ဈေးရောင်းနေကြမို့ထင်ရဲ့
နိစ္စဒူဝ (နေ့တဒူဝ) ဘာအလိုရှိပါသလဲခင်ဗျာလို့တွင်တွင်ရွတ်လို့
မျက်နှာချင်းဆိုင်မိတာနဲ့
ဘာအလိုရှိပါသလဲခင်ဗျာကိုဖြစ်နေပြီ
ကိုယ်လိုချင်တာဟိုဟာလေ ဒီဟာလေ
တောင်တောင်မြောက်မြောက်ထိုးချင်တိုင်းထိုးတဲ့လက်ညိုးတွေရဲ့နောက်
ငါဘယ်လောက်လိုက်နိုင်မလဲ
ဟိုလိုလုပ်ပါလား ဒီလိုလုပ်ပါလားဆိုတဲ့ ညွှန်ကြားချက်တွေအောက်မှာ
ငါဘယ်လောက်တရွတ်တိုက်ပါမလဲ
တခါဆက်ဆံဆယ်ခါလန်ဆိုပြီး ပြန်သွားသူလဲရှိရဲ့
ကူညီမှုအစုစုအတွက် အပြုံးတပွင့်ကိုရက်ရက်ရောပေးကမ်းပြီး
အတော်လေးလုံလောက်ပြီလို့ ထင်သူလဲရှိရဲ့
သတွေစတွေလတွေ ပုံအောပြီးကောင်းချီးပေးသူလည်းရှိရဲ့
နေ့တိုင်းရွတ်နေတဲ့ ဘာအလိုရှိပါသလဲခင်ဗျာကို
အသံက နည်းနည်းမာပြန်သတဲ့
ခပ်ဖျော့ဖျော့ရွတ်ပြန်တော့ တက်တက်ကြွကြွမဟုတ်ပြန်ဘူး
နည်းနည်းဖော့ဆိုပြန်တော့ စိတ်မပါလက်မပါဖြစ်ပြန်ရော
ပုံမှန်ပြောကြည့်မယ်လေဆိုတော့ သူများနဲ့ပုံစံမတူစေနဲ့တဲ့
ပါးပါးလေးလေဆိုတော့ ကျားကျားလျားလျားရွတ်စမ်းပါတဲ့
ဌာန်နဲ့မာန်နဲ့ဆိုပြန်တော့ အသံကိုက ဆောင့်ကြီးအောင့်ကြီး
ရင်ထဲမှာ နစ်နစ်နာနာနဲ့နင့်နင့်သီးသီးဖြစ်လာတဲ့နောက်
ငယ်စိတ်နဲ့ခွန်းတုံ့ပြန်ဖို့ ပါးစပ်ကိုပြင်
ဇောနဲ့မို့တကြွကြွနှုတ်ခမ်းတွေကြားမှာ
အားရပါးရ တခွန်းဆိုတခွန်း အော်ကြီးဟစ်ကျယ်
ကဲ...ပက်ပက်စက်စက်ပြောပစ်လိုက်တယ်
ဘာအလိုရှိပါသလဲခင်ဗျာ လို့…………
24 September 2010
Subscribe to:
Post Comments (Atom)
.jpg)
No comments:
Post a Comment