲ ပြန်မျောသွားလိုက် လုံးချာပတ်ချာလိုက်နေခဲ့တယ်။ ရေကအေးပေမယ့် ရေထဲကနေ တော်တော်နဲ့ ပြန်မတက်ကြဘူး။

ရေတံခွန်ကနေ ပြန်လာတဲ့အခါ အိမ်နားက ချောင်းထဲမှာ တခါ ရေပြန်စိမ်ကြတယ်။ ညနေ နေကျသွားတာနဲ့ ချောင်းရေဟာ စိမ့်နေအောင်အေးသလို တိုက်တဲ့လေကလည်း အေးတာမို့ ကိုယ်လက်ရေသပ်ပြီးတာနဲ့ ရပ်ရတော့တယ်။

ကိုမောင်လေးက ညစာကို ကြက်ကင်စီစဉ်ပေးထားတယ်။ မီးကတော့ နေရောင်ခြည်သုံးစွမ်းအားနဲ့ နေ့လည်က ဖြည့်ထားတာကို ဖွင့်ပေးပါတယ်။ တကယ့် Eco Lodge လေးပါ။ ခြံစောင့်တဲ့ လင်မယားကတော့ ဖိုးခေါင်းတောင်ပေါ် တောပစ်ထွက်သွားကြပြီ။ နှစ်သစ်ရဲ့ မနက်နေထွက်တာကို တောင်ပေါ်ကနေ ကြည့်ကြမယ်လို့ ပြောပြီး အိပ်ရာဝင်လိုက်ကြတော့တယ်......

ထားဝယ် သို့ ချစ်သောမြေတောင်ပိုင်း (၂)

မနက်လေးနာရီမှာ ခရီးစကြမယ်။ ကျနော့ကိုဆိုင်ကယ်နဲ့ ခေါ်မယ့် နယ်ခံ ကိုမောင်လေးကို လှမ်းနှိုးထားတယ်။ ဖုန်းနံပါတ်မှားနှိုးတာကြောင့် ကိုမောင်လေးကို ခဏစောင့်ပြီး ခရီးကို စခဲ့ကြတယ်။ မနက်စောစော ဆိုင်ကယ်လေနဲ့ တော်တော်လေး အေးတာပါ။  

ထားဝယ်မြို့နယ်ရဲ့ထူးခြားချက်က မြို့နယ်တခုလုံးသန့်ရှင်းနေတာပါ။ အိမ်တိုင်း အိမ်တိုင်းနဲ့ ဒေသခံတိုင်းက သန့်ရှင်းရေးကို လုပ်ကြဖို့နှိုးဆော်ထားသူနဲ့ တတပ်တအားပါဝင်ကြတဲ့ တမြို့နယ်လုံးကို လေးစားမိပါတယ်။ 

တောင်တန်းတွေနားကို ရောက်တဲ့အခါ မြူတွေဆိုင်းတဲ့ ဇာပုဝါဖြူဖြူတွေ မလွင့်ခင် ဖြတ်ခနဲတွေ့ရတဲ့ မနက်အရုဏ်ဦးအလှကို ရပ်ပြီး ရိုက်ကြပြန်တယ်။

တနာရီကျော်လောက် စီးပြီးတဲ့အခါ ဗိုက်ဆာလာကြတယ်။ လမ်းမှာ ထားဝယ်မုန့်ဟင်းခါးဆိုင် စဖွင့်ကာစတွေ့တာနဲ့ ဝင်ဆွဲကြတယ်။ ထပ်ပြီးမောင်းလာရင်း မုချွတ်လိလုပ်နေတာတွေ့တာနဲ့ ဆိုင်ကယ်နောက်ပြန်လှည့်ပြီး ဝင်စားကြသေးတယ်။ မုန့်သည်ဘေးနားကနေ သူတခုလုပ်ပြီးတာနဲ့ ကိုယ်တခုစား သိပ်ကောင်းတဲ့ မုချွတ်လိပါလား လုပ်နေကြတယ်။ မုန့်သည်အမက မျက်နှာချိုသာရုံမက စေတနာပါ ချိုပါတယ်။ မုန့်အပိုနှစ်ခု သီးသန့်ထည့်ပေးလိုက်သလို ကျနော်တို့တွေ ပျော်နေတာကို ပြုံးပြီးကြည့်နေလေရဲ့...

နောက်ထပ် တနာရီကျော်ကျော်လောက် ထပ်မောင်းလာတဲ့အခါ ရွာကအိမ်မှာ ကလေးတွေကို အမေက ထမင်းကျွေးရင်း မီးလှုံနေတဲ့မြင်ကွင်းကို ဖြတ်လာကြတယ်။ ဓါတ်ပုံရိုက်ချင်လို့ခွင့်တောင်းပြီး ဓါတ်ပုံရိုက်ယူလာကြတယ်။ 

အညာထန်းတောနဲ့ တူတယ်ဆိုတဲ့ မြင်းခွာအော်မရောက်ခင် လမ်းကလေးမှာလည်း ရပ်ကြပြန်သေးတယ်။

ဘုရားဖူးတွေမများခင် ရှင်မှော်ရောက်အောင်သွားကြမယ်ဆိုပေမယ့် ရှင်မှော်သွားတဲ့ လမ်းတလျှောက်မှာ နှစ်ကြိမ်လောက် ရပ်ပြီး ဓါတ်ပုံရိုက်ကြပြန်သေးတာ။ ပင်လယ်ဘေးနားကပ်ပြီး တောက်လျှောက်သွားနေတဲ့ ရှင်မှော်လမ်းဟာ မရပ်ပဲ မနေနိုင်အောင်ကိုလှပါတယ်။

ရှင်မှော်ရောက်တော့ နေပူနေပြီ။ ဘုရားကိုဦးချပြီးတာနဲ့ အောက်ကို အတင်းဆင်းကြတယ်။ ဘုရားဖူးတွေများနေခဲ့ပြီ။ အရင်ကဆို သဘာဝအတုိုင်းမို့ ပိုလှမှာ ခုတော့ ရသလောက် အလှလေးတွေကိုပဲ မှတ်တမ်းတင်ခဲ့ရတော့တယ်။ အပေါ်ကို ပြန်တက်လာတဲ့အခါ ဘုရားဖူးကားတွေ တော်တော်များများ ရောက်လာကြပြီ။

ရှင်မှော်ကနေ ပြန်တော့ ငါးဖမ်းရွာကလေးကို ဓါတ်ပုံရိုက်တယ်။ ပြီးတော့ မြင်းခွာအော်ကို ဆင်းတယ်။ မြင်းခွာအော်က ရေကူးဖို့တော့ အဆင်မပြေဘူး။ မြင်းခွာအော်ကနေ ဘိုးဘိုးကျောက်ကို ဆက်သွားကြတယ်။ 

ဘိုးဘိုးကျောက်ကိုရောက်ဖို့ ခက်ခက်ခဲခဲမောင်းရပါတယ်။ ၆၀ဒီဂရီလောက်မတ်တဲ့တောင်ကုန်းတွေကို အဆင်းအတက်လုပ်ရတယ်။ ဘိုးဘိုးကျောက်ကမ်းခြေက ရေအတော်ကြည်ပြီး တကယ်ကို လှတဲ့ကမ်းခြေတခုပါပဲ။ အမှိုက်တွေမရှိသေးဘူး၊ကားတွေ ဆိုင်ကယ်တွေတော့ ကမ်းခြေမှာ သွားနေကြတာ တားမြစ်သင့်ပါတယ်။ ကမ်းခြေကို သဘာဝအတိုင်း ထိမ်းသိန်းမယ့်သူတွေ လိုအပ်နေပါသေးတယ်။ မူရင်းအစီအစဉ်က ဘိုးဘိုးကျောက်ကနေ စက်လှေနဲ့ ဆင်ထောက်ကို သွားကြဖို့ပါပဲ။ စက်လှေလိုက်မယ့်သူမရှိဘူးလို့ဆိုပါတယ်။ 

ဘိုးဘိုးကျောက်မှာ အုန်းရေသောက် ခဏနားပြီး နောက်ကြောင်းပြန်လှည့်လာကြတယ်။ ဘိုးဘိုးကျောက်လမ်းထက် ကြမ်းတဲ့ ဆင်ထောက်ကမ်းခြေလမ်းကို ဦးတည်ကြပြန်တယ်။ ဆင်ထောက်သွားတဲ့လမ်းဟာ မိုးတွင်းဆို ဘယ်လိုမှ သွားလာနိုင်မှာ မဟုတ်ပါဘူး။ ကိုမောင်လေးကတော့ ပြောတယ် ဆင်ထောက်မှာ ကျောင်းရှိတယ် ဒါပေမယ့် ဆရာ ဆရာမတွေဟာ အဲ့ဒီကျောင်းကို ဘယ်သူမှ မလာချင်ကြဘူးတဲ့။ ဒီလောက်ခက်ခဲတဲ့လမ်းကို ဘယ်သူက နေ့တဒူဝလာချင်မှာတဲ့လဲ....

ဆင်ထောက်ရွာမရောက်ခင် လမ်းဆုံမှာ ကြံရည်သောက်ကြတယ်။ ရွာကထည့်ပေးလိုက်တဲ့ ကောက်ညှင်းပေါင်းနဲ့ ငါးခြောက်ကိုလည်း စားလိုက်သေးတယ်။ ကြံရည်က သိပ်ချိုတာမို့ အပြန်ဝင်သောက်မယ်လို့ပါ စာချုပ်ချုပ်ထားလိုက်ကြသေးတာ။

 

ဆင်ထောက်ရွာရောက်ပြီဆိုတာနဲ့ စာသင်ကျောင်းကို တခုတ်တရပြတယ်။ စာသင်ကျောင်းကျော်တာနဲ့ ဆိုင်ကယ်လမ်းဆုံးပြီ။ ရေတက်ချိန်ဆို လမုတောကို လှေနဲ့ဖြတ်ရပြီး ခုလို ရေကျချိ်န်မှာတော့ ခြေကျင်ခရီးပါ။ လမုတောကို မဗေဒါ သီချင်းလေးညည်းရင်း နေပူပူကို လသာသလို ဖြတ်ကြတယ်။ တနာရီကျော်ကျော်လောက် လျှောက်လာရင်း လှိုင်းသံကို ကြားနေရပြီ။

တွေ့ပြီ ရှေ့မှာ ပင်လယ်။ သဲတွေဟာ မြေပဲဆန်လှော်တဲ့ ဒယ်အိုးထဲက ဆားတွေလိုပါပဲ။ နှစ်သစ်ကူးမှာ ဒီ ဆင်ထောက် ကမ်းခြေမှာ နေကြမယ်စိတ်ကူးပေမယ့် ခြောက်ရက်နေ့အထိ ကမ်းခြေဟိုတယ်က အပြည့်တဲ့လေ။ ဒီတော့ ဒီကမ်းခြေကို ရောက်ဖူးတယ်ရှိအောင်ပဲ လာဖြစ်တာပါ။

ဟိုတယ်က ဖွင့်ထားတဲ့ ဆိုင်မှာ နေ့လည်စာ စားဖို့မှာကြတယ်။ ဗိုက်တွေ တအားဆာနေခဲ့ပြီ။ နေ့လည်စာစား ခဏနားပြီးမှ ရေဆင်းကူးကြတယ်။ ဆင်ထောက်ကမ်းခြေက ဘိုးဘိုးကျောက်လောက် သိပ်မလှတဲ့အပြင် လှိုင်းကလည်း ဆွဲတဲ့အတွက် ရေကူးမယ့်သူတွေ သတိနဲ့ကူးစေချင်ပါတယ်။ သီးသန့်ကမ်းခြေလေးဖြစ်သလို၊ ကမ်းခြေစောင့် သက်ကယ်အဖွဲ့တွေလည်း မရှိတာကြောင့်ပါ။ ပြန်တက်လာတဲ့အခါ ဟိုတယ်က ကျနော်တို့ကို ရှားပါးတဲ့ ရေချိုကို ပေးချိုးပါတယ်။ ညနေ နေမကျခင် ကမ်းခြေကနေ ပြန်ထွက်လာကြတယ်။ တအားမှောင်ရင် ဒီလမ်းမှာ ဆိုင်ကယ်နဲ့ လမ်းမသာဘူးလေ...

ဆင်ထောက်ရွာပြန်ရောက်တဲ့အခါ ကျောင်းကို အမှတ်တရ ဓါတ်ပုံရိုက်တယ်။ ပြီးတော့ ကွမ်းသီးလှမ်းထားတာကို ရိုက်တယ်။ ပြီးတော့ ရိုးရာ ဓနိသက်ကယ်ယက်နေတာကို စိတ်ဝင်စားမိတယ်။ လက်ဆင့်ကမ်းသင်ကြားသလို ဖြစ်နေတာမို့ အမှတ်တရ ဓါတ်ပုံရိုက်ယူလာခဲ့ပါတယ်။ ဒီဒေသတွေမှာ ရိုးရာမပျက် ဓလေ့အစဉ်အလာတွေ ထိမ်းသိန်းကြတုန်း...

လမ်းဆုံက ကြံရည်ဆိုင်မှာ တချက်ပဲရပ်တယ် အပြန်ကို အရှိန်တင်ပြီး မောင်းလာကြတယ်။ တချက်တချက် တယောက်ကုို တယောက် စောင့်ကြတာကလွဲရင် မနားကြတော့ဘူး။ ကိုမောင်လေးက ဟိုနားရပ်မလား ဒီနားရပ်မလား မေးပေမယ့် ကျနော်လည်း ထူးပြီး မရပ်ခိုင်းတော့ဘူး။ တချက်ပဲ နေဝင်ချိန် ကောင်းကင်ကို ခဏရပ်ပြီး ဓါတ်ပုံရိုက်တယ်။ ပြီးတော့ သူရပ်ပြီး ရိုက်ခိုင်းတဲ့ ဘုရားလှည့်ပွဲ.....

ကမြောကြီးကို ရောက်တဲ့အခါ အိမ်က လူတွေက ဧည့်သည်ကို ဒီလောက်တောင် မောင်းသလား၊ ဧည့်သည်တော့ ပြန်ပြေးတော့မှာပဲ မေးကြတယ်။ မနက်လေးနာရီကနေ ညနေ ၇နာရီလောက်ထိ တောက်လျှောက်သွားပေမယ့် ဧည့်သည်ကလည်း ဒီလိုမျိုးသွားချင် သွားတတ်တာဆိုတော့ အေးဆေးပဲ။ တခုပဲ ဆိုင်ကယ်တနေကုန်ခွထားတော့ ပေါင်တွေတော့ ကွနေတော့တယ်....

နောက်နေ့ ဘယ်သွားဦးမလဲ ဆိုတဲ့ စိတ်နဲ့ ဖြစ်သလို ညစာကို မြို့ပေါ်က တည်းတဲ့ အိမ်မှာ စားပြီးပြီးချင်း ဆေးတွေသောက်စရာရှိတာသောက် လိမ်းစရာရှိတာလိမ်း၊ သိပ်မကြာခင် အိပ်ပျော်သွားပါတော့တယ်......

ထားဝယ် သို့ ချစ်သောမြေတောင်ပိုင်း (၁)

သွားထားတဲ့ ခရီးများထဲက  ရေးလက်စတွေ၊ မရေးရသေးတာတွေ ရှိနေသေးပေမယ့် မိတ်ဆွေတယောက်သွားချင်တယ်ဆိုပြန်တော့ ဒီခရီးကို အရင်ရေးရတယ်။ ပြီးခဲ့တဲ့ ဒီဇင်ဘာပိတ်ရက် အိမ်ပြန်ရမလား ခရီးသွားမလား ဒွိဟဖြစ်နေတုန်းမှာ ထားဝယ်ခရီးလာဖို့ နယ်ခံမိတ်ဆွေက ဖိတ်ပါတယ်။ ဒီဇင်ဘာပိတ်ရက်တိုလေးအတွင်းမှာပဲ ခွင့်တရက်ပဲ ယူပြီးသွားဖို့ ဆုံးဖြတ်လိုက်တယ်။

MAI နဲ့ ၂၈ ဒီဇင်ဘာပြန်ပြီး ၃ ဇန်နဝါရီပြန်အလာ စလုံး ၂၃၀ပဲကျပါတယ်။ ၂၈ တညကိုရန်ကုန်မှာ အိပ်ပြီး ၂၉ မနက်လေယာဉ်နဲ့ (MNAနဲ့ပါ) ထားဝယ်ကို ပြန်ထွက်တယ်။ လေယာဉ်တစင်းလုံး နိုင်ငံခြားသားတွေချည်းပါပဲ။ မြန်မာဆိုလို့ အနည်းအကျဉ်းပဲပါတယ်။ ထားဝယ်နဲ့ ကော့သောင်းဟာ နိုင်ငံခြားခရီးသွားသူတွေရဲ့ အကြိုက်ဖြစ်နေခဲ့တာ ကြာပြီ။ နယ်ခံတွေအတွက် ဝင်ငွေတဖက်တလမ်းတွေ ရနေခဲ့ပြီဆိုတဲ့အသိနဲ့ ဝမ်းသာမိတယ်။

ထားဝယ်ကို နာရီပြန်တချက်မတီးခင် ရောက်ပါတယ်။ လေယာဉ်ပေါ်မှာ အစိုးရပိုင်းဆိုင်ရာ လူကြီးနဲ့ သူ့မိသားစု (အပျော်ခရီးထွက်လာပုံ ရပါတယ်) လည်းပါတယ်။ လေယာဉ်ဆိုက်တာနဲ့ အဲ့ဒီလူကြီးနဲ့ မိသားစုကို အရင်ဆင်းခိုင်းပြီး လှေခါးမှာ ဝတ်စုံပြည့်လာကြိုသူတွေဟာ တန်းစီပြီးစောင့်နေတယ်။ လေယာဉ်ပေါ်က နိုင်ငံခြားသားတွေ အထူးအဆန်းဖြစ်ပြီး ကြည့်နေကြတာကို ကြည့်ပြီး ရီလည်းရီမိ၊ ပြောင်းလဲကြစို့ဆိုပြီး မနက်လေးနာရီထ မဲပေးခဲ့တဲ့ အစိုးရအသစ်ရဲ့ အရင်အတိုင်းမပြောင်းလဲသေးတဲ့ အဖြစ်ကို တွေးပြီး ငိုလည်းငိုချင်ဖြစ်သွားတယ်။

ထားဝယ်လေဆိပ်ကနေ လာကြိုတဲ့ကားနဲ့ တည်းမယ့်အိမ်မှာ အထုတ်တွေချ ကမြောကြီးကအိမ်မှာ နေ့လည်စာသွားစားကြတယ်။ ပြီးတာနဲ့ ခရီးစဉ်စပြီလေ။ ပထမဆုံးက မျှော်ရစ် ဘုရားကိုလာတယ်။ မျှော်ရစ်ကိုလာတဲ့ လမ်းမှာ မော်တော်တွေရပ်ထားတဲ့ရေထဲက အရိပ်ကို ဓါတ်ပုံရိုက်ချင်တာနဲ့ ခဏရပ်ခုိုင်းပြီး ဓါတ်ပုံရိုက်တယ်။ မျှော်ရစ်ရောက်တော့ တော်တော်လေး နေပူနေပြီ။ ကျောက်တုံးတွေပေါ်တက်ပြီး အမှတ်တရ ဓါတ်ပုံရိုက်ဖြစ်ခဲ့တယ်။ 

မျှော်ရစ်ကအပြန် လမ်းကရွာထဲမှာ ငါးခြောက်လှမ်းထားတာကို ခွင့်တောင်းယူပြီး ဓါတ်ပုံရိုက်ခဲ့တယ်။ ရေထွက်ပစ္စည်းပောတဲ့သူတို့ဆီမှာတော့ သိပ်မထူးဆန်းတော့ပေမယ့် ပင်လယ်နဲ့ ဝေးတဲ့အရပ်က ကျနော်လိုလူအတွက်တော့ အဆန်းလေ..

ပထမဆုံးနေ့ရဲ့ အဆုံးသတ်ကတော့ မောင်းမကန်မှာပေါ့။ မောင်းမကန်မှာ အုန်းရေသောက်ရင်း နေဝင်ချိန်ကို ခံစားဖို့။ ခရီးတွေထွက်တိုင်း နေဝင်ချိန်၊ နေထွက်ချိန်တွေကို တခုတ်တရ လိုက်ကြည့်ရင်း ဓါတ်ပုံရိုက်ဖြစ်ပါတယ်။ စင်္ကာပူမှာတော့ အလုပ်ထဲမှာ အချိန်ကုန်ရင်း မနက်နေထွက်နဲ့ ညနေ နေဝင်ချိ်န်တွေက မသိလိုက်မသိဖာသာ။ တခါတလေ သွားရင်းလာရင်း ငေးမောလိုက်ရရင်တောင် လေးငါးမိနစ်ထက်မပိုဘူးလေ။

မောင်းမကန်နေဝင်ချိန်က သိပ်လှပါတယ်။ ကောင်းကင်ရယ်၊ နေမင်းရယ်၊ လှိုင်းတွေရယ်နဲ့အတူ သောင်ပြင်ထက်မှာ လှိုင်းတွေပင့်လာတဲ့အခါ ထင်ကျန်ရစ်တဲ့ ရောင်ပြန်ရယ်က ဖမ်းစားနိုင်လွန်းတယ်။ 

မောင်းမကန်မှာ အလင်းရောင်မရှိတော့မှ မောင်းမကန်က ပြန်ခဲ့တယ်။ လမ်းတဝက်မှာ မူးလက်သုတ်ဆိုတဲ့ ထားဝယ်မုန့်တီကိုသောက်တယ်။ ဒေသခံတွေကတော့ အချိုရည်(ပအုံးရည်) ထည့်ပြီးစပ်စပ်လေး စားကြတယ်။ ကျနော်ကတော့ အချိုရည် မထည့်ပဲ နံနံပင်များများထည့်ပါဆိုတော့ ရီကြတယ်။ နံနံပင်က ဒီအရပ်မှာ ရှားတာမို့ ပါလေကာလေးပဲ ထည့်စားကြတာတဲ့။ ငြုပ်သီးမထည့်ပဲနဲ့တောင် စပ်နေတာ သူတို့လို ငြုပ်သီးများထည့်စားလို့ကတော့ မလွယ်ကျောပဲ။

မုန့်တီဆိုင်ကနေ နောက်တနေရာအဖြစ် ရေပူစမ်းမှာ ရေဝင်ချိုးကြတယ်။ ရေကန်သုံးကန်ရှိတဲ့အထဲက နှစ်ကန်ကနေပဲ ချိုးနိုင်တယ်။ အရမ်းပူတဲ့ကန်ကိုတော့ မချိုးနိုင်ခဲ့ဘူး။

ထားဝယ်ကိုပြန်ရောက်တော့ အတော်လေးမိုးချုပ်နေပြီ။ ညဈေးတန်းလျှောက်ကြမယ်ဆိုပြီး တည်းတဲ့အိမ်နဲ့ နှစ်ဘလောက်ကျော်လောက်ကို လမ်းလျှောက်ကြတယ်။ ညဈေးတန်းမှာ မြိတ်ကတ်ကြေးကိုက်စားကြပြန်သေးတယ်။

ဗိုက်လည်း အတော်ပြည့်နေပြီဆိုတော့ အိပ်ဖို့ပဲပေါ့။ မနက်ကို လေးနာရီ ဆိုင်ကယ်နဲ့ ခရီးစဉ်စမယ် လမ်းကြမ်းမယ် ပင်ပန်းမယ် ရဲဘော်တို့ဆိုပြီး အိပ်ရာဝင်လိုက်ကြတော့တယ်......